အသားမစားဘဲ ငါးနဲ့ ဟင်းသီးဟင်းရွက် တွေပါဝင်တဲ့ အစားအစာတွေကို စားသူတွေက အူမကြီးကင်ဆာ ဖြစ်နှုန်းကို ၄၃ ရာခိုင်နှုန်း လျော့ကျစေကြောင်း လေ့လာမှုအရသိရပါတယ်။
သက်သတ်လွတ်စားသူတွေအတွက် သတင်းကောင်းက သက်သတ်လွတ်စားသူတွေဟာ အသားစားသူတွေထက် ကင်ဆာဖြစ်နိုင်ခြေ ၂၀ ရာခိုင်နှုန်းလျော့ကျမှုရှိတယ်လို့ လေ့လာသူ တွေက ဆိုပါတယ်။
အူမကြီးကင်ဆာ ဖြစ်စေနိုင်တဲ့ အဓိက အချက်တွေက-
– အရက်အလွန်အမင်းသောက်တာ၊
– အနီရောင် ဒါမှမဟုတ် ပြုပြင်ထားတဲ့ အသားများများ စားတာ၊
– ဆေးလိပ်သောက်တာ၊
– ကိုယ်အလေးချိန်များတာ၊ အထူးသဖြင့် ၀မ်းဗိုက်တစ်ဝိုက်အဆီများတာတို့ ဖြစ်ကြပါတယ်။
သက်သတ်လွတ်စားသူတွေက ယေဘုယျအားဖြင့် ကျန်းမာရေးနဲ့ပိုမိုညီညွတ်တဲ့ အစာတို့ ကိုစားရတဲ့အတွက် အ၀လွန်နိုင်ခြေ လျော့ကျတတ်တယ်လို့ အရင်ကတည်းက သိရှိပြီးဖြစ်ပါတယ်။ အခုအခါမှာတော့ သက်သတ်လွတ်အစာစားတာက အူမကြီးကင်ဆာဖြစ်နှုန်း လျော့ကျမှုနဲ့ ဆက်စပ်နေတယ်ဆိုတာကို လေ့လာသူတွေက ထပ်မံတွေ့ရှိခဲ့တာပဲဖြစ်ပါတယ်။
(Healthy Life ဂျာနယ်မှ စီစဉ်တင်ဆက်သည့် အပတ်စဉ် သောကြာနေ့ထုတ် Healthy Life ဂျာနယ်၊ https://www.facebook.com/healthylifejournalmyanmar/ နှင့် www.healthylifejournalmyanmar.com တို့တွင် ဖော်ပြပါရှိသမျှ ကျန်းမာရေးနှင့် အလှအပဆိုင်ရာ သတင်းများ၊ သတင်းဆောင်းပါးများ၊ အမေးအဖြေများ၊ ဘာသာပြန်ဆောင်းပါးများကို လွတ်လပ်စွာ မျှဝေနိုင်ပါသည်။ သို့ရာတွင် မည်သည့် Facebook စာမျက်နှာ၊ Website များတွင်မဆိုပြန်လည်ကူးယူဖော်ပြခြင်းကို ခွင့်မပြုပါကြောင်း အသိပေး ကြေညာအပ်ပါသည်။)
