ဦးအုန်းသွင် (သင်တန်းအရာရှိ၊ ရှေးဦးပြုစုခြင်းနှင့်အန္တရာယ်ကင်းရှင်းရေးဌာန၊ မြန်မာနိုင်ငံကြက်ခြေနီအသင်း)
ထိခိုက်ရှနာပြုစုရာမှာ ဖြစ်ပေါ်တဲ့ ဒဏ်ရာအမျိုးအစားပေါ် မူတည်ပါတယ်။ ဥပမာ ချော်လဲသွားလို့ပွန်းသွားတာနဲ့ တစ်ခုခုနဲ့ ပြတ်ရှလို့ ထိမိတာမှာ သွေးထွက်တာချင်း မတူပါဘူး။ ပွန်းပဲ့သွားတဲ့ ဒဏ်ရာဆိုရင် ရှေးဦးပြုစုလို့ရပါတယ်။
ပွန်းပဲ့ဒဏ်ရာအား ရှေးဦးပြုစုခြင်း
ကျောင်းတွေမှာ ကလေးတွေ ဆော့ကစားရင်းမတော်တဆ ချော်လဲရာက ပွန်းပဲ့သွားတယ်ဆိုရင်ရှိတဲ့ ရေနဲ့ အရင်ဆုံး ဆေးကြောရပါမယ်။ ပြီးရင်ဆေးထည့်ရပါမယ်။
– ချော်လဲတဲ့သူရဲ့ ဒဏ်ရာကို မကိုင်ခင် အရင်ဆုံးပြုစုပေးမယ့်သူရဲ့လက်က သန့်ရှင်းဖို့ လိုပါတယ်။ လက်အိတ်ရှိရင် လက်အိတ်ဝတ်ပါ၊ လက်အိတ်မရှိရင်လက်ကို အရင်ဆုံး ဆပ်ပြာနဲ့ ရေသုံးပြီး စင်ကြယ်အောင် ဆေးကြောပေးပါ။
– ပြီးရင် ပွန်းပဲ့တဲ့ဒဏ်ရာ ပတ်ဝန်းကျင်မှာရှိတဲ့ အညစ်အကြေးတွေ အားလုံးကို သန့်စင်အောင် ရေနဲ့ ဆေးကြောပေးရပါမယ်။
– အဲဒီနောက် ဆေးထည့်ပိတ်ပါးစ(Gauze)တင်ပြီးဆေးထည့်ပေးရပါမယ်၊ ပြီးရင် ပတ်တီးစည်းပေးရပါမယ်။
ပြတ်ရှဒဏ်ရာအား ရှေးဦးပြုစုခြင်း
– ပြတ်ရှဒဏ်ရာဖြစ်ပေါ်ရင် ပြုစုပေးမယ့်သူကလကအိတ်စွပ်ပြီး ဒဏ်ရာထဲစိုက်နေတဲ့အရာ ရှိ၊ မရှိ ကြည့်ပါ။
– သွေးထွက်နေတဲ့အတွက် လုပ်ရမယ့် အဓိကအရာက ဒဏ်ရာပေါ်ကို ဆေးထည့်ပိတ်ပါးစတင်ပြီးတိုက်ရိုက်ဖိအားပေးပါ။ လက်မှာ ဓားရှတဲ့အခါပေစရာ ဘာမှမရှိတဲ့အတွက် ရေမဆေးဘဲနဲ့ အရင်ဆုံး သွေးတိတ်အောင် လုပ်ဖို့ အရေးကြီးပါတယ်။
– ဒဏ်ရာရတဲ့ အစိတ်အပိုင်းကို မြှင့်ထားရပါမယ်။
– ချုပ်ရမယ့် ဒဏ်ရာဖြစ်တဲ့အတွက် သွေးတိတ်အောင်လုပ်ပြီး ဆေးရုံ၊ ဆေးခန်းကို အမြန်ဆုံး သွားပြရပါမယ်။
– ဒဏ်ရာထဲ စိုက်ဝင်နေတဲ့ အရာတွေ ရှိရင် တိုက်ရိုက်ဖိနှိပ်တာ မလုပ်ရပါဘူး၊ ဆွဲမနှုတ်ရပါဘူး။
Healthy Life ဂျာနယ်မှ စီစဉ်တင်ဆက်သည့် အပတ်စဉ် သောကြာနေ့ထုတ် Healthy Life ဂျာနယ်၊ https://www.facebook.com/healthylifejournalmyanmar/ နှင့် www.healthylifejournalmyanmar.com တို့တွင် ဖော်ပြပါရှိသမျှ ကျန်းမာရေးနှင့် အလှအပဆိုင်ရာ သတင်းများ၊ သတင်းဆောင်းပါးများ၊ အမေးအဖြေများ၊ ဘာသာပြန်ဆောင်းပါးများကို လွတ်လပ်စွာ မျှဝေနိုင်ပါသည်။ သို့ရာတွင် မည်သည့် Facebook စာမျက်နှာ၊ Website များတွင်မဆိုပြန်လည်ကူးယူဖော်ပြခြင်းကို ခွင့်မပြုပါကြောင်း အသိပေး ကြေညာအပ်ပါသည်။