မီမိုးမေ (ဆေးဝါးတက္ကသိုလ်)
ကိုယ်ဟန်အနေအထား မှန်ကန်တာက သင့်ကို မျက်နှာပင့်တင်တာနဲ့ ဘိုတောက်စ်ထိုးတာတွေထက် ပိုပြီး နုပျိုကြည့်ကောင်းနေစေပါတယ်။ ဒါ့အပြင် အရေပြားကျန်းမာရေးထက် အရိုးကျန်းမာရေးကို ပိုအထောက်အကူပြုနိုင်ပါတယ်။ မတ်မတ်နေတာကြောင့် အသက်ကြီးလာတဲ့အခါ ကျောရိုးတွေ ထိခိုက်မှုမရှိတော့ဘဲ အရိုးပါးရောဂါ ဖြစ်နိုင်ခြေကိုပါ လျော့ကျစေပါတယ်။ ဒါကြောင့် အသက်ကြီးလာတဲ့အထိ သင့်ကို မားမားမတ်မတ် ရပ်နိုင်စေမယ့် နည်းလမ်းတွေကို ဖော်ပြပေးလိုက်ပါတယ်။
(၁) ရင်ဖွင့်ပြီး အကြောဆန့်ပါ
လူအများစုက ကွန်ပျူတာရှေ့မှာ တစ်နေ့လုံး အချိန်ကုန်နေရတာ များပါတယ်။ ဒါကြောင့် ခန္ဓာကိုယ်လှုပ်ရှားမှု ဖြစ်စေဖို့ ကွန်ပျူတာရှေ့မှာ မကြာခဏရင်ဖွင့်ပြီး အကြောဆန့်ပေးလိုက်ပါ။ ခန္ဓာကိုယ်တစ်ခုလုံး အကြောလျော့စေဖို့အတွက် နာရီဝက်ကြာတိုင်း အကြောဆန့်တာ၊ လမ်းလျှောက်တာနဲ့ မတ်တပ်ရပ်တာတွေကို ပြုလုပ်ပေးပါ။
(၂) လွယ်ကူသော လေ့ကျင့်ခန်းလုပ်ပါ
နံနက်တိုင်း၊ ညတိုင်း ကြမ်းပြင်ပေါ်မှာ လှဲလျောင်းပြီး လက်တွေကိုမြှောက်ကာ ထိတွေ့ပေးပါ။ မျက်လုံးကို သုံးမိနစ်လောက် မှိတ်ထားပေးပါ။ ခန္ဓာကိုယ်မှာ သက်သောင့်သက်သာမရှိဘဲ နာကျင်မှုဖြစ်လာမှ ဒီအကြောဆန့်တာကို ရပ်လိုက်ပါ။
(၃) ၀မ်းဗိုက်နှင့် တင်ပဆုံကြွက်သားများကို သန်စွမ်းအောင် လေ့ကျင့်ပါ
ယောဂနဲ့ ထိုက်ချိလေ့ကျင့်ခန်းတွေကို လုပ်ဆောင်တာက ၀မ်းဗိုက်နဲ့ တင်ပဆုံနေရာက ကြွက်သားတွေကို သန်စွမ်းစေပါတယ်။ ဒီကြွက်သားတွေက ကိုယ်နေဟန်ထားကောင်းမွန်အောင် ပြုလုပ်ပေးနိုင်ပြီး ဆီးမထိန်းနိုင်တာမျိုး မဖြစ်အောင် ခန္ဓာကိုယ်အောက်ပိုင်းကြွက်သားတွေကို သန်စွမ်းစေပါတယ်။
(၄) မတ်မတ်ထိုင်ပါ
ထိုင်ခုံမှာထိုင်ပြီး အလုပ်လုပ်တဲ့အခါမှာ မတ်မတ်ထိုင်ပြီး ပခုံးတွေကို ဆန့်တန်းကာ အလုပ်လုပ်ပေးပါ။ ဒီလိုဖြစ်နေအောင် အလေ့အကျင့်လုပ်ပေးတာက သင့်ခန္ဓာကိုယ်ကို ကျန်းမာကြည့်ကောင်းနေစေပါတယ်။ ယောဂလေ့ကျင့်ခန်း လုပ်ပေးတာဟာ သင့်ကိုထိုင်တဲ့အခါ မားမားမတ်မတ် ရှိနေစေပါတယ်။
(၅) “ဥုံ”ဟု ရေရွတ်ပါ
ယောဂကျင့်စဉ်တစ်ရပ်ဖြစ်တဲ့ ဆုတောင်းတဲ့ကျင့်စဉ်က ခန္ဓာကိုယ်နဲ့ ၀မ်းဗိုက်ကြွက်သားတွေကို သန်စွမ်းစေပြီး အကြောပျော့ပျောင်းနေစေပါတယ်။ ယောဂလေ့ကျင့်တာကို တဖြည်းဖြည်းချင်းလုပ်ပြီး ခန္ဓာကိုယ်ရဲ့ တုံ့ပြန်မှုကို နားဆင်ပါ။
(၆) ကျောရိုးမကြီးကို ထောက်ပံ့ပါ
သွေးဆုံးပြီးတဲ့အချိန်မှာ အမျိုးသမီးတွေက သက်ကြီးအမျိုးသားတွေနဲ့ယှဉ်ရင် ကျောရိုးမကြီးတလျှောက်က ကြွက်သားတွေ ပိုအားနည်းနေနိုင်ပါတယ်။ လေ့ကျင့်ခန်းလုပ်တာက နောက်ကျောကြွက်သားတွေ၊ လည်ပင်းနဲ့ တင်ပဆုံရိုးကြွက်သားတွေကို သန်စွမ်းစေပါတယ်။ အားကစားခန်းမမှာ လေ့ကျင့်ခန်းလုပ်တဲ့အခါ နောက်ကျောကြွက်သားတွေ သန်စွမ်းအောင် စနစ်တကျ လေ့ကျင့်ပါ။
(၇) အလေးမပါ
အလေးမတာက အရိုးသိပ်သည်းဆ လျော့ကျစေတဲ့ အရိုးပါးတာကို ကာကွယ်ပေးနိုင်ပါတယ်။ ဒါကြောင့် လမ်းလျှောက်တာ၊ လှေကားတက်တာအပြင် အလေးမလေ့ကျင့်ခန်းကိုပါ လုပ်ပေးသင့်ပါတယ်။ ဘ၀တလျှောက်လုံး လှုပ်လှုပ်ရှားရှား နေခဲ့တဲ့သူတွေက အထိုင်များတဲ့သူတွေထက် အရိုးသိပ်သည်းဆ ပိုမိုကောင်းမွန်နေတတ်ပါတယ်။
(၈) ဗီတာမင်ဒီရယူပါ
ဗီတာမင်ဒီက အရိုးကျန်းမာရေးအတွက် မရှိမဖြစ် အရေးပါသလို ကြွက်သားတွေကိုလည်း သန်စွမ်းစေပါတယ်။ အစားအသောက်ကနေ ဗီတာမင်ဒီကို ရယူပါ။ ဆေးပညာတက္ကသိုလ်ရဲ့ လတ်တလောလေ့လာမှုအရ လူအများစုဟာ အားဖြည့်ဆေးမမှီဝဲဘဲ အစားအသောက်နဲ့ နေရောင်ခြည်ကနေ ဗီတာမင်ဒီ အလုံအလောက်ရရှိတယ်လို့ ဆိုပါတယ်။ အသက် ၇၀ အောက် အမျိုးသမီးတွေက တစ်နေ့မှာ ဗီတာမင်ဒီ ၆၀၀ အိုင်ယူ၊ အသက် ၇၀ ကျော်ရင် ၈၀၀ အိုင်ယူ လိုအပ်ပါတယ်။
(၉) အာဟာရပြည့်ပြည့်၀၀ စားပါ
ကယ်လ်စီယမ်ကောင်းစွာ ပါဝင်တဲ့ အစာကိုစားရင် အရိုးတွေကို ကျန်းမာစေပါတယ်။ ဒါကြောင့် ကယ်လ်စီယမ်ပါဝင်မှုများတဲ့ နို့နဲ့နို့ထွက်ပစ္စည်း၊ ဥအမျိုးမျိုးကို စားသောက်ပေးဖို့ လိုပါတယ်။
(၁၀) ဆေးကုသမှု ခံယူပါ
အရိုးပါးရောဂါ ရှိ၊ မရှိ သိနိုင်အောင် အရိုးသိပ်သည်းဆကို စစ်ဆေးဖို့ လိုအပ်နေပြီလားဆိုတာ ဆရာဝန်နဲ့ တိုင်ပင်ပါ။ အလေးမတာအပါအ၀င် လေ့ကျင့်ခန်းတွေက အရိုးထုထည်ဆုံးရှုံးမှုကို လျော့ပါးစေတဲ့အပြင် ဆေးဝါးတွေကြောင့်လည်း အရိုးတွေကို သန်စွမ်းစေပါတယ်။ ဒါပေမဲ့ အရိုးအတွက်ဆေးတွေ (ဥပမာ-ကယ်လ်ဆီယမ်နဲ့ bisphosphonates) ကို မမှီဝဲခင်မှာ ဆရာဝန်နဲ့ တိုင်ပင်ဆွေးနွေးပါ။
