၊ မိုးမင်းထွန်း ၊
ရေခဲရိုက်အစားအစာတွေ ဘယ်လောက်ကြာကြာခံသလဲဆိုတာ မခွဲခြားတတ်တာကြောင့် ဗြိတိန်နိုင်ငံရဲ့အစားအစာ လေလွင့်ဆုံးရှုံးမှုနှုန်း မြင့်မားနေတယ်လို့ သိရပါတယ်။
လူထု ၄၃ ရာခိုင်နှုန်းက ၀ယ်တဲ့နေ့မှာပဲ အစားအစာကို ရေခဲသေတ္တာထဲ အအေးခံလို့ရနိုင်တယ်လို့ ယုံကြည်ကြပြီး ၃၈ ရာခိုင်နှုန်းက ချက်ပြီးသား အသားကို ပြန်အအေးခံမယ်ဆိုရင် အန္တရာယ်ရှိတယ်လို့ ဆိုပါတယ်။ ၃၆ ရာခိုင်နှုန်းကတော့ ရေခဲသေတ္တာထဲထည့်တာကြောင့် အစားအစာတွေ ပျက်စီးသွားနိုင်တယ်လို့ ယုံကြည်ထားကြပါတယ်။ “ ဒါတွေက အယူအဆမှား တွေပါ” လို့ အစားအသောက်ထိန်းချုပ်ရေးအေဂျင်စီ(The Food Standards Agency FSA)က ထုတ်ပြန်ပါတယ်။
“ ဗြိတိန်မှာ အစားအသောက် တန် ၇ သန်းဟာ နှစ်စဉ်လွှင့်ပစ်ခံနေရပြီး အဲဒီအထဲက တစ်ဝက်ကျော်ဟာ စားလို့ရနိုင်ပါသေးတယ်။ ရေခဲရိုက်အစာ တွေနဲ့ပတ်သက်ပြီး လူတွေရဲ့ထင်မြင်ချက်တွေဟာ မှားယွင်းနေတယ်” လို့ FSA မူဝါဒရေးရာဒါရိုက်တာ စတိဗ်ဝါပြောပါတယ်။ အစားအသောက် တစ်ခုရဲ့သက်တမ်း မလွန်မချင်းအအေးခံလို့ရတယ်လို့ သူက ပြောပါတယ်။အစားအစာကို ရေခဲသေတ္တာထဲထည့်တာက သီချင်းတစ်ပုဒ်ကို ရောက်တဲ့ နေရာမှာ ရပ်ခိုင်းလိုက်သလိုပဲလို့ ဆိုပါတယ်။
“ အအေးခံတာက အစားအစာမှာပါတဲ့ ဘက်တီးရီးယားကို မဖျက်ဆီး နိုင်ပေမယ့် ပွားများမှုကို တန့်စေပါတယ်။ ဒါက အအေးခံခြင်းရဲ့ ကောင်းကျိုးပါပဲ။ ရေခဲသေတ္တာကထုတ်ပြီး ပုံမှန်အပူချိန်ရောက်တဲ့အခါ အစားအစာမှာ ဘက်တီးရီးယားပွားများမှု ပြန်လည်ဖြစ်ပေါ်ပါတယ်။ ဘက်တီးရီးယားတွေ အန္တရာယ်ရှိတဲ့ပမာဏ ရောက်တဲ့အချိန်မှာ အစာအဆိပ်သင့်မှု ဖြစ်ပေါ်နိုင် တာကြောင့် အစားအသောက်တွေကို ရေခဲသေတ္တာထဲကနေ ခဏခဏ အထုတ်အသွင်း မလုပ်ပါနဲ့” လို့ FSA က သတိပေးထားပါတယ်။
(Ref; ID)
(Healthy Life ဂျာနယ်မှ စီစဉ်တင်ဆက်သည့် အပတ်စဉ် သောကြာနေ့ထုတ် Healthy Life ဂျာနယ်၊ https://www.facebook.com/healthylifejournalmyanmar/ နှင့် www.healthylifejournalmyanmar.com တို့တွင် ဖော်ပြပါရှိသမျှ ကျန်းမာရေးနှင့် အလှအပဆိုင်ရာ သတင်းများ၊ သတင်းဆောင်းပါးများ၊ အမေးအဖြေများ၊ ဘာသာပြန်ဆောင်းပါးများကို လွတ်လပ်စွာ မျှဝေနိုင်ပါသည်။ သို့ရာတွင် မည်သည့် Facebook စာမျက်နှာ၊ Website များတွင်မဆိုပြန်လည်ကူးယူဖော်ပြခြင်းကို ခွင့်မပြုပါကြောင်း အသိပေး ကြေညာအပ်ပါသည်။)
