စူး (ဆေးဝါးတက္ကသိုလ်)
အခုနောက်ပိုင်းမှာ စမတ်ဖုန်းစွဲလမ်းမှုပြဿနာကို အတွေ့ရများလာပါတယ်။ စမတ်ဖုန်းစွဲလမ်းမှုကြောင့် လူမှုရေးတွေမှာ ထိခိုက်စေရုံသာမက စကရင်ဟာ အသားအရေကိုလည်း နွမ်းနယ်စေပါတယ်။
သင့်စမတ်ဖုန်းက အသားအရေကို ဘယ်လိုနည်းနဲ့ ထိခိုက်စေနိုင်သလဲ
စမတ်ဖုန်းကစာတွေကို ဖတ်ဖို့ အဆက်မပြတ် မျက်မှောင်ကြုံ့ပြီး ကြည့်တာက အသက် ၃၀ ကျော်အရွယ်ဖြစ်လာတာနဲ့ မျက်ဝန်းထောင့်မှာ ကျီးကန်းခြေထောက်လို့ခေါ်တဲ့ အရေးကြောင်း စတင်ထင်လာစေပါတယ်။ အမှောင်ထဲမှာ ဖုန်းအလင်းရောင်စူးစူးကို ကြည့်တာက မျက်စိကျန်းမာရေးကိုသာမက မျက်ဝန်းတ၀ိုက်မှာ အရေးကြောင်းထင်တာကိုလည်း ဖြစ်စေနိုင်ပါတယ်။
စမတ်ဖုန်းကြောင့် အသားအရေထိခိုက်မှုမဖြစ်အောင် ဘယ်လိုလုပ်ဆောင်နိုင်သလဲ
အလွယ်ဆုံးကတော့ ဖုန်းစကရင်ကြည့်ချိန်ကို လျှော့ချဖို့ပါပဲ။ ဖုန်းကြည့်ရင်တောင် မကြာခဏ အနားပေးပြီး မျက်ဝန်းအောက်မှာ ရှားစောင်းလက်ပပ်အနှစ်သားကို ကပ်ပေးရပါမယ်။ သင့်အနေနဲ့ ရှားစောင်းလက်ပပ် ထူထူလေးကပ်ပေးပြီး အချိန် ၁၅ မိနစ်လောက်ထားကာ ရေအေးနဲ့ မျက်နှာသစ်ပေးပါ။ ဖုန်းပြောများသူတွေအနေနဲ့ ဖုန်းစကရင်နဲ့ ထိကပ်တာကြောင့် ဘက်တီးရီးယားပိုး ကပ်ညိပြီး ၀က်ခြံပေါက်စေနိုင်ပါတယ်။
စမတ်ဖုန်းသုံးပြီး အသားအရေမထိခိုက်အောင် သင်ဘာလုပ်နိုင်လဲ
• ဖုန်းပြောတဲ့အခါ နားကြပ် (headphone) တပ်ပေးပါ။
• ဖုန်းကို တစ်နေ့တစ်ခါဆိုသလို မိုက်ခရိုဖိုင်ဘာပိတ်စနဲ့ သန့်ရှင်းရေးလုပ်ပေးပါ။
• ၀က်ခြံပေါက်နေရင် မျက်နှာကို ဘန်ဇွိုင်းပါအောက်ဆိုက်၊ ဆလီးစလစ်အက်စစ်တို့လို ၀က်ခြံတားပစ္စည်းပါတဲ့ မျက်နှာသစ်ဆေးနဲ့ သန့်စင်ပေးပါ။
• ဖုန်းအသုံးများတာကြောင့် အိပ်ရေးမ၀ရင် အသားအရေညစ်နွမ်းကာ လျော့တွဲလာတတ်ပါတယ်။ ဒါကြောင့် အချိန်မှန်အိပ်သင့်ပါတယ်။
• အိပ်ရာမ၀င်ခင် အချိန် ၂ နာရီအလိုမှာ ဖုန်းစကရင်ကို မသုံးပါနဲ့။
• တစ်နေ့လုံး ရေများများသောက်ပေးပါ။
• ဖုန်းကိုငုံ့ပြီး အဆက်မပြတ်ကြည့်တာက လည်ပင်းအရေပြားကို တွန့်ခေါက်စေပြီး လည်ပင်းမှာ အရေးကြောင်းထင်စေပါတယ်။ ဒါကြောင့် ဖုန်းကို မျက်နှာနဲ့တတန်းတည်း အနေအထားမှာထားပြီး သုံးသင့်ပါတယ်။
• လည်ပင်းကိုငုံ့ပြီး ဖုန်းသုံးတာက ဇက်ကြောတက်တတ်ပါတယ်။ ဒီလိုမဖြစ်အောင် လည်ပင်းလေ့ကျင့်ခန်း လုပ်ပေးရပါမယ်။