မေး။ ။ ကျွန်တော့်ကလေးက အခုမှ သုံးလပြည့်ဖို့ ငါးရက်လိုသေးတယ်။ ထိုင်ပဲထိုင်ချင်တယ်။ လှဲထားလို့ကို မရဘူး။ သူများက ခါးကုန်းလိမ့်မယ်လို့ ပြောကြတော့ ခက်နေတယ်။ လှဲထားလို့ မရဘူး။ လှဲထားရင် အော်တော့တာပဲ။ ပြဿနာရှိပါသလား။
ကိုကိုထွေး (FB)
ဒေါက်တာမြတ်ထွဋ်ညွှန့်မှ ဖြေကြားပေးပါသည်။
ဖြေ။ ။ ကလေးသုံးလအရွယ်မှာ ၀မ်းလျားမှောက်လျက်က အသံကြားရာ လှည့်ကြည့်တာ၊ ခေါင်းပိုင်းစထူထောင် လာနိုင်တာ၊ အမှီပေးထားရင် စထိုင်တတ်လာတာ၊ အသံပေးလိုက်ရင် အသံလာရာ လိုက်ကြည့်တာ တွေရှိလာရင် ပုံမှန်ဖွံ့ဖြိုးမှုရှိတယ်လို့ ဆိုနိုင်ပါတယ်။ထိုင်ပဲ ထိုင်နေတယ်ဆိုတာ တစ်ခုခုကိုမှီပြီး ထိုင်တာမျိုးလို့ ထင်ပါတယ်။ ခဏတဖြုတ်နိုးနေချိန်မှာ ထိုင်တတ်ခါစ ထိုင်နေချင်တာ ဖြစ်ဖို့များပါတယ်။ ပုံမှန် အိပ်နိုင်တယ်၊ နို့စို့နိုင်တယ်ဆိုရင်တော့ နိုးနေချိန်မှာ ထိုင်ချင်နေတာဟာ ပြဿနာလို့ မယူဆစေလိုပါဘူး။
