———၊ လရိပ်မေ ၊———
(၁) အရေးကြောင်းကင်းစေရန် နဖူးကိုနှိပ်နယ်ခြင်း
စားပွဲခုံပေါ် လက်တံတောင်တင်ပြီး လက်ဖဝါးကို နဖူးပေါ်အုပ်ပါ။ နဖူးပေါ်မှာ လက်ဖဝါးအောက်ခြေကိုအုပ်ပြီး လည်ပင်းကို အနားပေးပါ။ စက်ဝိုင်းပုံ လှည့်လှည်လှုပ်ရှားပေးရင်း မျက်ခုံးကနေ ဆံပင်စပ်အထိ လက်ဖဝါးကို ညင်ညင်သာသာ ဖိနှိပ်လှုပ်ရှားပေးရပါမယ်။ ပြီးရင် နဖူးတပြင်လုံးအထိ နှိပ်ပေးပါ။
အလုပ်သင့်ဆုံးအချိန် – အလုပ်လုပ်နေချိန်အတွင်း
(၂) လက်သီးဆုပ်လိုက်၊ ပြန်ဖြေလျှော့လိုက်လုပ်ခြင်း
သွေးပြန်ကြောတွေ ကျန်းမာဖို့နဲ့ သွေးကြောပျော့ပျောင်းမှုတိုးစေဖို့ ဒီလေ့ကျင့်ခန်းကို ထပ်ခါထပ်ခါ ပြုလုပ်ပေးရပါမယ်။ ဒါဆိုရင် အချိန်ကြာလာတဲ့အခါ သွေးကြောတွေ သိသာမှုနည်းသွားပါလိမ့်မယ်။
လက်သီးဆုပ်လိုက်၊ ပြန်ဖြေလျှော့လိုက်လုပ်ပေးပါ။ တစ်ခါလုပ်ရင် ၂၀ ကြိမ်နဲ့ တစ်နေ့ ၃-၄ ကြိမ်လုပ်ပေးရပါမယ်။
အလုပ်သင့်ဆုံးအချိန် – တစ်နေ့တာအတွင်း
(၃) ခြေဖနောင့်ထောက်လိုက်၊ ချလိုက်ပြုလုပ်ခြင်း
သားနံရည်စနစ် သွေးလှည့်ပတ်မှုကောင်းမွန်ဖို့ (ခန္ဓာကိုယ်ရောင်ရမ်းမှုကင်းပြီး အရည်စုဆောင်းမှု လျော့ကျစေဖို့ (ဒီလေ့ကျင့်ခန်းကို မနက်စောစောမှာ လုပ်ပေးသင့်ပါတယ်။ ဒီနည်းက ခြေဖနောင့်ကို ကြမ်းပြင်ကနေ တစ်စင်တီမီတာခန့် မြှင့်ပေးလိုက်၊ ကြမ်းပြင်ကို ပြန်ချလိုက် လုပ်ပေးရမှာပါ။ အကြိမ်များများ လုပ်ပေးသင့်ပါတယ်။
အလုပ်သင့်ဆုံးအချိန် – မနက်ခင်း ရေချိုးခါနီးမှာ ပြုလုပ်ပေးနိုင်ပါတယ်။
(၄) ကိုယ်နေဟန်ထား တည့်မတ်စေရန် တံခါးလက်ကိုင်သုံးခြင်း
ဒီဆွဲဆန့်လေ့ကျင့်ခန်းက လူကြီးကောကလေးအတွက်ပါ သင့်တော်ကောင်းမွန်ပါတယ်။ ညာဘက်ပခုံးကို ဟန်ချက်ညီစေပြီး ရင်ကိုဖွင့်ထားကာ နောက်ကျောကြွက်သားတွေကို ပိုသန်စွမ်းစေပါတယ်။ တံခါးလက်ကိုင်ရှေ့ရပ်ပြီး နောက်ပြန်အနေအထားနဲ့ ဆွဲပေးပါ။ ၁၀-၂၀ စက္ကန့်လောက် ထားပေးပြီး မူလအနေအထားအတိုင်း ပြန်နေပါ။ လက်မောင်းတွေကို မြှင့်နိုင်လေ ကြွက်သားတွေအတွက် ပိုထိရောက်မှု ရှိလေပါ။
အလုပ်သင့်ဆုံးအချိန် – မနက်ခင်းနဲ့ ညနေခင်းရေချိုးခန်းသုံးချိန်
(၅) တင်ပါးတင်းရင်းစေမည့် လေ့ကျင့်ခန်း
အားကစားခန်းမ မသွားနိုင်သူတို့အတွက် တင်ပါးတင်းရင်းစေမယ့် လေ့ကျင့်ခန်းပါ။
(၁) တင်ပါးကြွက်သားကို ကျုံ့လိုက်၊ ပြန်ဖြေလျှော့လိုက် စက္ကန့် ၂၀ ပြုလုပ်ပေးပါ။ ပြီးရင် ၁၀ စက္ကန့်နားပြီး တစ်ခါပြန်လုပ်ပါ။ ငါးကြိမ်ခန့်လုပ်ပါ။
(၂) လမ်းလျှောက်ရင်း တင်ပါးကို တောင့်တင်းထားပါ။ ညာဘက်ခြေထောက် လှမ်းချိန်မှာ တင်ပါးညာဘက်အခြမ်းကို တောင့်တင်းထားပါ။ ဘယ်ဘက်ခြေထောက် လှမ်းချိန်မှာ တင်ပါးဘယ်ဘက်အခြမ်းကို တောင့်တင်းထားပါ။ အကြိမ် ၃၀ လောက်လှမ်းလိုက်၊ တောင့်တင်းလိုက်လုပ်ပါ။
အလုပ်သင့်ဆုံးအချိန် – တစ်နေ့တာအတွင်း
(၆) သွေးပြန်ကြောထုံးခြင်း ကာကွယ်ရန်အတွက် ခြေထောက်လှုပ်ရှားခြင်း
သွေးပြန်ကြောထုံးခြင်းမဖြစ်အောင် ခြေထောက်မြှင့်လေ့ကျင့်ခန်း လုပ်ရမှာ ဖြစ်ပါတယ်။ ဒီကျင့်စဉ်အနေအထားက ခြေထောက်ကို အနားရစေပြီး ရောင်ရမ်းမှုမဖြစ်အောင် ကာကွယ်ပေးပါတယ်။ ကြမ်းပြင်ပေါ် လှဲလျောင်းပြီး နံရံနဲ့ ဆန့်ကျင်ဘက်အနေအထားမှာ ခြေထောက်ကိုထောက်ပြီး မြှင့်ပေးပါ။ ခြေဖျားထိပ်ကို မြှင့်လိုက်၊ ချလိုက် လှုပ်ရှားမှုလုပ်ရင်း အချိန်တစ်မိနစ်ခန့် လှဲလျောင်းနေပါ။
အလုပ်သင့်ဆုံးအချိန် – ညနေခင်း၊ အိပ်ရာဝင်ခါနီးအချိန်
(၇) လည်ပင်းကြွက်သားအနားရရန် ဦးခေါင်းလှည့်ခြင်း
ဒီရိုးစင်းတဲ့ လေ့ကျင့်ခန်းက လည်ပင်းတောင့်တင်းမှုကို ပြေလျော့သက်သာစေပြီး မျက်နှာအသွေးအရောင်ကို တင့်တယ်စေပါတယ်။ လေ့ကျင့်ခန်းအတွဲလိုက် လုပ်ဆောင်တာကြောင့် ကြွက်သားပြေလျော့စေပါတယ်။ လည်ပင်းအခြေကနေ ဦးခေါင်းအထိ လည်ပင်းနောက်ရှိ ကြွက်သားတွေကို နှိပ်ပေးပါ။ ပြီးရင် ခါးမတ်မတ်ထားပြီး ထိုင်ရင်း(သို့) ရပ်ရင်းမှာ ဦးခေါင်းကို ဘေးဘက်သို့ ဖြည်းဖြည်းချင်းလှည့်ပါ။ ပြီးရင် နောက်တစ်ဖက်ကို ပြန်လှည့်ပါ။ လည်ပင်းကြွက်သားတွေကို ပြေလျော့စေပါတယ်။ အကြိမ် ၂၀ ခန့် လုပ်ရပါမယ်။
အလုပ်သင့်ဆုံးအချိန် – အလုပ်လုပ်နေချိန်အတွင်း
(၈) ဗိုက်ရှပ်ခြင်း
မနက်စာမစားခင် မနက်ခင်းမှာ လုပ်သင့်ပါတယ်။ အစာစားပြီး ချက်ချင်း လုံးဝမလုပ်သင့်ပါ။ ကျောမတ်မတ်ထားပြီး ထိုင်ပါ ဒါမှမဟုတ် ရပ်ပါ။ အသက်ရှူသွင်း/ရှူထုတ်လုပ်ပြီး ဝမ်းဗိုက်ချပ်ထားစဉ် အသက်ရှူသွင်းလိုက်ပါ။ ၁၀-၁၅ စက္ကန့်ကြာမှ အသက်ရှူထုတ်ပါ။
အလုပ်သင့်ဆုံးအချိန် – တစ်နေ့တာအတွင်း အစာမစားခင်
(၉) ပေါင်အဆီပိုကင်းစင်စေရန် ထိုင်လျက်လမ်းလျှောက်ခြင်း
ဒီလေ့ကျင့်ခန်းက သွေးလှည့်ပတ်မှုကောင်းစေပြီး ကြွက်သားထိရောက်မှုရှိကာ ခန္ဓာကိုယ်ဇီဝကမ္မ ဖြစ်ပျက်မှု အားကောင်းစေပါတယ်။ ဒါ့အပြင် အဆိပ်အတောက်လည်း ကင်းစင်စေပါတယ်။ ကြမ်းပြင်ပေါ်မှာ ထိုင်ပါ။ ညာခြေထောက်နဲ့ တင်ပါးကို ကြမ်းပြင်မှ ရှေ့သို့ ရွှေ့ပေးပါ။ ပြီးရင် ဘယ်ခြေထောက်နဲ့ တင်ပါးကို ကြမ်းပြင်မှရှေ့သို့ ရွှေ့ပေးပါ။ အနည်းဆုံး ခြေလှမ်း ၃၀ လောက် လှုပ်ရှားကြည့်ပါ။
အလုပ်သင့်ဆုံးအချိန်-နံနက်ခင်းနဲ့ ညနေခင်း