ယေဘုယျအားဖြင့် ခန္ဓာကိုယ်ထုထည် အညွှန်းကိန်း (BMI) က ၂၅ နဲ့ အထက်ရှိရင် ကိုယ်အလေးချိန်များတယ်၊ ၃၀ နဲ့ အထက်ရှိရင် အဝလွန်တယ်လို့ သတ်မှတ်ပါတယ်။ ကိုယ်အလေးချိန်က ပုံမှန်ထက်ပိုများရင် ဒါမှမဟုတ် အဝလွန်နေရင် အောက်ပါကျန်းမာရေးအခြေအနေတွေရဲ့ ဖြစ်နိုင်ခြေကို မြင့်တက်စေနိုင်ပါတယ်။
• နှလုံးသွေးကြောကျဉ်းရောဂါ၊
• အမျိုးအစား(၂) ဆီးချိုသွေးချိုရောဂါ၊
• ကင်ဆာရောဂါ (ဥပမာ- ရင်သား၊ အူမကြီး)၊
• သွေးတိုးရောဂါ၊
• သွေးတွင်းအဆီများတာ၊ ကိုလက်စထရောများတာ၊
• လေဖြတ်တာ၊
• အသည်းနဲ့ သည်းခြေရောဂါ၊
• အိပ်ပျော်စဉ် အသက်ရှူရပ်လိုက်/ ပြန်ရှူလိုက်ဖြစ်တာနဲ့ အသက်ရှူလမ်းကြောင်းဆိုင်ရာပြဿနာ၊
• အရိုးအဆစ်ရောင်ရမ်းမှု၊
• မီးယပ်ရောဂါတွေ (ဥပမာ- ရာသီသွေးဆင်မှု ပုံမမှန်ဖြစ်တာ၊ မျိုးမအောင်တာ) စတာတွေ ဖြစ်ကြပါတယ်။
