၊ ငွေကြယ်စင်ယံ ၊
သင့်ကိုယ်လုံးနဲ့ လိုက်ဖက်အောင်ဝတ်တတ်ရင် ပိုကြည့်ကောင်းတဲ့ အလှတရားကိုပိုင်ဆိုင်စေမှာဖြစ်ပါတယ်။ ဒီတစ်ပတ်မှာ တြိဂံပုံကိုယ်လုံးပိုင်ရှင်တွေအတွက် ဖော်ပြလိုက်ပါတယ်။
– တြိဂံပုံကိုယ်လုံး
တြိဂံပုံကိုယ်လုံးဆိုတာ ရင်ဘတ်နေရာမှာကျဉ်းပြီး ခါးအတိုင်းအတာက အချိုးကျသူပါ။ ရင်သားက တင်ပါးနဲ့ပေါင်စတဲ့ ခန္ဓာကိုယ်အောက် ပိုင်းနဲ့ယှဉ်ရင် ပိုသေးငယ်ပါတယ်။ ပြောရရင် ပခုံးကျဉ်းပြီး တင်ကားသူပါ။
တြိဂံပုံကိုယ်လုံးတွေက ခန္ဓာကိုယ်အပေါ်ပိုင်းအတွက် ဘယ်လိုဝတ်သင့်သလဲ
ရည်ရွယ်ချက်။ ။ ပခုံးကျယ်ပြီး ခါးအလှကိုထင်ရှားစေမယ့် ကိုယ်နေဟန်ဖြစ်အောင် ဝတ်ရပါမယ်။
– အင်္ကျီအရောင်တောက်တောက် ရွေးဝတ်သင့်ပါတယ်။ အင်္ကျီ၊ အနွေးထည်ရဲ့ အရှည်က တင်ပါးရဲ့ အကျယ်ဆုံးနေရာအထက် ဒါမှမဟုတ် အကျယ်ဆုံးနေရာအောက်ဖြစ်ရပါမယ်။
– လည်ပင်းပုံက အင်္ဂလိပ်အက္ခရာ “V’’ပုံ၊ နှလုံးပုံ၊ လေးထောင့်ပုံနဲ့ လှေပုံဖြစ်သင့်ပါတယ်။
– ကြီးမားတဲ့ လက်ဝတ်လက်စားတွေက ခန္ဓာကိုယ်အပေါ်ပိုင်းကို ပိုကြီးမားသယောင်ထင်ရစေပါတယ်။
– ခါးပတ်ပြားကြီးကြီးပတ်ပါ။
– ခါးသေးသွယ်တာကို ပေါ်လွင်စေတဲ့ ဝတ်စုံဝတ်ပါ။
– ကုတ်အင်္ကျီနဲ့ဂျက်ကတ်အင်္ကျီတွေက ဒူးအထက် ဒါမှမဟုတ် ဒူးအောက်နားအထိဖြစ်ပြီး အနေတော်ဖြစ်သင့်ပါတယ်။
တြိဂံပုံကိုယ်လုံးတွေ ဘယ်လိုမဝတ်သင့်ဘူးလဲ
– အရောင်ရင့်တဲ့ ဘလောက်စ်အင်္ကျီ ရှောင်သင့်ပါတယ်။
– အပေါ်ပိုင်းကို ကျပ်လွန်းတဲ့အဝတ်အစား မဝတ်သင့်ပါဘူး။
– တစ်ဖြောင့်တည်းချုပ်ထားတဲ့ ဝတ်စုံမျိုးရှောင်ပါ။
တြိဂံပုံကိုယ်လုံးတွေက ခန္ဓာကိုယ်အောက်ပိုင်းအတွက် ဘယ်လိုဝတ်သင့်သလဲ
ရည်ရွယ်ချက်။ ။ ခန္ဓာကိုယ်အောက်ပိုင်းကို ပိုသေးသယောင် ထင်ရအောင် ဝတ်ရပါမယ်။
– အရောင်ရင့်တဲ့ စကပ်၊ ဘောင်းဘီ၊ လုံချည်ဝတ်ပါ။
– တစ်ဖြောင့်တည်း ချုပ်ထားတဲ့ စတိုင်ဘောင်းဘီ၊ ဂျင်း ဘောင်းဘီတွေကို ဝတ်ပါ။
– “A Line’’ စကပ်ကို ဝတ်ပါ။ စကပ်အရှည်က ဒူးအောက်နားမှာ ဆုံးသင့်ပါတယ်။
ဘယ်လို မဝတ်သင့်ဘူးလဲ
– အိတ်ကပ်များများ ပါတဲ့စကပ်၊ ဘောင်းဘီရှောင်ပါ။
– ကျပ်လွန်းတဲ့ ဘောင်းဘီ၊ အရောင်ဖျော့ဘောင်းဘီရှောင်ပါ။
– ကျပ်လွန်းပြီး ခါးပေါ်တက်လွန်းတဲ့ စကပ်ရှောင်ပါ။
– ကန့်လန့်ဖြတ်အစင်းတွေပါတဲ့ စကပ်ရှောင်ပါ။
ဖိနပ်
ခြေတံတွေ ရှည်လျားသွယ်လျသယောင် ဖြစ်စေမယ့် ဖိနပ်စီးရပါမယ်။ ဒေါင့်မြင့်ဖိနပ်၊ ရှေ့ချွန်ဒေါက်ဖိနပ်၊ ဒေါက်မြင့် လေဒီရှူး စတာတွေကိုစီးရပါမယ်။
Healthy Life ဂျာနယ်မှ စီစဉ်တင်ဆက်သည့် အပတ်စဉ် သောကြာနေ့ထုတ် Healthy Life ဂျာနယ်၊ https://www.facebook.com/healthylifejournalmyanmar/ နှင့် www.healthylifejournalmyanmar.com တို့တွင် ဖော်ပြပါရှိသမျှ ကျန်းမာရေးနှင့် အလှအပဆိုင်ရာ သတင်းများ၊ သတင်းဆောင်းပါးများ၊ အမေးအဖြေများ၊ ဘာသာပြန်ဆောင်းပါးများကို လွတ်လပ်စွာ မျှဝေနိုင်ပါသည်။ သို့ရာတွင် မည်သည့် Facebook စာမျက်နှာ၊ Website များတွင်မဆိုပြန်လည်ကူးယူဖော်ပြခြင်းကို ခွင့်မပြုပါကြောင်း အသိပေး ကြေညာအပ်ပါသည်။