၊ ငွေကြယ်စင်ယံ ၊
အိမ်ထောင်ရှင် အမျိုးသမီးတွေဟာ ရုပ်ပိုင်းဆိုင်ရာနဲ့ စိတ်ပိုင်းဆိုင်ရာ ကျန်းမာရေးအခြေအနေတွေကြောင့် လိင်စိတ်လျော့နည်းမှု ဖြစ်ရတတ်ပါတယ်။
ရုပ်ပိုင်းဆိုင်ရာ ကျန်းမာရေးထိခိုက်မှုကြောင့် လိင်စိတ်လျော့နည်းရသော အကြောင်းရင်းများ
– သွေးအားနည်းရောဂါ (ရာသီလာစဉ်အတွင်း သံဓာတ်ဆုံးရှုံးမှုများတာကြောင့် အမျိုးသမီးတွေမှာ အဖြစ်များတဲ့ရောဂါပါ။)
– အရက်စွဲခြင်း
– မူးယစ်ဆေးသုံးစွဲခြင်း
– ဆီးချိုသွေးချိုရောဂါတွေလို ရောဂါတွေဖြစ်တာ၊
– ကလေးမွေးပြီး စိတ်ဓာတ်ကျခြင်း(ကလေးမွေးပြီးချိန်မှာ အမျိုးသမီးအများစုဟာ ဟော်မုန်းအပြောင်းအလဲဖြစ်ပြီး လိင်စိတ်လျော့နည်းရတတ်ပါတယ်။)
– တချို့ဆေးဝါးတွေကို မှီဝဲနေရတာ၊
– Hyperprolactinaemia -(ပီကျူထရီဂလင်း အလုပ်လုပ်လွန်တဲ့ ရှားရှားပါးပါး အခြေအနေကြောင့်လည်း လိင်စိတ်လျော့နည်းရတတ်ပါတယ်)
– တခြားဟော်မုန်းပုံမမှန်ဖြစ်တဲ့ အခြေအနေတွေဖြစ်တာ၊
– သွေးဆုံးတာကြောင့်လည်း လိင်စိတ်လျော့နည်းရတတ်ပါတယ်။
စိတ်ပိုင်းဆိုင်ရာ ကျန်းမာရေးထိခိုက်မှုကြောင့် လိင်စိတ်လျော့နည်းရသော အကြောင်းရင်းများ
ဒီအကြောင်းရင်းတွေက အမျိုးသမီးတွေမှာ အလွန်အဖြစ်များပါတယ်။ အမျိုးသမီးတစ်ယောက်မှာ စိတ်ပိုင်းဆိုင်ရာအခြေအနေဆိုးရွားနေချိန်မှာ Sex ကိစ္စမှာ စိတ်ပါဝင်စားမှုဆုံးရှုံးတတ်ပါတယ်။
– စိတ်ဓာတ်ကျတာ၊
– စိတ်ဖိစီးမှုနဲ့ အလုပ်များတာ၊
– စိတ်ပူပင်သောကများတာ၊
– မွေးကင်းစကလေးတွေကို ထိန်းကျောင်းနေရတာ၊
– အရင်က အကြမ်းဖက်ခံရဖူးတာ၊ အလိုမတူဘဲ ကျူးလွန်ခံရဖူးတာ၊
– အမျိုးသမီးချင်းစွဲလမ်းချစ်ခင်စိတ်ရှိတာ၊
– အိမ်ထောင်ဖက်နဲ့ အိမ်ထောင်ရေးအဆင်မပြေတာ၊
– နေထိုင်ရတဲ့အခြေအနေက အခက်အခဲရှိတာ (ဥပမာ- မိဘ ဒါမှမဟုတ် ယောက္ခမတွေနဲ့အတူ တစ်အိမ်တည်းနေရတာ)စတဲ့ အကြောင်းရင်းတွေကြောင့် အမျိုးသမီးတွေမှာ လိင်စိတ်လျော့နည်းရတတ်ပါတယ်။
(Healthy Life ဂျာနယ်မှ စီစဉ်တင်ဆက်သည့် အပတ်စဉ် သောကြာနေ့ထုတ် Healthy Life ဂျာနယ်၊ https://www.facebook.com/healthylifejournalmyanmar/ နှင့် www.healthylifejournalmyanmar.com တို့တွင် ဖော်ပြပါရှိသမျှ ကျန်းမာရေးနှင့် အလှအပဆိုင်ရာ သတင်းများ၊ သတင်းဆောင်းပါးများ၊ အမေးအဖြေများ၊ ဘာသာပြန်ဆောင်းပါးများကို လွတ်လပ်စွာ မျှဝေနိုင်ပါသည်။ သို့ရာတွင် မည်သည့် Facebook စာမျက်နှာ၊ Website များတွင်မဆိုပြန်လည်ကူးယူဖော်ပြခြင်းကို ခွင့်မပြုပါကြောင်း အသိပေး ကြေညာအပ်ပါသည်။)
