မေး – အသက်က ၂၂ ပါ။ ရာသီက လာခါနီး နေပါပြီ။ချက်ရဲ့ ဘယ်ဘက်အောက်နားက စူးတူးတူး ဖြစ်နေ လို့ပါရှင့်။ ဖြစ်နေတာက ၅ရက်လောက်ရှိပါပြီရှင့်။ ဒါက ရာသီအကြိုဝေဒနာလား ဆရာ။
ယဉ်မင်းလှိုင် Fb
# ဒေါက်တာစိုးလွင်(သားဖွားမီးယပ်အထူးကု ဆရာဝန်ကြီး) မှ ဖြေကြားသည်။
ဖြေ – ရာသီအကြိုဝေဒနာဆိုတာ ခန္ဓာကိုယ်မှာရော၊ စိတ်မှာပါ အပြောင်းအလဲတွေ အများကြီး ဖြစ်တတ်ပါတယ်။ ရာသီအကြိုဝေဒနာမှာ ရင်သားတင်းတာ၊ စိတ်တွေတိုလာတာ စသဖြင့် ဖြစ်တတ်ပါတယ်။ ရာသီ အကြိုဝေဒနာ ခံစားရတဲ့နေရာမှာ အမျိုးသမီးတွေက တစ်ယောက်နဲ့ တစ်ယောက်မတူတော့ ဝေဒနာလေး တစ်ခုကိုကြည့်ပြီး ပြောရခက်ပါတယ်။ တခြားအကြောင်း တွေကြောင့်လည်း ဖြစ်နိုင်တာကြောင့် ဆရာဝန်နဲ့ ပြသပြီး စစ်ဆေးဖို့လိုအပ်ပါတယ်။
