Health Tips

အချိန် ငါးမိနစ်သာပေးရမည့် ကိရိယာလွတ် လေ့ကျင့်ခန်း

By Ko Htet

Posted on May 30, 2017

ကိုထက်

ဘယ်နေရာမှာမဆို၊ ဘာကိရိယာမှမလိုဘဲ အချိန်ငါးမိနစ်သာပေးပြီး ကျင့်လို့ရတဲ့ လေ့ကျင့်ခန်း ဖြစ်ပါတယ်။ ဒီလေ့ကျင့်ခန်းတွေက တစ်နေ့လုံး အပန်းပြေနေစေပြီး စိတ်ခံစားမှု ကောင်းမွန်နေမှာပါ။

(၁) ချားစ်လိစ်၏ နတ်မိမယ်ပုံစံ လေ့ကျင့်ခန်း
ခြေထောက်ကို ပုံမှာပြထားတဲ့အတိုင်း တစ်ဖက်ကိုချထားပါ။ ဒူးကိုထောက်မထားဘဲ ခြေကျင်းဝတ်အပေါ်မှာ ရှိနေရပါမယ်။ လက်ကို ဆန့်တန်းထားပြီး ပခုံးကြွက်သားတွေကို လျော့ထားပါ။ ဗိုက်ကို တောင့်တင်းနေအောင် ချပ်ရပ်ထားပြီး ပုံပါအတိုင်း ခါးကို လှည့်လိုက်ပါ။ တစ်ဖက်ကိုစက္ကန့် ၃၀ ခန့်လှည့် ပေးပါ။ ပြီးရင် ခြေထောက်ပြောင်းပြီး တစ်ကြိမ်ထပ် လုပ်ပါ။ပိုထိရောက်အောင် – ခါးကို လိမ်လိုက်တဲ့ အချိန်မှာ ခြေတံနှစ်ဖက်လုံးကို ဖြောင့်နေအောင်ထားပါ။

(၂) ဒူးထောက်သည့် လေ့ကျင့်ခန်း
ကြမ်းပြင်မှာ ညာဒူးထောက်ကာ ဘယ်လက်နဲ့ ထောက်ထားပြီး ကျန်တဲ့ ခြေနဲ့လက်ကို ပုံပါအတိုင်းဆန့် တန်းထားပါ။ တင်ပါးနဲ့ပခုံးက တစ်တန်းတည်း ဖြစ်နေရပါမယ်။ ခေါင်းက တစ်နေရာကိုသာ စိုက်ကြည့်နေရပါမယ်။ အဲဒီနောက် ဆန့်တန်းထားတဲ့ ခြေထောက်နဲ့လက်ကို ပုံပါအတိုင်း ကွေးလိုက်၊ ပြန်ဆန့်လိုက် . . လုပ်ပေးပါ။ပိုထိရောက်အောင် – ခြေထောက်တစ်ဖက်စီထောက်ပြီး စက္ကန့် ၃၀ ကြာလုပ်ပေးပါ။ ပြီးရင် နောက်တစ်ဖက် ပြောင်းလုပ်ပါ။

(၃) လက်ထောက်မှောက် လေ့ကျင့်ခန်း
လက်ထောက်မှောက် လေ့ကျင့်ခန်း အနေအထားပုံစံအတိုင်းနေရပြီး လက်ကိုဆန့်ထုတ်လိုက်၊ ပြန်ကွေးလိုက် လုပ်ပေးရပါမယ်။ လက်ကို ကွေးချလိုက်တဲ့အချိန်မှာ ဝမ်းဗိုက်ကို ကြမ်းပြင်နဲ့ မထိစေဘဲနဲ့ ဒူးနဲ့ပဲ ထိရပါမယ်။ပိုထိရောက်အောင် – လက်ကိုဆန့်ထုတ်တဲ့အချိန်မှာ ခြေချောင်းတွေအပေါ်မှာ အားပြုပေးပါ။ စက္ကန့် ၆၀ ကြာ လုပ်ပေးပါ။

(၄) လက်ပြန်ဆွဲ လေ့ကျင့်ခန်း
ပုံပါအတိုင်း ကြမ်းပြင်ပေါ်မှာ မှောက်ရက်လှဲကာ လည်ပင်းကို ပုံမှန်အတိုင်းထားပါ။ လက်များကို ဘေးသို့ ဆန့်ထားပြီး လက်မထောင်ထားပေးပါ။ ပခုံးကြွက်သားတွေကို အားပြုပြီး လက်နှစ်ဖက်ကို နောက်သို့ ဆွဲတင်လိုက်ပါ။ ခြေထောက်တွေကို တောင့်ထားပေးပါ။ ပိုထိရောက်အောင် – လည်ပင်းကို တည့်တည့်သာထား ပြီး ရင်ဘက်ကြွက်သားတွေကိုပါ တောင့်ထားပါ။ စက္ကန့် ၆၀ လုပ်ပေးပါ။

(၅)ကြွက်သားဖိအား လေ့ကျင့်ခန်း
ခါးကို ဖြောင့်ထားပြီး ပုံမှာပြထားတဲ့အတိုင်း လက်မောင်းကို နောက်ဘက်ထောက်ထားပါ။ လည်ပင်းကို မတ်ထားကာ ခြေထောက်နှစ်ဖက်ကို ပူးကပ်ထားပါ။ ပုံမှာ ပြထားသလို တံတောင်ကို နောက်ကိုထောက်ချတဲ့အချိန်မှာ ခြေထောက်ပုံစံ အနေအထားပျက်မသွားအောင် ဂရုစိုက်ပြီး လုပ်ပေးပါ။ ပိုထိရောက်အောင် – စက္ကန့် ၆၀ကြာ တံတောင်ကို ထောက်လိုက်၊ ပြန်ဖြောင့်လိုက်လုပ်ပေးပါ။