———၊ ဇွန်ခိုင်ဦး (ဆေးဝါးတက္ကသိုလ်) ၊———
ကျန်းမာတဲ့ဘဝ ပိုင်ဆိုင်ချင်တယ်ဆိုရင်တော့ တစ်နေ့မှာ မိနစ် ၃၀ ချွေးထွက်အောင် ကိုယ်လက်လှုပ်ရှား လေ့ကျင့်ခန်းလေးတွေ ပြုလုပ်ပေးဖို့ လိုတာပေါ့။ တကယ်လို့ တစ်နေ့လုံးအထိုင်များပြီး ကိုယ်လက်လှုပ်ရှားမှုကလည်း မရှိရင်တော့ ကြာလာတဲ့အ ခါ ခန္ဓာကိုယ်အင်္ဂါအစိတ်အပိုင်းတွေမှာ အခုလို ထိခိုက်မှုတွေ ဖြစ်စေနိုင်ပါတယ်။
♦ အဆုတ်
ကိုယ်လက်လှုပ်ရှားမှုမရှိရင် အဆုတ်က အောက်ဆီဂျင်ရရှိမှု နည်းသွားပါတယ်။
♦ အရေပြား
အာဟာရဓာတ်ချို့တဲ့မှုကြောင့် ကျန်းမာရေးနဲ့မညီညွတ်တဲ့ အသားအရေနဲ့ ဆံပင်ကျွတ်ခြင်းတို့ကို ဖြစ်စေသလို ကိုယ်လက်လှုပ်ရှားမှုသာ မရှိခဲ့ရင် သွေးလှည့်ပတ်မှုနည်းပြီး အသားအရေနဲ့ ဆံပင်သားကျန်းမာရေး ထိခိုက်စေပါတယ်။
♦ ကြွက်သားနှင့် အဆစ်
ကြွက်သားတွေကို အသုံးမပြုတဲ့အခါ ကြွက်သားထုထည်ဆုံးရှုံးလာပါတယ်။ ကိုယ်အလေးချိန်က အလွယ်တကူ မြင့်တက်လာပြီး အဆစ်အားနည်းလာပါတယ်။
♦ နှလုံး
ကိုယ်လက်လှုပ်ရှားမှုမရှိရင် နှလုံးကြွက်သားတွေ အားနည်းလာပြီး အခြေခံလှုပ်ရှားမှုလေးတွေ လုပ်ဖို့တောင် ဒဏ်ဖြစ်လာပါတယ်။
♦ အစာအိမ်နှင့် အူလမ်းကြောင်း
ကိုယ်လက်လှုပ်ရှားမှုမရှိရင် ဝမ်းချုပ်စေနိုင်ပါတယ်။
♦ အရိုး
ကိုယ်လက်လှုပ်ရှားမှုမရှိရင် အရိုးတွေအားနည်းပြီး အရိုးပါးရောဂါ ဖြစ်စေနိုင်ပါတယ်။
♦ အခြားအင်္ဂါအစိတ်အပိုင်းများ
ကိုယ်လက်လှုပ်ရှားမှုမရှိရင် ခန္ဓာကိုယ်က ပိုအားနည်းလာပြီး နာမကျန်းမှု ပိုဖြစ်လွယ်လာပါတယ်။ ခေါင်းကိုက်ခြင်း၊ စိတ်ခံစားမှုလျော့နည်းခြင်းနဲ့ အာရုံစိုက်နိုင်စွမ်းမှာ အခက်အခဲရှိခြင်းတို့ကို ဖြစ်စေနိုင်ပါတယ်။
