၊ စူး ၊ (ဆေးဝါးတက္ကသိုလ်)
ချီကာဂိုဆေးစင်တာရဲ့ လေ့လာသူတွေက နှစ်နှစ်ကြာလေ့လာခဲ့တဲ့အခါ အောက်ပါ အစာစားနည်းဟာ ဦးနှောက်ကို နည်းလမ်းနှစ်မျိုးနဲ့ အကျိုးပြုတယ်ဆိုတာ တွေ့ရှိခဲ့ပါတယ်။ ပြည့်ဝဆီ၊ ကယ်လိုရီ ပါဝင်မှုမြင့်မားတဲ့ အစာတွေကို တတ်နိုင်သမျှ လျှော့ချပြီး အာဟာရတန်ဖိုးမြင့်မားတဲ့ အစာတွေကို များများ စားပေးရင် ဦးနှောက်ကို အကူအညီ ဖြစ်စေပါတယ်။ ဒီအစာတွေ စားရင် ထိပ်တန်းအာဟာရဓာတ်တွေအနေနဲ့ ရရှိမှာတွေကတော့ ဗီတာမင်အီး၊ ဗီတာမင်ဘီ၊ အိုမီဂါ ၃ ဖက်တီးအက်ဆစ်၊ ကာရိုတီးနွိုက်၊ လူတိန်းနဲ့ ဖလေဗနွိုက်ဓာတ်တွေ ဖြစ်ပါတယ်။
စားပါ
– တစ်ပတ်မှာ အစိမ်းရောင် ဟင်းသီးဟင်းရွက်တွေကို ခြောက်ကြိမ်နဲ့ အထက်စားပါ။ (တစ်နေ့ အနည်းဆုံး တစ်ကြိမ် စားတာနဲ့ ညီမျှပါတယ်)
– နေ့တိုင်း ဟင်းသီးဟင်းရွက်ကို အနည်းဆုံး တစ်ကြိမ် စားပေးပါ။
– တစ်ပတ်မှာ စတော်ဘယ်ရီသီး၊ ဘလူးဘယ်ရီသီး ဒါမှမဟုတ် စပျစ်သီးကို နှစ်ကြိမ်ထက် ပိုစားပါ။
– တစ်ပတ်မှာ အခွံမာသီးနဲ့ အစေ့အဆန် ငါးကြိမ်ထက် ပိုစားပေးပါ။
– အဓိက ဟင်းချက်ဆီအဖြစ် သံလွင်ဆီ စစ်စစ်သုံးပါ။
– နေ့တိုင်း ကောက်နှံတစ်ခုလုံးစာ (ဥပမာ ဆန်လုံးညို၊ ပေါင်မုန့်ညို၊ ခေါက်ဆွဲညို)ကို သုံးကြိမ်ထက် ပိုစားပါ။
– တစ်ပတ်မှာ အနည်းဆုံးတစ်ကြိမ်ခန့် ငါးစားပေးပါ။
– တစ်ရက်ခြားဆိုသလို ပဲစားပေးပါ။
လျှော့စားပါ
– နေ့တိုင်း ထောပတ် မစားပါနဲ့။
– ဒိန်ခဲကို တစ်ပတ်တစ်ကြိမ်ထက် လျှော့စားပါ။
– အနီရောင်အသားကို တစ်ပတ်မှာ လေးကြိမ်အောက် လျှော့စားပေးပါ။
– ဆီကြော်စာနဲ့ အမြန်စာတွေကို တစ်ပတ်မှာ တစ်ကြိမ်လောက် မစားသင့်ပါဘူး။
– အချိုစာတွေနဲ့ အဆီအအိမ့်စာတွေကို တစ်ပတ်မှာ ငါးကြိမ်အောက် လျှော့စားပါ။
(Healthy Life ဂျာနယ်မှ စီစဉ်တင်ဆက်သည့် အပတ်စဉ် သောကြာနေ့ထုတ် Healthy Life ဂျာနယ်၊ https://www.facebook.com/healthylifejournalmyanmar/ နှင့် www.healthylifejournalmyanmar.com တို့တွင် ဖော်ပြပါရှိသမျှ ကျန်းမာရေးနှင့် အလှအပဆိုင်ရာ သတင်းများ၊ သတင်းဆောင်းပါးများ၊ အမေးအဖြေများ၊ ဘာသာပြန်ဆောင်းပါးများကို လွတ်လပ်စွာ မျှဝေနိုင်ပါသည်။ သို့ရာတွင် မည်သည့် Facebook စာမျက်နှာ၊ Website များတွင်မဆိုပြန်လည်ကူးယူဖော်ပြခြင်းကို ခွင့်မပြုပါကြောင်း အသိပေး ကြေညာအပ်ပါသည်။)
