– စိတ်ဖိစီးမှုကြောင့် ခေါင်းကိုက်နေသလား
သွားတွေကြားမှာ ခဲတံတစ်ချောင်း ထည့်ထားရင် စိတ်ဖိစီးမှုကြောင့် ဖြစ်တဲ့ တင်းအားကို လျော့ကျ စေနိုင်ပါတယ်။ ခဲတံတွေကို မကိုက်ပါနဲ့၊ သွားတွေကြားထဲ ခဲတံထားရုံနဲ့ မေးရိုးကြွက်သားတွေကိုအနား ရစေပြီး ခေါင်းကိုက်တဲ့ ဝေဒနာသက်သာစေပါတယ်။
– အိပ်မပျော်ဘူးလား
တေးဂီတဆိုတာ အိပ်မပျော်တဲ့ အခြေအနေကို ကာကွယ်ပေးတဲ့ ကုထုံးပါ။ နေ့စဉ်နေ့တိုင်း တေးသီ ချင်းကို တစ်နာရီလောက် နားဆင်တာကြောင့် အိပ်မပျော်တဲ့ ဝေဒနာ ၇၅ရာခိုင်နှုန်း လျော့စေပါတယ်။
– ဗိုက်အောင့်နေသလား
ဗိုက်အောင့်ဝေဒနာ ကင်းစင်စေမယ့် အစာ တွေရှိပါတယ်။ အဲဒါတွေကတော့ ငှက်ပျောသီး၊ ချင်း(ဂျင်း)၊ ဒိန်ချဉ်၊ သင်္ဘောသီး၊ ထမင်းဖြူ၊ ကြက်ရိုးစွပ်ပြုတ် စတာတွေ ဖြစ်ပါတယ်။
– ကြွက်သား သန်စွမ်းလိုသလား
ကြွက်သားသန်စွမ်းတင်းရင်းစေမယ့်အကောင်းဆုံး အစာ ၁၀မျိုး ရှိပါတယ်။ အဲဒါတွေကတော့-
(၁) အဆီနည်း အမဲသား၊
(၂) အရေခွံမပါတဲ့ ကြက်သား၊
(၃) ဒိန်ခဲ၊
(၄) ဥအမျိုးမျိုး၊
(၅) တူနာငါး၊
(၆) အုတ်ဂျုံကွေကာ၊
(၇) သစ်သီးဝလံ၊
(၈) ဟင်းသီးဟင်းရွက်အမျိုးမျိုး၊
(၉) ကောက်နှံတစ်ခုလုံးနဲ့ လုပ်ထားတဲ့ အစာတွေ (ဥပမာ ဆန်လုံးညို၊ အညိုရောင် ပေါင်မုန့်)
(၁၀) ကျန်းမာရေးနဲ့ ညီညွတ်တဲ့ အဆီ။
– ကြွက်သား တင်းရင်းနေပါသလား
အိပ်ရာမဝင်ခင် ငါးမိနစ်လောက် အကြောဆန့် ပေးလိုက်ရင် သင့်ကြွက်သားတွေ ပိုပျော့ပျောင်းကာ အိပ်ရေးဝ၀ အိပ်မောကျစေပါတယ်။
– ကျန်းမာလန်းဆန်းလိုသလား
အချိန်နှစ်နာရီကြာတိုင်း ရေသောက်ပေးတာကြောင့် ကျန်းမာပြီး ရေဓာတ်ပြည့်ဝကာ လန်းဆန်းစေပါတယ်။
– အင်္ကျီချိုင်းချွေးကွက်အစွန်းကို ဖယ်ရှားလိုသလား
အင်္ကျီချိုင်းချွေးကွက်အစွန်းကို သံပရာရည်ဆွတ်ပေးပြီးမှ လျှော်လိုက်ပါ။ ချိုင်းချွေးကွက်အစွန်းတွေ ကင်းစင်သွားပါလိမ့်မယ်။
– လေ့လာရန် အကောင်းဆုံးအချိန်
ဦးနှောက်လုပ်ငန်းဆောင်တာ အကောင်းဆုံးအချိန်-
နံနက် ၄နာရီ- ၆နာရီ၊
ဦးနှောက်လုပ်ငန်းဆောင်တာ ၅၀ ရာခိုင်နှုန်းသာ ရှိ ချိန်- နံနက် ၆နာရီ- ၇နာရီခွဲ၊
ဦးနှောက်လုပ်ငန်းဆောင်တာ ၂၀ ရာခိုင်နှုန်းသာ ရှိ ချိန်- ညအချိန်။
(Healthy Life ဂျာနယ်မှ စီစဉ်တင်ဆက်သည့် အပတ်စဉ် သောကြာနေ့ထုတ် Healthy Life ဂျာနယ်၊ https://www.facebook.com/healthylifejournalmyanmar/ နှင့် www.healthylifejournalmyanmar.com တို့တွင် ဖော်ပြပါရှိသမျှ ကျန်းမာရေးနှင့် အလှအပဆိုင်ရာ သတင်းများ၊ သတင်းဆောင်းပါးများ၊ အမေးအဖြေများ၊ ဘာသာပြန်ဆောင်းပါးများကို လွတ်လပ်စွာ မျှဝေနိုင်ပါသည်။ သို့ရာတွင် မည်သည့် Facebook စာမျက်နှာ၊ Website များတွင်မဆိုပြန်လည်ကူးယူဖော်ပြခြင်းကို ခွင့်မပြုပါကြောင်း အသိပေး ကြေညာအပ်ပါသည်။)
