နေခြည်နုနုလှုံတာကြောင့် ဗီတာမင်ဒီကို ရရှိစေနိုင်ပါတယ်။ နွားနို့နဲ့ကွေကာ မှီဝဲရင်လည်း ဗီတာမင်ဒီ ရရှိမှုများပါတယ်။ ဗီတာမင်ဒီ အလုံအလောက်ရရှိတဲ့အတွက် ရလာနိုင်တဲ့ ကျန်းမာရေးအကျိုးကျေးဇူးတွေကတော့-
– စိတ်ဓာတ်တက်ကြွစေပါတယ်
အသက်ကြီးချိန်မှာ ဗီတာမင်ဒီပမာဏ လျော့နည်းသူတွေက ဗီတာမင်ဒီပုံမှန်ရှိသူတွေထက် စိတ်ဓာတ်ကျနိုင်ခြေ ၁၁ဆ ပိုများပါတယ်။
– နှလုံးကို ကျန်းမာစေပါတယ်
အမျိုးသားတွေမှာ ဗီတာမင်ဒီမှီဝဲရင် နှလုံးရောဂါထနိုင်ခြေ ၃၀ ရာခိုင်နှုန်း လျော့ကျစေပါတယ်။
– အမျိုးအစား (၁) ဆီးချိုရောဂါဖြစ်နှုန်း လျော့ကျစေပါတယ်
ဗီတာမင်ဒီ အလုံအလောက်ရှိသူတွေက မရှိသူတွေထက် အမျိုးအစား (၁) ဆီးချိုရောဂါဖြစ် နှုန်း ၆၆ ရာခိုင်နှုန်း လျော့ကျစေပါတယ်။
– တစ်ကိုယ်လုံး ညောင်းညာနုံးချည့်မှု သက်သာစေပါတယ်
တစ်ကိုယ်လုံး ညောင်းညာနုံးချည့်တဲ့ ဝေဒနာရှိသူ ၆၀ ရာခိုင်နှုန်းကျော်ဟာ ဗီတာမင်ဒီ ချို့တဲ့နေကြပါတယ်။
– အရိုးတွေကို သန်စွမ်းစေပါတယ်
ဗီတာမင်ဒီ မှီဝဲသူတွေဟာ အရိုးကျိုးအက်နိုင်ခြေ ၅၀ ရာခိုင်နှုန်းကျော် လျော့ကျမှုရှိပါတယ်။
