နှာခေါင်းတွင်း ဆက်သွယ်ပေးထားတဲ့ အချွဲမြှေးနဲ့ဖုံးထားတဲ့ လေဝင်အခန်းငယ်တွေ ရောင်ရမ်းတာ၊ ထိပ်ကပ်နာဖြစ်တာ၊ နှာရည်ယိုတာ၊ နှာခေါင်းပိတ်တာနဲ့ အနံ့ခံအာရုံလျော့ကျတာ စတာ တွေကို Sinusities လို့ ခေါ်ပါတယ်။
ဖြစ်တတ်သော လက္ခဏာများ
– ပါးပြင်၊ နဖူးနဲ့ မျက်ဝန်းတစ်ဝိုက် နာကျင် ကိုက်ခဲတတ်ပါတယ်။
– မနက်ခင်းဆိုရင် ခေါင်းကိုက်တတ်ပါတယ်။
– မျက်ခွံရောင်ရမ်း ဖောရောင်တတ်ပါတယ်။
– နှာခေါင်း ပိတ်တတ်ပါတယ်။
– နှာရည်ယိုတတ်ပါတယ်။
– လည်ချောင်းနာတတ်ပါတယ်။
– အားနည်းပြီး နုံးချည့်ညောင်းညာတတ်ပါတယ်။
– အနံ့ခံနိုင်စွမ်း လျော့ကျသွားတတ်ပါတယ်။
ကာကွယ်နည်း
– ရေများများ သောက်ပေးပါ။
– ကဖင်းဓာတ်နဲ့ အယ်လ်ကိုဟော ရှောင်ပါ။
-လေယာဉ်နဲ့ ခရီးသွားတာကို ရှောင်ပါ။
-ဆေးလိပ်မသောက်ပါနဲ့။ သူတစ်ပါး သောက်တဲ့ ဆေးလိပ်ငွေ့ကို မရှူပါနဲ့။
-ဓာတ်မတည့်မှု ဖြစ်တတ်တဲ့ အရာတွေနဲ့ ထိတွေ့မှုကို ရှောင်ပါ။
