လရိပ်မေ
သစ်သီးနဲ့ ပေါင်းတင်ပေးလိုက်တာနဲ့ အသားအရေ အိုမင်းတဲ့ လက္ခဏာတွေကို လျော့ပါးသွားစေပါတယ်။ အသက်ကြီးလာတဲ့အခါ အသားအရေက ပိုပါးလာပြီး ဆွဲဆန့်နိုင်စွမ်းကလည်း လျော့ကျလာပါတယ်။ အဲဒီအချိန်မှာ အသားအရေ နုပျိုစွာ ကြည်လင် တောက်ပနေအောင် သဘာဝ အိမ်တွင်းပစ္စည်း တွေနဲ့ပေါင်းတင်ပေးဖို့ လိုအပ်ပါတယ်။
သဘာဝသစ်သီးဖြင့် ပေါင်းတင်ခြင်း
ပါဝင်ပစ္စည်းများ
– ကြိတ်ချေထားတဲ့ ထောပတ်သီး လက်ဖက်စား ဇွန်းလေးဇွန်း၊
– ကြိတ်ချေထားတဲ့ သင်္ဘောသီး လက်ဖက်စားဇွန်း လေးဇွန်း၊
– ဗာဒံစေ့ဆီ ဒါမှမဟုတ် သံလွင်ဆီ လက်ဖက်စား ဇွန်း တစ်ဇွန်း
ပြုလုပ်နည်း
(၁) ပန်းကန်လုံးတစ်လုံးထဲ ထောပတ်သီးနဲ့ သင်္ဘောသီးကို ရေထည့်ပါ။
(၂) ပြီးရင် ဆီထည့်ပြီး သမမျှတအောင် မွှေပါ။
လိမ်းနည်း
(၁) အဲဒီအရောအနှောကို လည်ပင်းနဲ့ မျက်နှာမှာ လိမ်းပါ။
(၂) ညင်ညင်သာသာ နှိပ်ပေးပါ။
(၃) အချိန် ၅-၁၀ မိနစ်ကြာ ထားပါ။
(၄) ရေအေးနဲ့ ဆေးပြီး ခြောက်အောင် ထားလိုက်ပါ။
(၅) မျက်နှာကို အစိုဓာတ်ထိန်း ခရင်မ်လိမ်းပေးပါ။
ဒီနည်းလမ်းကို နေ့တိုင်း တစ်နေ့ တစ်ကြိမ်ပြု လုပ်ပေးရင် အသားအရေ နုပျိုကြည်လင်လာမှာ ဖြစ်ပါတယ်။
ပါဝင်ပစ္စည်းတို့၏ အသုံးဝင်ပုံများ
– ဗာဒံစေ့ဆီ / သံလွင်ဆီ
အသားအရေ ခြောက်သွေ့မှု မဖြစ်အောင် ကာကွယ်ပေးပြီး သဘာဝ အစိုဓာတ်ထိန်း အာနိသင် ရှိပါတယ်။
– ထောပတ်သီး
ထောပတ်သီးမှာ ဗီတာမင်အီး များစွာ ပါဝင်တဲ့ အတွက် အသားအရေကို ကျန်းမာစေပြီး အသားအရေလှအောင် ထိန်းသိမ်းပေးပါတယ်။ အိုမင်းမှု လက္ခဏာတွေ လျော့ပါးပြီး အသားအရေကို နေရောင်ခြည်ကြောင့် ထိခိုက်မှု မဖြစ်အောင် ကာကွယ်နိုင်ပါတယ်။
– သင်္ဘောသီး
သင်္ဘောသီးဟာ ဝက်ခြံဖြစ်နှုန်း လျော့ကျစေပြီး ဗီတာမင်အေ ပါဝင်တဲ့အတွက် အသားအရေကို အာဟာရဓာတ် ရောက်ရှိစေပါတယ်။ မျက်နှာ အရေးကြောင်းတွေ၊ တွန့်ကြောင်းတွေနဲ့ တခြား အိုမင်းတဲ့ လက္ခဏာတွေကို တွန်းလှန်ပေးနိုင်စွမ်း ရှိပါတယ်။
