၊ လရိပ်မေ ၊
ဝက်ခြံပေါက်တာ၊ ပါးစပ်အနာဖြစ်တာ၊ ပန်းနာရင်ကျပ်ဖြစ်ပြီး မောကျပ်တာ စတဲ့ ဝေဒနာတွေကို သက်သာစေမယ့် အိမ်တွင်းကုထုံးတွေ ရှိပါတယ်။
ဝက်ခြံ ပျောက်စေမည့် လက်ဖက်ဆီ
လက်ဖက်ဆီစစ်စစ် နှစ်စက်နဲ့ ရှားစောင်းလက်ပပ်အနှစ်သားအနည်းငယ်ကို ရောပြီး မွှေလိုက်ပါ။ ပြီးရင် ဝါဂွမ်းစ ဒါမှမဟုတ် သန့်ရှင်းတဲ့ လက်ချောင်းတွေနဲ့ ဝက်ခြံဖုတွေပေါ်တို့ပေးပါ။
ပါးစပ်အနာ ပျောက်စေမည့် ရှားစောင်းလက်ပပ် အနှစ်
ရှားစောင်းလက်ပပ်အနှစ်ကိုယူပြီး စိတ်ဖိစီးမှုကြောင့်ဖြစ်တဲ့ ပါးစပ်အနာပေါ် မကြာခဏတို့ပေးပါ။
ခြေသည်းဝဲစွဲခြင်းအတွက် လက်ဖက်ဆီ
အနံ့မပါတဲ့ ကိုယ်လိမ်းလိုးရှင်း အနည်းငယ်နဲ့ လက်ဖက်ဆီအနည်းငယ်တို့ကို သန့်ရှင်းတဲ့ ပုလင်းတစ်လုံးထဲ ရောမွှေပြီး ခြေထောက်မှာ လိမ်းပေးပါ။
ပန်းနာရင်ကျပ်ရောဂါ သက်သာစေမည့် ယူကလစ်ဆီ
ရေကိုဆူပွက်အောင်ကျိုပြီး ယူကလစ်ဆီတစ်စက်ထည့်ကာ (ဦးခေါင်းပေါ် သန့်ရှင်းတဲ့ တဘက်နဲ့အုပ်ပြီး) အသက်ပြင်းပြင်း ရှူသွင်းပေးပါ။ ပါးစပ်ကနေ ဖြည်းဖြည်းချင်း လေရှူသွင်းပြီး တစ်မိနစ်-နှစ်မိနစ်ကြာ ထိန်းထားပါ။
ကိုယ်အလေးချိန်ထိန်းပေးသည့် ကန်စွန်းဥ
ကိုယ်အလေးချိန်ထိန်းချင်ရင် အာလူးအစား ကန်စွန်းဥကို ပြုတ်စားပေးပါ၊ အမျှင်ဓာတ်နဲ့ ဗီတာမင်ဓာတ်တွေ ပိုမို ပါဝင်မှုရှိပါတယ်။
ခံတွင်းအနာ ပျောက်စေမည့် နံနံပင်
နံနံပင်ကို သန့်ရှင်းတဲ့ရေနဲ့ပြုတ်ပြီး အေးမြအောင်ထားကာ တစ်နေ့သုံး-လေးကြိမ်လောက် အာလုတ်ကျင်းပေးပါ။
နာတာရှည် ခေါင်းကိုက်ဝေဒနာပျောက်စေမည့် ပန်းသီး
ပန်းသီးကို အခွံနွှာပြီး ဆားအနည်း ငယ်နဲ့တို့ကာ နံနက်စောစောမှာ စားပေး ရင် နာတာရှည်ခေါင်းကိုက်ဝေဒနာကို ပျောက် ကင်းစေပါတယ်။
အရိုးကျန်းမာစေမည့် ဒိန်ချဉ်
ဒိန်ချဉ်ထဲ ပန်းသီး၊ စပျစ်သီးခြောက်စတာတွေ ထည့်ပြီးစားပေးတာကြောင့် အရိုးကျန်းမာစေပြီး အရိုးပါးရောဂါ ဖြစ်နှုန်းကို လျော့ကျစေပါတယ်။
