မေး။ ။ နားကြပ်တွေဘာတွေမသုံးဘဲ အခုနားထဲမှာပုရစ် တွေအော်သလိုရေတွေစီးနေသလို လေယာဉ်ပျံစီး တဲ့အခါမျိုးမှာ ကြားရတဲ့အသံမျိုးတွေ တစ်ချိန်လုံး ကြားနေရတယ်၊ အရမ်းဆူတယ်၊ ဖြစ်နေတာ နှစ်၂၀ လောက်ရှိပါပြီ။ ဆရာဝန်လည်းစုံပြီ၊ နိုင်ငံခြားမှာလည်း ပြပြီးပြီ။ ဖြစ်နိုင်ရင် ဆူနေတာ ဘာလုပ်ရမလဲ ဆိုတာလေး အကြံပေးစေချင်ပါတယ်။ နားမကြား ရတာကိစ္စမရှိပါဘူး။ ဆူညံတာတွေ ပျောက်ချင်ပါတယ် ခင်ဗျာ။
ကိုရွှေဘုန်းဘုန်း
ဒေါက်တာမြတ်ထွဋ်ညွန့်မှ ဖြေကြားပေးပါသည်။
ဖြေ။ ။ ပြထားတဲ့ ဆေးမှတ်တမ်းတွေကို ကြည့်ပြီးမှ ဘာ့ကြောင့်ဖြစ်တာလဲ၊ ဘယ်လိုလုပ်ရမလဲဆိုတာ ပြော နိုင်မှာဖြစ်ပါတယ်။ နေ့ဘက်ရော ညဘက် အိပ်ပျော် ခါနီးအထိနဲ့ အိပ်ရာနိုးမှန်းသိသိချင်းမှာပါ နားထဲဆူ နေသလားဆိုတာ သတိထားကြည့်ပါ။ စိတ်ပူပန်စရာ၊ ဒေါသဖြစ်စရာများသလား၊ စိတ်ဖိစီးမှုတွေ များနေသလားဆိုတာ စဉ်းစားကြည့်ပါ။ စိတ်သောက နည်းအောင် ကြိုးစားကြည့်ပါ။ ရုပ်ပိုင်းဆိုင်ရာ ကုသမှုတွေ မထိရောက်ရင် စိတ်တည်ငြိမ် အေးချမ်းအောင် ဆောင်ရွက်ကြည့်ပါလို့ ယေဘုယျအကြံပေးပါရစေ။
