—–၊ စူး (ဆေးဝါးတက္ကသိုလ်) ၊—–
အသက် ၇၅ နှစ်အရွယ်ရှိတဲ့ အမျိုးသမီးကြီးက ယောဂကျင့်စဉ်ကို နေ့စဉ်ပုံမှန်ကျင့်တာကြောင့် သူ့ခန္ဓာကိုယ်ရဲ့ ကြံ့ခိုင်မှုက ၃၅ နှစ်အရွယ်လို့ ထင်ရလောက်အောင် သန်စွမ်းကျန်းမာနေပါတယ်။ ပုံမှန်ယောဂကျင့်ခြင်းရဲ့ ကျန်းမာရေးကောင်းကျိုးတွေကို လေ့လာကြည့်ရအောင်။
♦ ခန္ဓာကိုယ်အနေအထား ကောင်းမွန်ခြင်း
ယောဂကျင့်တဲ့အချိန်မှာ ကိုယ်နေဟန်မတ်ပြီး အာရုံစူးစိုက်ရတာကြောင့် သင့်ခန္ဓာကိုယ်ကို စိတ်ကျေနပ်မှု ပိုမိုရရှိစေပါတယ်။
♦ နှလုံးကျန်းမာခြင်း
ယောဂကျင့်တာကြောင့် သွေးတိုးကျစေပါတယ်၊ သွေးတွင်းကိုလက်စထရောအဆီနဲ့ သွေးတွင်းသကြားဓာတ် လျော့ကျစေပါတယ်။ ဒါကြောင့် နှလုံးနဲ့ သွေးကြောတွေကို ကျန်းမာစေတဲ့ ကောင်းကျိုးရှိစေတာပါ။
♦ ခန္ဓာကိုယ်ကြံ့ခိုင်ခြင်း
တစ်ပတ်မှာ နှစ်ကြိမ်လောက် ယောဂကျင့်ပေးရင် ြွကက်သားသန်စွမ်းမှုတိုးစေပြီး ခန္ဓာကိုယ် ပျော့ပျောင်းစေကာ သက်လုံကောင်းစေပါတယ်။ နှလုံး၊ အဆုတ်နဲ့ သွေးကြောတွေကို ကျန်းမာနေစေပါတယ်။
♦ သတိနဲ့စားတတ်ခြင်း
ယောဂကျင့်သူက အစာစားတဲ့အခါမှာလည်း သတိနဲ့ထိန်းတတ်သွားပြီး အစာတွေရဲ့ အနံ့၊ အရသာနဲ့ ပါးစပ်ထဲမှာ ဘယ်လိုခံစားရတယ်ဆိုတာကို သိသွားပါတယ်။ အဲဒီအခါ ကိုယ့်အတွက် ကျန်းမာရေးနဲ့ညီတာကို ပြောင်းလဲနှစ်ခြိုက်လာတယ်လို့ သိရပါတယ်။
♦ ကိုယ်အလေးချိန် ထိန်းနိုင်ခြင်း
ယောဂကျင့်ရင်း စိတ်စွမ်းအားမြင့်လာတဲ့အခါ ဆာလောင်မှုနဲ့ ဗိုက်ပြည့်မှုတွေကို ပိုတုံ့ပြန်နိုင်စွမ်း ရှိလာတာကြောင့် အစာကို လိုအပ်မှသာ လိုသလောက် စားဖြစ်သွားပါတယ်။ ဒီနည်းက ကိုယ်အလေးချိန်ကို ထိန်းနိုင်တဲ့အချက်ပါပဲ။
