၊ ငွေကြယ်စင်ယံ ၊
လူငယ်လူရွယ်တွေ နည်းမှန်လမ်းမှန်နဲ့ တိုးတက်အောင်မြင်အောင် တည်ဆောက်ဖို့ရာအတွက် လိုက်နာသင့်တဲ့ နည်းလမ်းတွေ ရှိပါတယ်။
– စူးစမ်းလေ့လာပါ၊ မေးမြန်းပါ
စာသင်ခန်းထဲမှာ ဖြစ်ဖြစ်၊ ပတ်ဝန်းကျင်မှာ ဖြစ်ဖြစ် ကိုယ်သင်ယူ လေ့လာချိန်မှာ မသိနားမလည်တာ၊ မရှင်းလင်းတာရှိရင် ပြန်လည်
မေးမြန်းပြီး ဆွေးနွေးဖို့ လိုပါတယ်။
– ပြင်ပဗဟုသုတ ရှာမှီးပါ
စာအုပ်စာပေ ဖတ်ရှူလေ့လာတဲ့ အကျင့်ကို ကလေးဘဝကတည်းက စတင်သင့်တာ ဖြစ်ပါတယ်။ ဒါမှသာ လူငယ်လူရွယ်ဘဝမှာ ကိုယ့်
အတွက် ဗဟုသုတရစေမယ့် ဘယ်လိုစာပေမျိုးကို ရွေးချယ် ဖတ်သင့်တယ်ဆိုတာ ကောင်းကောင်း သဘောပေါက် နားလည်လာမှာပါ။
– ရိုးသား ကြိုးစားပါ
လူငယ်တွေရဲ့ ပင်ကိုဗီဇစိတ်ဖြစ်တဲ့ ရိုးသားမှုကို ကြိုးစားမှုနဲ့တွဲပြီး သင်ခန်းစာတွေကို လေ့လာရာမှာပဲ ဖြစ်ဖြစ်၊ ပြင်ပလုပ်ငန်းဆောင်တာ
တွေကို လုပ်ဆောင်ရာမှာ ဖြစ်ဖြစ် ပါဝင်လုပ်ဆောင် သင့်ပါတယ်။
– တာဝန်ယူပါ၊ အပြစ်လွှဲမချပါနှင့်
ကိုယ်လုပ်တဲ့ အလုပ်တစ်ခုက အတိမ်းအစောင်း ရှိသွားတဲ့အခါ၊ မူလမျှော်မှန်းထားတာနဲ့ မတူတော့တဲ့အခါ တခြားသူကို အပြစ်လွှဲ
မချပါနဲ့။ အသင်းအဖွဲ့နဲ့အတူ လုပ်ဆောင်တာပဲ ဖြစ်ဖြစ်၊ တစ်ဦးတည်း လုပ်ဆောင်တာပဲ ဖြစ်ဖြစ် တာဝန်ယူတတ်တဲ့ စိတ်ကို လေ့ကျင့်ထား
သင့်ပါတယ်။
