၊ လရိပ်မေ ၊
ယောဂကျင့်တာက တချို့လူတွေအတွက် လေ့ကျင့်ခန်းသက်သက်သာမက စိတ်ရောကိုယ်ပါ စွမ်းအင်ရှိစေတဲ့ကျင့်စဉ်လည်း ဖြစ်ပါတယ်။ ယောဂကျင့်နေချိန်မှာ ယောဂကျင့်စဉ် ပိုမိုထိရောက်မှုရှိစေဖို့ သင့်တော်တဲ့အစားအသောက်တွေကို စားပေးရပါမယ်။
– ကောက်နှံတစ်ခုလုံးနှင့် လုပ်ထားသောအစာ စားပါ
ယောဂကျင့်သူဟာ ဆန်လုံးညို၊ အညိုရောင်ခေါက်ဆွဲ၊ ပေါင်မုန့်ညို စတဲ့ ကောက်နှံတစ်ခုလုံးနဲ့ လုပ်ထားတဲ့အစာတွေကို စားပေးသင့်ပါတယ်။
– အာဟာရဓာတ် အပြည့်ပါသောအစာ စားပါ
ယောဂကျင့်သူဟာ ဟင်းသီးဟင်းရွက်၊ သစ်သီးဝလံ စတဲ့ အာဟာရဓာတ်အပြည့်အဝပါတဲ့ အစာတွေကို စားပေးရပါမယ်။
– အစာကို အလွန်အမင်းမစားရ
ယောဂကျင့်သူဟာ အစာကိုတစ်ခါတည်းနဲ့ အများကြီးမစားသင့်ပါဘူး။
– အရက်ရှောင်ပါ
ယောဂကျင့်သူဟာ အရက်သောက်သုံးမှုကို ရှောင်ရှားသင့်ပါတယ်။
– အဆင်သင့်အစာ မစားသင့်ပါ
ယောဂကျင့်သူဟာ ကျင့်စဉ်ထိရောက်မှုရှိဖို့အတွက် အဆင်သင့်အစာ၊ အဆီအအိမ့်ကဲတဲ့အစာ စတာတွေကို တတ်နိုင်သမျှရှောင်ဖို့ လိုအပ်ပါတယ်။
(Ref;HD)