– နှလုံးခုန်ရုတ်ခြည်းရပ်ခြင်း (Cardiac Arrest)
နှလုံးသွေးလွှတ်ခန်းနံရံရှိ ကြွက်သားတွေ ခုန်ပင်ခုန်သော်ငြား သွေးကိုတွန်းပို့နိုင်အောင် မခုန်တာကြောင့် အဖြစ်များပါတယ်။ နှလုံးသွေးငတ်ကာ ကြွက်သားတွေသေဆုံးတာကြောင့် ဖြစ်လေ့ရှိပါတယ်။
– လေဖြတ်ခြင်း (Stroke)
ဦးနှောက်ထဲကို သွေးစီးဆင်းမှု ရပ်သွားတဲ့အခါ ဒါမှမဟုတ် ဦးနှောက်တစ်သျှူးမှ အောက်ဆီဂျင်နဲ့ အာဟာရဓာတ်တွေ ရပ်သွားတဲ့အခါ လေဖြတ်တတ်ပါတယ်။ လေဖြတ်ပြီး မိနစ်ပိုင်းအတွင်း ဦးနှောက်ဆဲလ်တွေ စတင် သေဆုံးတတ်ပါတယ်။
– နှလုံးရောဂါထခြင်း (Heart Attack)
နှလုံးဆီကို သွေးထောက်ပံ့မှု လျော့ကျသွားတဲ့အခါ ဒါမှမဟုတ် သွေးထောက်ပံ့မှု ရပ်သွားတဲ့အခါ နှလုံးရောဂါထတတ်ပါတယ်။ အောက်ဆီဂျင်ပြတ်လပ်မှုကြောင့် နှလုံးထိခိုက်သွားနိုင်ပါတယ်။
နှလုံးရောဂါထတဲ့ ဝေဒနာမရစေဖို့ အရက်ရှောင်ပါ၊ ဆေးလိပ်ဖြတ်ပါ၊ ကောင်းမွန်တဲ့ အာဟာရမှီဝဲပါ၊ နေ့စဉ်နေ့တိုင်း ကိုယ်လက်လှုပ်ရှား လေ့ကျင့်ခန်းလုပ်ဆောင်ပါ၊ ကိုယ်အလေးချိန်ကို ကျန်းမာရေးနဲ့အညီ ထိန်းသိမ်းပါ၊ ပျော်ပျော်ရွှင်ရွှင်နေထိုင်ပါ၊ ဆီးချိုရောဂါမဖြစ်အောင် ကာကွယ်ပါလို့ အကြံပြုချင်ပါတယ်။
