ကြက်သားခရမ်းချဉ်သီးသုပ်မှာ ပရိုတင်း ပါဝင်မှု မြင့်မားတဲ့အပြင် ခန္ဓာကိုယ်အတွက် လိုအပ်တဲ့ မရှိမဖြစ် အာဟာရဓာတ်တွေလည်း ပါဝင်နေပါတယ်။ ဒါကြောင့် ကြက်သား ခရမ်းချဉ်သီးသုပ် စားပေးရင် ကယ်လိုရီ အများကြီး မရရှိစေဘဲ ကျန်းမာပြီး စွမ်းအင်အပြည့်ရှိနေမှာပါ။
ပါဝင်ပစ္စည်းများ
(၁) – သံပရာရည် ထမင်းစားဇွန်း တစ်ဇွန်းခွဲ၊
(၂) – ပါးပါးလှီးထားတဲ့ ကြက်သွန်ဖြူ နှစ်ဥ၊
(၃) – ဆား လက်ဖက်စားဇွန်း တစ်ဝက်၊
(၄) – ငရုတ်ကောင်းမှုန့် လက်ဖက်စားဇွန်း လေးပုံ တစ်ပုံ၊
(၅) – ငရုတ်သီးစိမ်း လှီးပြီး အနည်းငယ်၊
(၆) – ဒိန်ချဉ်အလွတ် ခွက်တစ်ဝက်၊
(၇) – ကြက်သားပြုတ် (စတုရန်းပုံလှီးထားပါ) သုံးခွက်၊
(၈) – ကြက်သွန်နီ ပါးပါးလှီးပြီး တစ်ခွက်၊
(၉) – တရုတ်နံနံပင် လှီးထားတာ တစ်ခွက်၊
(၁၀) – လှီးထားတဲ့ ခရမ်းချဉ်သီး နှစ်ခွက်။
ပြုလုပ်နည်း
ကြက်သွန်ဖြူ၊ ဆား၊ ငရုတ်ကောင်း၊ငရုတ်သီးစိမ်းနဲ့ သံပရာရည်ကို ရောမွှေပြီး ဒိန်ချဉ် ထည့်ပေးပါ။ ပြီးရင် ကြက်သားနဲ့ တခြားပါဝင် ပစ္စည်းတွေ ထည့်ကာမွှေပါ။ အိမ်မှာ အလွယ်တကူလုပ်စားနိုင်တဲ့ ကြက်သားခရမ်းချဉ်သီး သုပ်မှာ ဗီတာမင်နဲ့ သတ္တုဓာတ်တွေ ပါဝင်တာကြောင့် ခန္ဓာကိုယ်ကို နာမကျန်းမှု အမျိုးမျိုး မကျရောက်အောင် ကာကွယ်ပေးပါတယ်။
