၊ လရိပ်မေ ၊
အမေရိကန်က လူဦးရေ ၁၅ ရာခိုင်နှုန်းနဲ့ ၂၅ ရာခိုင်နှုန်းကြားဟာ ဒူးနာတဲ့ ဝေဒနာခံစားနေရပါတယ်။ အဲဒီလို ခံစားရတဲ့အခါ နာကျင်မှုအမြန်ဆုံးသက်သာစေဖို့ ရိုးစင်းလွယ်ကူတဲ့ လေ့ကျင့်ခန်းတွေရှိပါတယ်။
လေ့ကျင့်ခန်း (၁) ခြေဖနောင့်မြှင့်ခြင်း
ကုလားထိုင်တစ်လုံးကိုယူပြီး ကျောမီနောက်မှာ ရပ်ပါ။
– ခြေထောက်တစ်ဖက်ကို မြှင့်လိုက်ပါ။
– ထောက်ထားတဲ့ ခြေထောက်ရဲ့ ဖနောင့်ကို ဖြည်းဖြည်းချင်း မြှင့်ပေးပါ။
– ပြီးရင် ဖနောင့်ကို ကြမ်းပေါ်ပြန်ချပါ။
– ခြေထောက်တစ်ဖက်ကို ၁၀-၁၅ကြိမ် ပြုလုပ်ပေးရပါမယ်။
ဒီလေ့ကျင့်ခန်းက ခြေကျင်းဝတ်ကို သန်စွမ်းစေပြီး ဒူးတစ်ဝိုက်ကြွက်သားတွေကို သန်မာစေပါတယ်။
လေ့ကျင့်ခန်း (၂) ခြေချောင်းဖြင့် လမ်းလျှောက်ခြင်း
တောက်တိုမယ်ရအလုပ်တွေလုပ်ရင်း လေ့ကျင့်နိုင်တဲ့နည်းပါ။ ခြေချောင်းထိပ်တွေနဲ့ဖိပြီး ခပ်မြန်မြန်လျှောက်ပေးရမှာပါ။ ဒီနည်းက ခြေသလုံးကြွက်သားကို သန်စွမ်းစေပြီး ခြေချောင်းတွေကို လေ့ကျင့်ခန်းလုပ်ဖြစ်စေပါတယ်။
– ခြေထောက်ညောင်းတဲ့အထိ ဒါမှမဟုတ် ၅-၁၅ မိနစ်ခန့် လမ်းလျှောက်ပေးရပါမယ်။
လေ့ကျင့်ခန်း (၃) ခြေကျင်းဝတ်လှည့်ခြင်း
ခြေကျင်းဝတ်အလုပ်လုပ်ဖြစ်စေဖို့ အောက်ပါလေ့ကျင့်ခန်းလုပ်သင့်ပါတယ်။
– ထိုင်ရင်း ဒါမှမဟုတ် မတ်တပ်ရပ်ရင်း ခြေထောက်တစ်ဖက်ကို မြှင့်လိုက်ပါ။
– ခြေဖမိုးကို စက်ဝိုင်းပုံစံ ဖြည်းဖြည်းချင်း လှည့်လည်ပေးပါ။
– ခြေထောက်တစ်ဖက်ကို အတွင်းစက်ဝိုင်းထဲ ၁၀ ကြိမ်၊ အပြင်စက်ဝိုင်းထဲ ၁၀ ကြိမ်ပြုလုပ်ပေးပါ။
လေ့ကျင့်ခန်း (၄) မျှော့ကြိုးကွင်းဆွဲခြင်း
ဒီလေ့ကျင့်ခန်းလုပ်ဖို့ မျှော့ကြိုးကွင်းလိုပါတယ်။
– ခြေထောက်တစ်ချောင်းမှာ ကွင်းကို ချိတ်ပါ။
– တခြားခြေထောက်ကို အဲဒီကွင်းချိတ်ထားတဲ့ ခြေထောက်အောက်မှာထားပြီး ဒူးကို ဖြည်းဖြည်းချင်းကွေးပါ။
– ကွင်းချိတ်ထားတဲ့ ခြေထောက်ကို ဖြည်းဖြည်းချင်းဆွဲပါ။
– ခြေထောက်တစ်ဖက်ကို ၁၀-၁၅ ကြိမ် ပြုလုပ်ပေးပါ။
ဒီလေ့ကျင့်နည်းက ခြေသလုံးကြွက်သားတွေနဲ့ ပေါင်ကြွက်သားတွေကို သန်စွမ်းစေပါတယ်။
လေ့ကျင့်ခန်း (၅) ခြေချောင်းလှုပ်ရှားခြင်း
ခြေချောင်းတွေကို သန်စွမ်းစေတဲ့နည်းပါ။
– ခြေချောင်းတွေကို သူ့အလိုလို ကွေးလိုက်ပါ။
– ကြမ်းပေါ်မှာ တဘတ်စထားပြီး ခြေချောင်းတွေနဲ့ ကုပ်ယူပေးပါ။
– တဘတ်ကိုခြေချောင်းနဲ့ကုပ်ယူပြီး အနီးရှိခြင်းတောင်းထဲ ထည့်ပေးပါ။
တစ်ဖက်စီပြောင်းလုပ်ပေးပါ။
လေ့ကျင့်ခန်း (၆) ဘောလုံးပေါ်ဖိခြင်း
ခြေထောက်ညောင်းညာမှုကို ပြေလျော့စေပါတယ်။
– တင်းနစ်ဘောလုံးတစ်ခုကို ရှာပါ။
– ထိုင်ခုံပေါ်ထိုင်ပါ။
– ဘောလုံးကို ခြေဖဝါးအောက်ထားပြီး ခြေချောင်းတွေဆီ လှိမ့်လိုက်၊ နောက်ပြန်ဆုတ်လိုက်လုပ်ပေးပါ။
– နှိပ်နယ်ပေးသလို ဖြစ်စေပါတယ်။
နောက်တစ်ဖက်ပြောင်းလုပ်ပါ။
အကြံပြုချက်
ခြေထောက်ကို နှိပ်နယ်ပေးပါ။
– တစ်နေ့လုံးအလုပ်လုပ်ပြီး ခြေဖဝါးတွေ နာကျင်နေရင် ပုံမှာပြထားတဲ့အမှတ်နှစ်နေရာမှာ လက်မနှစ်ဖက်ဖိပြီး ညင်ညင်သာသာ နှိပ်နယ်ပေးပါ။
(Healthy Life ဂျာနယ်မှ စီစဉ်တင်ဆက်သည့် အပတ်စဉ် သောကြာနေ့ထုတ် Healthy Life ဂျာနယ်၊ https://www.facebook.com/healthylifejournalmyanmar/ နှင့် www.healthylifejournalmyanmar.com တို့တွင် ဖော်ပြပါရှိသမျှ ကျန်းမာရေးနှင့် အလှအပဆိုင်ရာ သတင်းများ၊ သတင်းဆောင်းပါးများ၊ အမေးအဖြေများ၊ ဘာသာပြန်ဆောင်းပါးများကို လွတ်လပ်စွာ မျှဝေနိုင်ပါသည်။ သို့ရာတွင် မည်သည့် Facebook စာမျက်နှာ၊ Website များတွင်မဆိုပြန်လည်ကူးယူဖော်ပြခြင်းကို ခွင့်မပြုပါကြောင်း အသိပေး ကြေညာအပ်ပါသည်။)