ငွေကြယ်စင်ယံ
ဘဝမှာ ကံကောင်းလိုက်၊ ကံဆိုးလိုက် တစ်လှည့်စီ ကြုံဆုံနေရမှာပါ။ ကံမကောင်းတဲ့အခါ ကံဆိုးတယ်ဆိုတဲ့ အတွေးတွေးမယ့်အစား စိတ်ချမ်းသာအောင် ပြောင်းတွေးလိုက်ပါ။ တစ်ခါတစ်ရံ အဲဒီကံဆိုးမှုဟာ သင့်ဆီကို ပိုကောင်းမွန်တဲ့ ဘဝခရီးလမ်း ပို့ဆောင်ပေးနေတာ ဖြစ်ပါတယ်။ ဒါကြောင့် အခက်အခဲကြုံတိုင်း အတွေးတွေကို ပြောင်းလဲကြည့်ရ အောင်။
သူက ငါ့ကိုထားခဲ့တယ်ဆိုပြီး ကြေကွဲဝမ်းနည်းနေမယ့်အစား ပျော်ရွှင်မှုအစစ်ရဖို့ ခြေတစ်လှမ်း ပိုနီးလာပြီလို့တွေးတောပါ။
“ နုပျိုတဲ့ အလှမရှိတော့ဘူး” ဆိုတဲ့အတွေးအစား “ ငါ အရင်လိုလှတုန်းပဲ၊ ပိုပြီးဥဏ်ရှိလာတယ်” လို့တွေးတောပါ။
“ သူတို့ ငါ့ကို လုပ်ရက်လိမ့်မယ်လို့ မထင်ခဲ့ဘူး” ဆိုတဲ့ အတွေးအစား “ ဒီမှာ ထပ်ပြီး လုပ်စရာအ လုပ်ရှိသေးတာပဲ။ အသစ်တစ်ခုခုလုပ်ဖို့ အချိန်ရတာပေါ့” လို့ တွေးတောပါ။
“ ဘုရားရေကိုယ်ဝန်ရှိနေပြီ၊ ကလေးယူဖို့ ငါအဆင်သင့်မဖြစ်သေးဘူး” လို့ တွေးတော့မယ့်အစား
“ မကြာခင်ကမ္ဘာလောကထဲ လူသားတစ်ယောက် ခေါ်ဆောင်နိုင်တော့မယ်” လို့ တွေးတောပါ။
“ စာမေးပွဲကျလို့ကျောင်းထွက်ခဲ့ရပြီ” ဆိုတဲ့အတွေး အစား “ ငါကငယ်ရွယ်ပြီး ရည်မှန်းချက်ရှိတယ်။ လမ်းကြောင်းတွေအများကြီးရှိတယ်၊ လုပ်ဆောင်နိုင်မယ့် အခွင့်အလမ်းတွေရှိတာပဲ” လို့ တွေးတောပါ။
“ ထပ်ရှုံးပြန်ပြီ” ဆိုတဲ့ အတွေးအစား
“ ဘယ်လိုအောင်မြင်အောင် လုပ်ရမလဲဆိုတာ အခုသိပြီ” လို့ တွေးတောပါ။
“ သူ ငါ့ကိုပြန်မချစ်ဘူး” ဆိုတဲ့ အတွေးအစား
“ ငါ့ကို ချစ်တဲ့သူတွေနဲ့ ဘဝကိုစမယ်” လို့ တွေးပါ။
“ ၁၀ နှစ်လောက် ဘဝမှာ အရေးမပါတဲ့ အလုပ်နဲ့ အချိန်ဖြုန်းမိခဲ့တာပဲ” ဆိုတဲ့ အတွေးအစား
“ တန်ဖိုးရှိတဲ့ အတွေ့အကြုံနဲ့ ဗဟုသုတတွေရခဲ့တယ်” လို့ တွေးတောပါ။
“ ကလေးအတွက် ငါ့ဘဝတက်လမ်းကို စွန့်လွှတ်ပစ်ရလိမ့်မယ်လို့ မထင်ခဲ့ဘူး” ဆိုတဲ့ အတွေးအစား
“ ကလေးလေးရဲ့ အရေးပါတဲ့ အချိန်တိုင်း၊ အချိန်တိုင်း သူ့ဘေးမှာရှိနေရတော့မယ်” လို့တွေးပါ။
Healthy Life ဂျာနယ်မှ စီစဉ်တင်ဆက်သည့် အပတ်စဉ် သောကြာနေ့ထုတ် Healthy Life ဂျာနယ်၊ https://www.facebook.com/healthylifejournalmyanmar/ နှင့် www.healthylifejournalmyanmar.com တို့တွင် ဖော်ပြပါရှိသမျှ ကျန်းမာရေးနှင့် အလှအပဆိုင်ရာ သတင်းများ၊ သတင်းဆောင်းပါးများ၊ အမေးအဖြေများ၊ ဘာသာပြန်ဆောင်းပါးများကို လွတ်လပ်စွာ မျှဝေနိုင်ပါသည်။ သို့ရာတွင် မည်သည့် Facebook စာမျက်နှာ၊ Website များတွင်မဆိုပြန်လည်ကူးယူဖော်ပြခြင်းကို ခွင့်မပြုပါကြောင်း အသိပေး ကြေညာအပ်ပါသည်။
