၊ မိုးမင်းထွန်း ၊
အိန္ဒိယနိုင်ငံမှ အသက် ၈နှစ်အရွယ် ရာမက်ရှ်ဂျာဟက်နဲ့ အသက် ၁၃နှစ်အရွယ် လာမန်ဂျာဟက်တို့ ညီအစ်ကိုနှစ်ယောက်ဟာ ရှားပါးမျိုးဗီဇရောဂါတစ်ခုကြောင့် လျင်လျင်မြန်မြန် အိုမင်းနေကြပါတယ်။
ပုံမှန်ကလေးတွေထက် ခန္ဓာကိုယ်သေးနေပြီး ၃ နှစ်အရွယ်ကတည်းက သွားတွေမရှိကြတော့ဘဲ အရိုးဖွဲ့စည်းပုံမမှန်တာကိုလည်း တွေ့ရပါတယ်။ပုံမှန်ထက်ကြီးတဲ့ ဦးခေါင်းတွေကိုလည်း ပိုင်ဆိုင် ထားကြပါတယ်။ ကျောင်းထားခဲ့သေးပေမယ့် တခြားကလေးတွေက စနောက်ဆော့ကစားတာကြောင့် ဒဏ်ရာတွေရခဲ့ပြီး ကျောင်းထွက်ခဲ့ရပါတယ်။ ညီအစ်ကိုနှစ်ယောက်ဟာ တစ်နေကုန် အိမ်ထဲမှာနေထိုင်ကြပြီး နှစ်ဦးအတူ ဆော့ကစားလေ့ရှိပါတယ်။ သွားတွေ မရှိတော့တာကြောင့် အစာပျော့ပျော့တွေကိုသာ စားသုံးနေရပါတယ်။ ဆရာဝန်အစုံ သွားရောက်ပြသခဲ့ပေမယ့် ရောဂါဇာစ်မြစ်ကို မရှာဖွေနိုင်ခဲ့ပါဘူး။
လွန်ခဲ့တဲ့နှစ်က ဒီဝိုင်ပသီဆေးရုံမှလက်ထောက် ပါမောက္ခဒေါက်အာရွတ်ဂူပတာနဲ့ သွားရောက်ပြသ ခဲ့ရာမှာတော့ အရွယ်မတိုင်ခင်အိုမင်းတဲ့ Progeria ရောဂါမဟုတ်ကြောင်း အတည်ပြုနိုင်ခဲ့ပါတယ်။ ဒါပေမဲ့ Progeria ဆန်ဆန် မျိုးဗီဇချို့ယွင်းတဲ့ ရောဂါမျိုးဖြစ်နိုင်ခြေရှိကြောင်းနဲ့ မျိုးဗီဇစမ်းသပ်မှုနဲ့ ဆဲလ် မျိုးကွဲမှုအမျိုးအစားတွေကို စစ်ဆေးပြီးမှသာ တိကျတဲ့ကုသမှုပေးနိုင်မှာဖြစ်ကြောင်း ဒေါက်တာအာရွတ် ကရှင်းပြခဲ့ပါတယ်။
မိခင်ဖြစ်သူကတော့ သားသုံးယောက်မွေးဖွားခဲ့ရာမှာ အကြီးဆုံးသားက အသက် ၄ နှစ်အရွယ်မှာ မတော်တဆမှုတစ်ခုကြောင့် အသက်ဆုံးရှုံးသွားခဲ့ပြီး အငယ်သားနှစ်ယောက်မှာ ထူးဆန်းတဲ့ရောဂါဖြစ်ပွား နေတာကြောင်း အလွန်ကြေကွဲရကြောင်း ပြောပြပါတယ်။ တိကျတဲ့ကုသမှုရရှိကာ သားနှစ်ယောက်အ သက်ရှည်တာကို မြင်လိုကြောင်းလည်း ပြောပြခဲ့ပါတယ်။
(Ref; TS)
(Healthy Life ဂျာနယ်မှ စီစဉ်တင်ဆက်သည့် အပတ်စဉ် သောကြာနေ့ထုတ် Healthy Life ဂျာနယ်၊ https://www.facebook.com/healthylifejournalmyanmar/ နှင့် www.healthylifejournalmyanmar.com တို့တွင် ဖော်ပြပါရှိသမျှ ကျန်းမာရေးနှင့် အလှအပဆိုင်ရာ သတင်းများ၊ သတင်းဆောင်းပါးများ၊ အမေးအဖြေများ၊ ဘာသာပြန်ဆောင်းပါးများကို လွတ်လပ်စွာ မျှဝေနိုင်ပါသည်။ သို့ရာတွင် မည်သည့် Facebook စာမျက်နှာ၊ Website များတွင်မဆိုပြန်လည်ကူးယူဖော်ပြခြင်းကို ခွင့်မပြုပါကြောင်း အသိပေး ကြေညာအပ်ပါသည်။)
