လမ်းလျှောက်တာကြောင့် စိတ်နဲ့ကိုယ်ကျန်းမာရေးအပေါ် အောက်ပါ ကောင်းကျိုးတွေရရှိစေ နိုင်ပါတယ်။
– အင်ဒေါ်ဖင်ဓာတ် အထွက် တိုးစေနိုင်
လမ်းလျှောက်တာကြောင့် ခန္ဓာကိုယ်ထဲမှာ အကောင်းမြင်တဲ့ခံစားချက်ကို တိုးစေပါတယ်။ အကြောင်းကတော့ အင်ဒေါ်ဖင်ဓာတ် အထွက်တိုးလို့ပါ။ ဒါ့အပြင် လမ်းလျှောက်တဲ့အတွက် စိတ်ဖိစီးမှု၊ ပူပင်သောကများတာနဲ့ စိတ်ဓာတ်ကျတာ တို့ကိုလည်း လျော့ကျစေပါတယ်။
– ရောဂါဖြစ်နှုန်း လျော့ကျစေနိုင်
လမ်းလျှောက်တာကြောင့် ဆီးချိုရောဂါ မဖြစ်အောင်ကာကွယ်နိုင်ပြီး ပန်းနာရင်ကျပ်ရောဂါ အန္တရာယ်ကို လျော့ကျစေပါတယ်။
– ခြေသလုံးကြွက်သား တင်းရင်းစေနိုင်
လမ်းလျှောက်တာကြောင့် ခြေသလုံးကြွက်သားတွေကို သန်စွမ်းတင်းရင်းစေပါတယ်။
– အရိုးထုထည် သန်စွမ်းစေနိုင်
လမ်းလျှောက်တာကြောင့် အဆစ်ရောင်နာနဲ့ အရိုးပါးတာတွေမဖြစ်အောင် ကာကွယ်နိုင်ပါတယ်။
– အဆီလောင်ကျွမ်းစေနိုင်
လမ်းလျှောက်တာကြောင့် ခန္ဓာကိုယ်မှာရှိတဲ့ အဆီပိုတွေကို လောင်ကျွမ်းစေနိုင်ပါတယ်။
– သူငယ်ပြန် မှတ်ဉာဏ်လျော့နည်းရောဂါဖြစ်နှုန်း လျော့ကျစေနိုင်
လမ်းလျှောက်တာကြောင့် အသက်ကြီးချိန်မှာ သူငယ်ပြန်မှတ်ဉာဏ်လျော့နည်းရောဂါဖြစ်နှုန်းကို ၄၀ ရာခိုင်နှုန်းကျော် ကာကွယ်ပေးပြီး ဦးနှောက်ကျုံ့တာကို သက်သာစေပါတယ်။
– ရုပ်ပိုင်းဆိုင်ရာ လုပ်ငန်းဆောင်တာ ကောင်းမွန်စေနိုင်
လမ်းလျှောက်တာကြောင့် အသက်ကြီးသူတွေမှာ ခန္ဓာကိုယ်ပိုင်းဆိုင်ရာ လုပ်ငန်းဆောင်တာတွေ ကောင်းမွန်ကာ မသန်စွမ်းမှုမဖြစ်အောင် ကာကွယ်နိုင်ပါတယ်။
– ခါးအတိုင်းအတာ ထိန်းပေးနိုင်
လမ်းလျှောက်တာကြောင့် ခါးအတိုင်းအတာကို ပုံမှန်အတိုင်းရှိနေအောင် ထိန်းပေးနိုင်ပါတယ်။
