စူး (ဆေးဝါးတက္ကသိုလ်)
ဝမ်းတစ်လုံးကောင်း၊ ခေါင်းမခဲဆိုသလို ၀မ်းမှန်လေမှန်တဲ့အခါ တစ်ကိုယ်လုံး ပေါ့ပါးလန်းဆန်းနေတတ်ပါတယ်။ နေ့စဉ် ပေါ့ပါးလန်းဆန်းနေစေဖို့ လိုက်နာသင့်တဲ့ နည်းလမ်းကောင်းတွေကို ဖော်ပြလိုက်ပါတယ်။
အမျှင်ဓာတ် ပါဝင်မှုများသော အစာစားပါ
သစ်သီး၊ ဟင်းသီးဟင်းရွက်တို့လို အမျှင်ဓာတ်များတဲ့ အစာတွေကို စားတာကြောင့် ၀မ်းပျော့ပျော့သွားစေပါတယ်။ အဆီများတဲ့အစာ၊ အဖြူရောင်သကြား စတာတွေကို စားတာများရင် ၀မ်းချုပ်စေနိုင်ပါတယ်။ အမျှင်ဓာတ်များတဲ့ သစ်တော်သီး၊ ပန်းသီး၊ ဖွဲနု၊ ဘာလီစေ့၊ ပဲမည်း၊ ပဲနီလေး၊ ပဲစိမ်းနဲ့ ပန်းဂေါ်ဖီစိမ်း အစရှိတဲ့ အပင်ထွက်အစာတွေကို နေ့စဉ်စားပေးဖို့ လိုပါတယ်။
ဆီးသီးနှင့် ဆီးဖျော်ရည် သောက်ပါ
ဆီးသီးနဲ့ ဆီးဖျော်ရည်တွေမှာ အမျှင်ဓာတ်ပါဝင်မှုများပြီး ၀မ်းပျော့ပျော့သွားစေတဲ့ သကြားဓာတ် ဆော်ဘီတောလည်း ပါဝင်တာကြောင့် ၀မ်းချုပ်တာကို သက်သာစေပါတယ်။
နံနက်စာအဖြစ် ဒိန်ချဉ်စားပါ
ဒိန်ချဉ်ဟာ အစာခြေလမ်းကြောင်းစနစ် ကျန်းမာစေပြီး ပုံမှန်လှုပ်ရှားနိုင်စေတဲ့ အစာဖြစ်ပါတယ်။ အူလမ်းကြောင်းကို ကျန်းမာစေပြီး အစာချေဖျက်ချိန်ကို လျော့ကျစေကာ အူလမ်းကြောင်းစနစ်တလျှောက် မစင်တွေကို မြန်မြန်ရွေ့လျားသွားစေပါတယ်။ ဒိန်ချဉ် မှာ အကျိုးပြုဘက်တီးရီးယားလည်း ပါဝင်တာကြောင့် အစာအိမ်အူလမ်းကြောင်းစနစ်ကို ကျန်းမာသန့်စင်စေပါတယ်။ အချဉ်ဖောက်ထားတဲ့ တခြားအစာတွေက ကင်မ်ချီ၊ ဂေါ်ဖီချဉ်၊ မုန်ညင်းချဉ် အစရှိတဲ့ အစာတွေဖြစ်ပြီး အစာကြေညက်စေတဲ့အပြင် ၀မ်းချုပ်တာကိုလည်း သက်သာစေပါတယ်။
ရေများများသောက်ပါ
နေ့တိုင်း ရေများများသောက်တာက ခန္ဓာကိုယ်ထဲက စွန့်ပစ်ပစ္စည်းတွေကို မြန်မြန်ထွက်ရှိစေတဲ့ နည်းလမ်းကောင်းတစ်ရပ်ပဲ ဖြစ်ပါတယ်။ နံနက်ခင်းမှာ ရေထဲ သံပရာရည်ညှစ်ထည့်ပြီး သောက်ပေးတာကြောင့် ၀မ်းချုပ်တဲ့ပြဿနာကို သက်သာစေပါတယ်။
ပုံမှန်အိမ်သာတက်တဲ့ အကျင့်ထားပါ
တစ်နေ့ တစ်ချိန် အကျင့်လုပ်ပြီး အိမ်သာထဲထိုင်ပေးပါ။ နေ့တိုင်း အကျင့်လုပ်ပြီး ၀မ်းသွားပေးရင် အဲဒီအချိန် ရောက်လာတိုင်း အူလှုပ်ရှားမှုဖြစ်လာပြီး ၀မ်းသွားစေပါလိမ့်မယ်။
လေ့ကျင့်ခန်းလုပ်ပါ
နေ့စဉ် လေ့ကျင့်ခန်းကို အသင့်အတင့် လုပ်ဆောင်ပေးတာကြောင့် အူလှုပ်ရှားမှုကို ကောင်းမွန်စေပါတယ်။ တစ်နေ့မှာ မိနစ် ၃၀ ခန့် လမ်းလျှောက်ပေးတာကြောင့် ၀မ်းချုပ်တဲ့ဝေဒနာကို သက်သာစေပြီး ၀မ်းမှန်၊ လေမှန် ဖြစ်စေပါတယ်။
