ဒေါက်တာမိုးအောင်ကျော်နိုင် (အထွေထွေရောဂါအထူးကု ဆရာဝန်ကြီး) မှ ဖြေကြားပေးပါသည်။
Q. ခြေတွေ၊ လက်တွေက ဓားနဲ့ခွဲထားသလို ကွဲနေပါတယ်။ ၃ လလောက်ရှိပါပြီ။ ဘာဆေးလိမ်းရမလဲဆရာ။
Burmess(FB)
A. အများစုကတော့ အေးတဲ့အချိန်မှာ အရေပြားခြောက်သွေ့ရင် ဒီလိုမျိုးကွဲတတ်ပါတယ်။ ကွဲတဲ့အချိန်မှာ ကူးစက်ပိုးတစ်မျိုး၊ (ဘက်တီးရီးယား၊ ဖန်းဂတ်စ်မှို)ဝင်တတ်ပါတယ်၊ အကောင်းဆုံးကတော့ ခြေလက်ကွဲတတ်တဲ့သူတွေက အရေပြားခြောက်သွေ့တတ်လို့ အစိုဓာတ် (Moisture) ပါတဲ့ လိုးရှင်း၊ ခရင်မ်တွေလူးပေးရပါမယ်။ ဖိရင်နာတယ်ဆိုတဲ့ ပိုးဝင်တဲ့လက္ခဏာတွေရှိနေတယ် ဆိုရင်တော့ ဆရာဝန်နဲ့ပြပြီး ပဋိဇီဝပိုးသတ်ဆေး လိမ်းရပါမယ်။ ခြေဆီထွက်တာနည်းပြီး အရေပြားခြောက်တဲ့သူတွေမှာ ခြေကွဲတာဖြစ်တတ်တဲ့အတွက် အစိုဓာတ်ကောင်းကောင်း ထိန်းပေးဖို့လိုပါတယ်။
