၊ မိုးမင်းထွန်း ၊
သွားတိုက်တာက အဆစ်ရောင်နာမဖြစ်အောင် ကာကွယ်ပေးနိုင်တယ်လို့ သုတေသနအသစ်ကဆိုပါတယ်။ သွားဖုံးပိုးဝင်ခြင်းကို ဖြစ်စေတဲ့ ပိုးမွှားတွေက လူတွေမှာ ရောဂါရစေကြောင်း တွေ့ရှိခဲ့ပါတယ်။ အဆစ်ရောင်နာက သွားကျန်းမာရေးနဲ့ ဆက်စပ်တယ်လို့ဆိုပါတယ်။
သွားဖုံးရောဂါတစ်မျိုးဖြစ်တဲ့ A. actinomy-cetemcomitans ကခန္ဓာကိုယ်ခုခံစနစ်ကို ရပ်တန့်စေတဲ့ ပရိုတိန်းထုတ်လုပ်မှုကို အစပျိုးပေးပါတယ်။ ဒီပရိုတိန်းထုတ်လုပ်မှုက ပရိုတိန်းတွေကိုတားမြစ်တဲ့ Citrullination ဆိုတဲ့ လူ့ခန္ဓာကိုယ်မှာ သဘာဝအတိုင်းတည်ရှိတဲ့ ယန္တရားကို အလွန်အကျွံဖြစ်စေ ကာရောင်ရမ်းတာ၊ တစ်သျှူးပျက်စီးတာလို လက္ခဏာတွေဖြစ်ပေါ်စေကာ အဆစ်ရောင်နာရောဂါဖြစ် ပွားစေတယ်လို့ ဂျွန်ဟော့ကင်းတက္ကသိုလ်မှ သုတေသီတွေကတွေ့ရှိထားပါတယ်။ ဒါပေမဲ့ အဆစ်ရောင် နာဝေဒနာသည်တွေရဲ့ တစ်ဝက်ကျော်မှာတော့ သွားဖုံးရောဂါမရှိကြဘူးလို့သိရပြီး အူ၊ အဆုတ်တို့လို ခန္ဓာကိုယ် တခြားအင်္ဂါတွေထဲရှိ ဘက်တီးရီးယားတွေကလည်း အဆစ်ရောင်နာဖြစ်စေနိုင်တယ် ဆိုတာပြဆိုတယ်လို့ သုတေသီတွေကရှင်းပြပါတယ်။ သုတေသနက အမေရိကန်ဂျွန်ဟော့ကင်းတက္ကသိုလ်မှ ဦးဆောင်ပြုလုပ်ခဲ့တယ်လို့သိရပါတယ်။
(Ref;DM)
(Healthy Life ဂျာနယ်မှ စီစဉ်တင်ဆက်သည့် အပတ်စဉ် သောကြာနေ့ထုတ် Healthy Life ဂျာနယ်၊ https://www.facebook.com/healthylifejournalmyanmar/ နှင့် www.healthylifejournalmyanmar.com တို့တွင် ဖော်ပြပါရှိသမျှ ကျန်းမာရေးနှင့် အလှအပဆိုင်ရာ သတင်းများ၊ သတင်းဆောင်းပါးများ၊ အမေးအဖြေများ၊ ဘာသာပြန်ဆောင်းပါးများကို လွတ်လပ်စွာ မျှဝေနိုင်ပါသည်။ သို့ရာတွင် မည်သည့် Facebook စာမျက်နှာ၊ Website များတွင်မဆိုပြန်လည်ကူးယူဖော်ပြခြင်းကို ခွင့်မပြုပါကြောင်း အသိပေး ကြေညာအပ်ပါသည်။)
