ငွေကြယ်စင်ယံ
နှစ်စဉ်နှစ်တိုင်း ဖေဖော်ဝါရီလ ၁၄ ရက်နေ့ကို Valentine’s Day နေ့အဖြစ် သတ်မှတ်ထားပါတယ်။ အဲဒီနေ့မှာ သင်ချစ်တဲ့ချစ်သူ ဒါမှမဟုတ် အိမ်သူသက်ထားကို “ကိုယ်မင်းကို ချစ်တယ်”ဆိုတဲ့ စိတ်ကူးယဉ်ဆန်ဆန် ဖွင့်ဟချက်မျိုးနဲ့ အံ့အားသင့် ကြည်နူးသွားစေဖို့ နှင်းဆီပန်းထက် ပိုပြီး အဓိပ္ပာယ်ရှိတဲ့ ရိုမန်တစ်ဆန်ဆန် ပန်းလေးတွေကို ပေးသင့်ပါတယ်။
(1)- ကျူးလစ်ပန်းများ
အနီရောင်နဲ့ ပန်းရောင် ကျူးလစ်ပန်းတွေက “အချစ်တွေ မပြယ်ဘဲ လတ်ဆတ်နေဆဲ”ဆိုတဲ့ အဓိပ္ပာယ်ရပါတယ်။ တူရကီလူမျိုးတွေရဲ့ ဒဏ္ဍာရီ မှာတော့ “ကျူးလစ်ပန်းတွေက ပြီးပြည့်စုံတဲ့ ချစ် ခြင်းမေတ္တာကိုရည်ညွှန်းနေတယ်”လို့ ဖော်ပြထား ပါတယ်။ အဝါရောင် ကျူးလစ်ပန်းတွေက ပျော်ရွှင် မြူးထူးတဲ့ အတွေးတွေကို ကိုယ်စားပြုပြီး အဖြူ ရောင် ကျူးလစ်ပန်းတွေက ခွင့်လွှတ်ဖို့ တောင်းဆို နေပါတယ်။
(2)- သစ်ခွပန်းများ
သစ်ခွပန်းတွေက ကျက်သရေရှိတယ်၊ အမြဲ တည်တံ့နေမယ့် ချစ်ခြင်းမေတ္တာ ပေးမယ်၊ လှပတယ်၊ ခိုင်မာတယ် . . စတဲ့ သဘောတရားကို ကိုယ်စားပြုရာ ရောက်ပါတယ်။
(3)- နေကြာပန်းများ
အဝါရောင် ပွင့်ဖတ်ကြီးတွေနဲ့ တောက်ပနေတဲ့ နေကြာပန်းတွေကို နေရောင်ခြည်နဲ့ တင်စား လေ့ရှိပါတယ်။ ဒီပန်းတွေဟာ ကိုယ်ချစ်တဲ့သူကို ပေးချင်တဲ့ နွေးထွေးမှု၊ ပျော်ရွှင်မှု၊ ချစ်ခင်ရင်းနှီးမှုနဲ့ အဆုံးတိုင်တည်မြဲမယ့် ချစ်မေတ္တာ စတာတွေကို ကိုယ်စားပြုနေပါတယ်။
(4)- ဒေစီပန်းများ
ဒေစီပန်းတွေက အပြစ်ကင်းစင်မှုနဲ့ ပျော်ရွှင်မှုတွေကို ရည်ညွှန်းပြီး အနီရောင် ဒေစီပန်းတွေဟာ ချိုမြိန်တဲ့ချစ်မေတ္တာကို သင့်ချစ်သူဆီအရောက် ပို့ပေးမှာပါ။ တစ်ပြိုင်တည်းမှာပဲ ဒေစီပန်းလေး တွေဟာ သင့်ချစ်သူဆီကို “ကိုယ်မင်းကိုချစ်တယ်၊ ချစ်ခွင့်ရတဲ့အတွက် ကျေးဇူးတင်တယ်၊ မင်းက ကိုယ့်ကိုပျော်ရွှင်စေတယ်”စတဲ့ အမှာစကားတွေ ကိုလည်း ပို့ဆောင်ပေးနေပါတယ်။
(5)- ကြာပန်းများ
ကာပန်းတွေက ကျက်သရေရှိမှုကို ကိုယ်စား ပြုပြီး စစ်မှန်မှု၊ ကြီးကျယ်ခမ်းနားမှုနဲ့ လှပမှုတွေ ပေါင်းစပ်ထားပါတယ်။ ချစ်သူကို အဖြူရောင် ကြာပန်း ပေးတဲ့အခါ ချစ်သူရဲ့ အပြစ်ကင်းစင်တဲ့ အလှ ကို ကြီးကျယ်ခမ်းနားမှုနဲ့ တင်စားတဲ့ သဘော သက်ရောက်သွားပါတယ်။
(6)- ကာနေးရှင်းပန်းများ
ပန်းရောင် ကာနေးရှင်းပန်းတွေက မိခင်တစ်ဦးရဲ့ အနှိုင်းမဲ့ ချစ်မေတ္တာကို ကိုယ်စားပြုပါတယ်။ သင်က သင့်ချစ်သူကို ပန်းရောင် ကာနေးရှင်းပန်း လေးတွေ ပေးတဲ့အခါ သူဆိုးသမျှ၊ နွဲ့သမျှကျေ နပ်ကြည်ဖြူစွာ လက်ခံရင်း ချစ်သွားမယ်ဆိုတဲ့ သဘောသက်ရောက်နေပါတယ်။
