လေ့ကျင့်ခန်းကို တစ်နေ့နာရီဝက်ခန့် ပြုလုပ်ပေးတာကြောင့် အသက်ကြီးတဲ့အထိ သင့်ဦးနှောက်ကျန်းမာစေမှာပါ။
– လေ့ကျင့်ခန်းလုပ်တာကြောင့် အဓိကဖြစ်တတ်တဲ့ စိတ်ကျရောဂါဝေဒနာလက္ခဏာတွေကို သက်သာစေနိုင်ပါတယ်။
– လေ့ကျင့်ခန်းလုပ်တာကြောင့် ဦးနှောက်ဆီကို သွေးစီးဆင်းရောက်ရှိမှု အားကောင်းစေပြီး မှတ်ဉာဏ်နဲ့ ဦးနှောက်လုပ်ငန်းဆောင်တာကို တိုးမြင့်စေပါတယ်။
– လေ့ကျင့်ခန်းလုပ်တာကြောင့် ဦးနှောက်ထဲမှာ စိတ်ခံစားမှုကောင်းမွန်စေတဲ့ ဓာတ်တွေထွက်ပေါ်လာစေပြီး စိတ်ဖိစီးမှုတွေနဲ့ ပူပင်သောကတို့ မခံစားရအောင် ကာကွယ်ပေးနိုင်ပါတယ်။
– လေ့ကျင့်ခန်းလုပ်တာကြောင့် စိတ်အာရုံစုစည်းမှုကိုလည်း ပိုမိုကောင်းမွန်လာစေပြီး လုပ်ငန်းဆောင်တာတွေကို ပိုမိုတိကျစွာ လုပ်ဆောင်နိုင်စေကာ သင်ရည်မှန်းရာပန်းတိုင်ကို အရောက်လှမ်းနိုင်မှာဖြစ်ပါတယ်။
– လေ့ကျင့်ခန်းလုပ်တာကြောင့် သူငယ်ပြန် မှတ်ဉာဏ်လျော့နည်းရောဂါအန္တရာယ်ကို လျော့ကျစေပါတယ်။
– လေ့ကျင့်ခန်းလုပ်တာကြောင့် ခန္ဓာကိုယ်ဟန်ချက်မညီဘဲ ကတုန်ကယင်ဖြစ်တာကို လျော့ကျစေသလို စိတ်ပျံ့လွင်မှုမရှိအောင်လည်း ကာကွယ်ပေးပါတယ်။
– လေ့ကျင့်ခန်းလုပ်တာကြောင့် ခန္ဓာကိုယ်ပိုင်းဆိုင်ရာ လုပ်ငန်းဆောင်တာနဲ့ သန်စွမ်းကြံ့ခိုင်မှုတို့ကို ထိန်းသိမ်းပေးပါတယ်။
– လေ့ကျင့်ခန်းလုပ်တာကြောင့် နှလုံးလုပ်ငန်းဆောင်တာတွေကို ကောင်းမွန်စေပါတယ်။
– လေ့ကျင့်ခန်းလုပ်တာကြောင့် အိပ်စက်မှုစနစ်ကို တိုးတက်စေပြီး နှစ်နှစ်ခြိုက်ခြိုက် အိပ်မောကျစေပါတယ်။
– လေ့ကျင့်ခန်းလုပ်တာကြောင့် ဉာဏ်ရည်ထက်မြက်စေပြီး တွေးခေါ်နိုင်စွမ်းအားကို သိသိသာသာ တိုးတက်လာစေပါတယ်။
(Healthy Life ဂျာနယ်မှ စီစဉ်တင်ဆက်သည့် အပတ်စဉ် သောကြာနေ့ထုတ် Healthy Life ဂျာနယ်၊ https://www.facebook.com/healthylifejournalmyanmar/ နှင့် www.healthylifejournalmyanmar.com တို့တွင် ဖော်ပြပါရှိသမျှ ကျန်းမာရေးနှင့် အလှအပဆိုင်ရာ သတင်းများ၊ သတင်းဆောင်းပါးများ၊ အမေးအဖြေများ၊ ဘာသာပြန်ဆောင်းပါးများကို လွတ်လပ်စွာ မျှဝေနိုင်ပါသည်။ သို့ရာတွင် မည်သည့် Facebook စာမျက်နှာ၊ Website များတွင်မဆိုပြန်လည်ကူးယူဖော်ပြခြင်းကို ခွင့်မပြုပါကြောင်း အသိပေး ကြေညာအပ်ပါသည်။)
