“ကျန်းမာမှ မိမိလျှောက်လှမ်းချင်တဲ့ လမ်းကို သွားနိုင်မှာ ဖြစ်ပါတယ်”
– လတ်တလောမှာ ဘယ်လို အနုပညာလှုပ်ရှားမှု တွေ ဆောင်ရွက်နေပါသလဲ။
ညီမက အခုရက်ပိုင်းအတွင်း မဂ္ဂဇင်း၊ ဂျာနယ် ကာဗာတွေ ရိုက်ဖြစ်နေပါတယ်။
–Missတစ်ယောက်မှာ ပရဟိတအလုပ်က ဘယ်လောက်ထိ အရေးပါတယ်လို့ ညီမ ထင်ပါသလဲ။
Miss တစ်ယောက်မှာ ပရဟိတအလုပ်က အရမ်းအရေးကြီးပါတယ်။ Miss တစ်ယောက်ဟာ အများပြည်သူတွေရဲ ့ စောင့်ကြည့်မှုကို ခံရတဲ့အတွက် အများပြည်သူအတွက် အကျိုးရှိမယ့် ပရဟိတအလုပ် ကိုပိုလုပ်သင့်ပါတယ်။ ပရဟိတအလုပ်ဆိုတာကတော့ ဘယ်သူမဆို လုပ်သင့်တဲ့အရာဖြစ်ပါတယ်။ ညီမကိုယ်တိုင်လည်း ပရဟိတကို အတတ်နိုင်ဆုံး ကြိုးစားပြီး လုပ်ဖြစ်နေပါတယ်။ စစ်ဘေးရှောင် ပြည်သူတွေအတွက် ပညာရေးအပိုင်းမှာ ကလေးတွေအတွက် အလှူငွေကောက်ခံပေးတာမျိုးတွေ ရှိပါတယ်။
– ညီမအနေနဲ့ ရုပ်ရှင်ဇာတ်ကားတွေ ရိုက်ဖို့ရောရှိပါ သလား။
အခုလောလောဆယ်တော့မရှိသေးပါဘူး။
– ညီမက မိုးတွင်းမှာ ကျန်းမာရေးကောင်းအောင် ဘယ်လို စောင့်ရှောက်လေ့ရှိပါသလဲ။
အဓိက အိပ်ရေးဝအောင်အိပ်ဖြစ်ပါတယ်။ တခြားကျန်းမာရေးဂရုစိုက်မှု တွေလည်း ရှိပါတယ်။ အခု မိုးတွင်း မှာလည်း ညီမကလေးဖက်နာရောဂါရှိတော့ အအေးမမိအောင်ဂရုစိုက်တယ်။ အစားအသောက် ဆင်ခြင်ရတယ်။ ကျန်းမာရေး အရမ်းချူချာတာမျိုးတော့မရှိပါဘူး။
– ကျန်းမာရေးဗဟုသုတတွေကို ဘယ်လို လေ့လာ ဖြစ်ပါသလဲ။
ညီမ မိသားစုအသိုင်းအဝိုင်းကလည်း ကျန်းမာရေးနဲ့ ပတ်သက်တဲ့သူတွေပါပဲ။ ညီမကိုယ်တိုင်ကလည်း သူနာပြုဖြစ်တဲ့အတွက် ကျန်းမာရေးဗဟုသုတတွေ လေ့လာဖြစ်ပါတယ်။
– သူနာပြုအလုပ်ကိုရော လုပ်ဖြစ်သေးလား။ အနုပညာအလုပ်ကို ဘာကြောင့် ဝင်ရောက်ဖြစ်တာလဲ။
ညီမကသူနာပြုသင်တန်းတက်ပါတယ်။ သူနာပြုဖြစ်ခဲ့တယ်။ အလုပ်တော့ မဝင်ခဲ့ပါဘူး။ ပထမတော့ သူနာပြုလုပ်ဖို့ ရည်ရွယ်ခဲ့သေးတယ်။ ဒါပေမဲ့ အနုပညာအလုပ်ကို ပိုပြီး စိတ်ပါသွားတဲ့အတွက် မျက်စိစုံမှိတ်ပြီး ဝင်ရောက်ခဲ့တာပါ။
– ညီမရဲ့ရွေးချယ်မှုအပေါ်မှာ မိသားစုက သဘောမ ကျတာ၊ ကန့်ကွက်တာမျိုး ရှိပါသလား။
အခုအချိန်ထိတော့ ညီမရဲ့ရွေးချယ်မှုကို ကန့်ကွက်တာမျိုးမရှိပါဘူး။ ငယ်ငယ်လေးတည်းက ညီမရဲ ့ဆုံးဖြတ်ချက်ကိုပဲ ဦးစားပေးခဲ့ပါတယ်။
– အသားအရေလှပဖို့အတွက်ရော ဘယ်လိုဂရုစိုက် ဖြစ်ပါသလဲ။
ညီမက အသားအရေ အရမ်းဂရုစိုက်တဲ့ အထဲမှာတော့ မပါဘူး။ တစ်ခါတလေSpa သွားတာမျိုးတော့ ရှိပါတယ်။
– အစားအသောက်ကို ဘယ်လိုဂရုတစိုက်စားသောက် ဖြစ်ပါသလဲ။
အဓိက ညီမက အဆီအအိမ့်လျှော့စားတယ်။ အစားသောက်ဆိုရင် ကိုယ်တိုင်ချက်စားရတာ သဘောကျတယ်။ အဓိက အပြင်စာတွေ သိပ်မစားဘူး။ များသောအားဖြင့် ကချင်အစားအစာတွေ ချက်စားပါတယ်။
– ခန္ဓာကိုယ်ဝိတ်ကို ဘယ်လိုထိန်းဖြစ်လဲ။
ညီမခန္ဓာကိုယ်ဝိတ်က ဘယ်လောက်စားစား မတက်ဘူး။ အဓိက အစားအသောက်ကို ဆင်ခြင်ပါတယ်။ လေ့ကျင့်ခန်းလုပ်တယ်။ အဲ့လောက်ပါပဲ။
– Healthy Life ဂျာနယ် ပရိသတ်တွေအတွက် ညီမပေးချင်တဲ့ ကျန်းမာရေးအကြံပြုချက်လေး ရှိရင် ပြောပြပေးပါလား။
ကျန်းမာခြင်းသည် လာဘ်တစ်ပါးဖြစ်တဲ့အတွက် ကျန်းမာရေးကို ဂရုစိုက်ကြပါ။ ကျန်းမာမှ မိမိ လျှောက်လှမ်းချင်တဲ့လမ်းကို သွားနိုင်မှာ ဖြစ်ပါတယ်။
(Healthy Life ဂျာနယ်မှ စီစဉ်တင်ဆက်သည့် အပတ်စဉ် သောကြာနေ့ထုတ် Healthy Life ဂျာနယ်၊ https://www.facebook.com/healthylifejournalmyanmar/ နှင့် www.healthylifejournalmyanmar.com တို့တွင် ဖော်ပြပါရှိသမျှ ကျန်းမာရေးနှင့် အလှအပဆိုင်ရာ သတင်းများ၊ သတင်းဆောင်းပါးများ၊ အမေးအဖြေများ၊ ဘာသာပြန်ဆောင်းပါးများကို လွတ်လပ်စွာ မျှဝေနိုင်ပါသည်။ သို့ရာတွင် မည်သည့် Facebook စာမျက်နှာ၊ Website များတွင်မဆိုပြန်လည်ကူးယူဖော်ပြခြင်းကို ခွင့်မပြုပါကြောင်း အသိပေး ကြေညာအပ်ပါသည်။)
