၊ လရိပ်မေ ၊
မော်ဒယ်ရှိုးပွဲတွေမှာ စတိတ်စင်ပေါ် လျှောက်လှမ်းနေတဲ့ မော်ဒယ်တွေက စွမ်းအင်ပြည့်ဝပြီး ကိုယ့်ကိုယ်ကိုယ် ယုံကြည်မှုလည်းရှိကာ ကင်မရာထဲမှာ အမြဲကြည့်ကောင်းနေတတ်ပါတယ်။ ဒီလိုဖြစ်ရတဲ့ သူတို့ရဲ့ လျှို့ဝှက်ချက်တွေကို ဖော်ပြပေးလိုက်ပါတယ်။
– စွမ်းအင်ပြည့်ဝစေရန်
မော်ဒယ်ရှိုးပွဲတွေမှာ လျှောက်လှမ်းတဲ့အခါ စွမ်းအင် အပိုရှိစေဖို့ ကျန်းမာရေးနဲ့ ညီညွတ်တဲ့သရေစာကို မကြာ ခဏ စားပေးဖို့လိုပါတယ်။ အထူးသဖြင့် မော်လ်ဒယ်တွေက အခွံမာတဲ့ အစေ့အဆန်တွေကို စားလေ့ရှိတယ်လို့ ဆိုပါတယ်။ ဒါကြောင့် အိုမီဂါ ၃ ဖက်တီးအက်စစ် ရရှိစေပြီး အသားအရေ ချောမွေ့နေစေပါတယ်။
– သန်စွမ်းစေရန်
စတိတ်စင်ပေါ်မှာ ဆွဲဆောင်မှု အရှိဆုံးဖြစ်နေဖို့ အားကစားကို အလုပ်တစ်ခုလို လုပ်ဆောင်ရပါမယ်။ လေ့ကျင့် ခန်းကို မနက်ခင်း အိပ်ရာထယသွားတိုက်တာ၊ မျက်နှာသစ်တာလိုမျိုး စွဲစွဲမြဲမြဲလုပ်ပြီး မလုပ်မိရင် အပြစ်ရှိသလို ခံစားရတဲ့အထိ ဖြစ်နေတယ်လို့ မော်ဒယ်တချို့က ဆိုပါတယ်။ အဲဒါကြောင့် တီဗီကြည့်တဲ့အခါ ထိုင်ထလုပ်တာလို လေ့ကျင့်ခန်းလုပ်ရင်း ကြည့်ဖြစ်တယ်လို့ သိရပါတယ်။
– အသားအရေ အပြစ်အနာအဆာ ကင်းစေရန်
မော်လ်ဒယ်တွေက နှင်းဆီရေကို သုံးပြီး အသားအရေအပြစ်အနာအဆာ ကင်းအောင် ပက်ဖျန်းလေ့ရှိပါတယ်။ မျက်ခုံးကိုထင်ရှားလှပအောင် ပြင်ဆင်ကာ အသားအရေ ထိန်းသိမ်းမှုကို ပုံမှန်လုပ်ဆောင်လေ့ရှိပါတယ်။
– ညဘက် ကောင်းကောင်း အိပ်ပျော်စေရန်
လေယာဉ်ကို ဘယ်လောက်ပဲ အချိန်ကြာကြာ စီးရပါစေ၊ အမြဲတမ်း ပုံမှန် အိပ်ချိန်ဖြစ်နေအောင် ကြိုးစားတယ်၊ အိပ်ပျော်စေဖို့ ဆေးကိုလည်း ယူသွားပါတယ်လို့ Victoria’s မော်ဒယ်ကေလော့စ်က ဆိုပါတယ်။
– မြင်မြင်ချင်း အထင်အမြင်ကြီးမှု ရရှိစေရန်
ကိုယ့်ကိုယ်ကိုယ် ယုံကြည်မှု ရှိဖို့ရာအတွက် အကြံဉာဏ်က စူပါမော်ဒယ်တွေလို ယုံကြည်မှုထားဖို့ပဲ ဖြစ်ပါ တယ်။ မိန်းမဆန်ဆန် ခံစားရစေမယ့် အဝတ်အစား၊ အပြင်အဆင်တွေကို လိုက်နာပြီး အသားအရေကို ပြုပြင် ပါ။ တကယ်လို့ ချစ်စရာကောင်းတဲ့ အသွင်အပြင် ဖြစ်ချင်ရင် ဆွဲဆောင်မှုရှိတဲ့ ဇာအင်္ကျီဝတ်ပါ။ အရောင်လွင်တဲ့ ပဝါကိုပတ်ပါ။ ပြုံးပါ။
