———၊ ဇွန်ခိုင်ဦး (ဆေးဝါးတက္ကသိုလ်) ၊———
ဖျားနာနေသူက ကိုဗစ်-၁၉ သံသယလက္ခဏာ ရှိသူဆိုလျှင် Fever Clinic ကို သွားပြရန်လိုအပ်ကြောင်း ဆေးသုတေသနဦးစီးဌာန၊ ညွှန်ကြားရေးမှူးချုပ်၊ ကိုဗစ်-၁၉ ကာကွယ်ထိန်းချုပ်ကုသရေးဆိုင်ရာ ပေါင်းစပ်ညှိနှိုင်းရေးအဖွဲ့ဝင် ပါမောက္ခဒေါက်တာ ဇော်သန်းထွန်းက အောက်တိုဘာလ ၉ ရက်နေ့ ကိုဗစ်အကြောင်းသိကောင်းစရာ အမေး-အဖြေအစီအစဉ်တွင် ပြောကြားခဲ့သည်။
“ ဖျားနေတဲ့သူက ကိုဗစ်-၁၉ သံသယလက္ခဏာ ရှိတဲ့သူဆိုရင် Fever Clinic ကို သွားပြရမှာ ဖြစ်ပါတယ်။ ဥပမာဆိုပါစို့-ဆီးကျဉ်လို့ ဖျားတာမျိုးဆိုရင် ဒီလက္ခဏာက ကိုဗစ်-၁၉ လက္ခဏာမဟုတ်တာကြောင့် Fever Clinic ကို သွားပြဖို့ မလိုအပ်ပါဘူး။ ဒါပေမဲ့ ဖျားတဲ့လက္ခဏာက နှာစေးတာ၊ ချောင်းဆိုးတာ၊ လည်ပင်းနာတာ၊ အနံ့ပျောက်တာနဲ့တွဲပြီး ဖြစ်လာတာမျိုး၊ ခေါင်းကိုက်တယ်၊ နုံးတယ် အစရှိသဖြင့်ပေါ့ . .ဒီလက္ခဏာတွေက အရင်တုန်းကတော့ တုပ်ကွေးရောဂါဆိုတော့ ဆေးခန်းသွားဖို့ မလိုဘူး၊ အိမ်မှာပဲ ဘာမီတွန်၊ ပါရာစီတမောသောက်ပြီး ပျောက်သွားနိုင်တဲ့ လက္ခဏာလို့ သတ်မှတ်လို့ရပေမယ့် အခုအချိန်က ကျွန်တော်တို့နိုင်ငံဟာ ကိုဗစ်- ၁၉ ရောဂါကူးစက်မှုရှိနေပြီးတော့ ဒုတိယလှိုင်းကို ရင်ဆိုင်နေရကာ ပြည်တွင်းကူးစက်မှုနှုန်းကလည်း အလွန်မြန်ဆန်နေတဲ့အတွက် ဒီလိုလက္ခဏာတွေ ပေါ်လာရင် ကိုဗစ်-၁၉ ကြောင့်လား၊ ရာသီတုပ်ကွေးကြောင့်လား စတာကို ခွဲခြားသိဖို့လိုပါတယ်” ဟု ပါမောက္ခဒေါက်တာ ဇော်သန်းထွန်းက ပြောသည်။
ကိုဗစ်-၁၉ ကူးစက်နှုန်းမြန်သည့်အတွက် မြန်မြန်ခွဲခြားသိရှိရန် အရေးကြီးကြောင်း၊ မြန်မြန်သိရှိရန် မြန်မြန်စစ်ဆေးနိုင်ရေးအတွက် Rapid Test Kit များ ဖြန့်ဖြူးထားပြီးဖြစ်ကြောင်း၊ အဆိုပါ Test Kit ဖြင့် စစ်ဆေးပါက နာရီဝက်အတွင်း ကိုဗစ် ရှိ၊ မရှိ ခွဲခြားသိနိုင်မည်ဖြစ်ကြောင်း သိရသည်။
“ Test Kit တွေနဲ့ စစ်ဆေးရင် ရောဂါလက္ခဏာပြပြီး ၆ ရက်အတွင်း စစ်ဆေးမှသာ မှန်ကန်တဲ့အဖြေကို ရရှိမှာဖြစ်တာကြောင့် လူနာတွေအနေနဲ့ သံသယလက္ခဏာတွေရှိပြီဆိုတာနဲ့ ဖျားပြီ၊ လည်ပင်းနာပြီဆိုတာနဲ့ နီးစပ်ရာဆေးရုံ၊ ဆေးခန်းကို သွားရောက်စစ်ဆေးပြသဖို့ လိုအပ်ပါတယ်” ဟု ပါမောက္ခ ဒေါက်တာဇော်သန်းထွန်းက ပြောသည်။
ဖျားနာခြင်းမရှိဘဲ အနံ့ပျောက်ခြင်း ခံစားနေရသူများအနေဖြင့် Call Center 2019 ကို ဆက်သွယ်ပြီး မြို့ နယ်အလိုက် အနံ့ပျောက်စင်တာများတွင် ကန့်သတ်မှုဖြင့် ကုသမှုခံယူနိုင်ကြောင်း သိရသည်။