———၊ မီမိုးမေ (ဆေးဝါးတက္ကသိုလ်) ၊———
သင့်အနေနဲ့ အသက် ၄၀- ၅၀ အရွယ်တုန်းကလိုပဲ နေလို့ထိုင်လို့ကောင်းနေတယ်ဆိုရင် “ဂုဏ်ယူပါတယ်”လို့ အရင်ဆုံးပြောပါရစေ။ ဒါဟာ သင့်အနေနဲ့ ဘ၀တစ်လျှောက်လုံး ကျန်းမာရေးနဲ့ ညီညွတ်တဲ့ အလေ့အထတွေကို ထိန်းသိမ်းနေထိုင်ခဲ့တာကြောင့်လည်း ဖြစ်နိုင်ပါတယ်။ အသက်ရှည်လာတာနဲ့အမျှ ပိုမိုကျန်းမာပြီး နေရတာ သက်သောင့်သက်သာနဲ့ ပေါ့ပေါ့ပါးပါးရှိစေဖို့ ကျန်းမာရေးနဲ့ညီညွတ်တဲ့ အလေ့အထလေးတွေကို လိုက်နာနေထိုင်ဖို့ လိုအပ်ပါတယ်။ ပြောင်းလဲမှုအသေးအမွှားတွေကတောင် ကျန်းမာရေးပိုမိုကောင်းမွန်လာတာကို လက်တွေ့ခံစားလာရပါလိမ့်မယ်။
အရင်တုန်းက လေ့ကျင့်ခန်းမလုပ်ဖူးပါ။ အခုမှ စတင်ပြုလုပ်လို့ အကျိုးကျေးဇူးရပါဦးမလား။
ကိုယ်လက်လှုပ်ရှားမှုဟာ လူတိုင်းအတွက် ဘယ်အသက်အရွယ်ပဲရောက်ရောက် သင့်တော်ကောင်းမွန်တာကြောင့် ပြုလုပ်သင့်ပါတယ်။ သက်ကြီးရွယ်အိုအများစုမှာ မတော်တဆ လဲကျတာကြောင့် ထိခိုက်ဒဏ်ရာရခြင်းနဲ့ မသန်စွမ်းဖြစ်ခြင်းတွေကို ခံစားရတတ်ပါတယ်။ လေ့ကျင့်ခန်းကို ပုံမှန်ပြုလုပ်ပေးရင်တော့ အရိုးနဲ့ကြွက်သားတွေ သန်စွမ်းလာပါတယ်။ အရိုးနဲ့ကြွက်သားတွေ သန်စွမ်းနေရင် လဲကျနိုင်ခြေ နည်းသွားသလို လဲကျခဲ့ရင်တောင် အရိုးတွေကျိုးနိုင်ခြေ နည်းသွားပါလိမ့်မယ်။ ပုံမှန်လေ့ကျင့်ခန်းလုပ်တာက ဦးနှောက်အတွက်လည်း ကောင်းမွန်ပါတယ်။ လေ့လာမှုများစွာအရ ခပ်သွက်သွက် လမ်းလျှောက်ခြင်းလိုမျိုး ပုံမှန်ရိုးစင်းတဲ့ လေ့ကျင့်ခန်းတွေကို ပြုလုပ်တာက မလုပ်တဲ့သူတွေထက် ဆုံးဖြတ်ချက်ချနိုင်စွမ်း ပိုကောင်းကြောင်း သိရပါတယ်။
လေ့ကျင့်ခန်းမလုပ်ဖြစ်တာ တော်တော်ကြာနေပြီ။ အခုမှစလုပ်ရင် တစ်ကိုယ်လုံး နာကျင်ကိုက်ခဲမှုကို ခံစားရနိုင်သလား။
ကိုယ်လက်လှုပ်ရှားမှုကို အသင့်အတင့် လုပ်လိုက်ရုံနဲ့ ဆီးချိုသွေးချိုရောဂါမှ နှလုံးရောဂါအထိ နာတာရှည်ကျန်းမာရေး ပြဿနာအများစုဟာ သိသိသာသာ တိုးတက်ကောင်းမွန်လာတာကို တွေ့ရပါတယ်။ ရောဂါရှိနေချိန်မှာ လေ့ကျင့်ခန်းမလုပ်တာက လေ့ကျင့်ခန်းလုပ်တာကြောင့်ဖြစ်တတ်တဲ့ ယာယီနာကျင်မှုထက် ပိုမိုဆိုးရွားတဲ့ နောက်ဆက်တွဲပြဿနာကို ဖြစ်စေနိုင်ပါတယ်။ ဒါကြောင့် လေ့ကျင့်ခန်းမလုပ်ခင်မှာ ဆရာဝန်နဲ့ အရင်တိုင်ပင်ပါ။ လေ့ကျင့်ခန်းစတင်ပြုလုပ်ကာစမှာ ကြွက်သားတွေ နာကျင်တတ်ပေမယ့် ဒါဟာ လေ့ကျင့်ခန်းဆက်မလုပ်ဖို့ ပြသတဲ့ သင်္ကေတမဟုတ်ပါဘူး။ နာကျင်မှုအသင့်အတင့်ဟာ လေ့ကျင့်ခန်းလုပ်ပြီး ရက်အနည်းငယ်အတွင်းမှာ ပျောက်ကင်းသွားပါလိမ့်မယ်။ အိမ်နီးချင်း ဒါမှမဟုတ် မိတ်ဆွေသူငယ်ချင်းတွေနဲ့အတူ လမ်းလျှောက်တာမျိုးနဲ့ စတင်ပြုလုပ်ပါ။ လမ်းလျှောက်ခြင်းအပြင် ဥယျာဉ်စိုက်ပျိုးခြင်း၊ ကခုန်ခြင်း၊ ရေကူးခြင်း စတဲ့ လှုပ်ရှားမှုတွေနဲ့လည်း လေ့ကျင့်ခန်းကို စတင်နိုင်ပါတယ်။ လေ့ကျင့်ခန်းကို စတင်ပြုလုပ်ကာစမှာ အချိန်အများကြီးပေးပြီး မလုပ်သင့်ပါဘူး။ တစ်ကြိမ်မှာ ၁၀ မိနစ်နဲ့ သုံးကြိမ်လေ့ကျင့်တာမျိုးကို ပြုလုပ်ပေးပါ။
သက်လုံကောင်းအောင်နဲ့ ကြွက်သားတွေသန်စွမ်းအောင် အလေးမ,ပေးသင့်ပါသလား။
ကြွက်သားတွေ သန်စွမ်းနေအောင် တစ်ပေါင်မှ ငါးပေါင်အထိလေးတဲ့ အလေးတုံးကိုမ,ပေးနိုင်ပါတယ်။ အလေးတုံးမရှိရင် ရေတစ်ပုလင်း ဒါမှမဟုတ် စာအုပ် စတာတွေကိုသုံးပြီး မ,ပေးနိုင်ပါတယ်။
အမျှင်ဓာတ်ကို ဘာကြောင့် ပိုစားသင့်သလဲ။
အမျှင်ဓာတ်ပါတဲ့ အစာတွေဟာ ကျန်းမာရေးကို နည်းသုံးမျိုးနဲ့ ကောင်းမွန်စေပါတယ်။
၁။ အူမကြီးကို ပိုမိုကျန်းမာစေပါတယ်။
၂။ နှလုံးရောဂါ၊ အမျိုးအစား (၂) ဆီးချိုသွေးချိုရောဂါနဲ့ ကင်ဆာရောဂါအန္တရာယ်တို့ကို လျော့ကျစေပါတယ်။
၃။ သွေးတွင်းမကောင်းတဲ့ ကိုလက်စထရောပမာဏကို လျော့ကျစေပါတယ်။
အသက် ၅၀ ကျော်အမျိုးသားတွေဟာ နေ့စဉ် အမျှင်ဓာတ်ကို ၃၀ ဂရမ်စားသင့်ပြီး အမျိုးသမီးတွေကတော့ ၂၁ ဂရမ်ကို စားပေးသင့်ပါတယ်။
ကျန်းမာရေးနဲ့ညီညွတ်တဲ့ အစာရယ်လို့ ရွေးချယ်မစားဖူးဘူး။ အမျှင်ဓာတ်ပါဝင်အောင် ဘယ်လိုစားပေးသင့်သလဲ။
အမျှင်ဓာတ်ပါဝင်မှုများတဲ့ အစားအစာတွေကတော့-
• ပြုပြင်မထားတဲ့ ဆန်လုံးညို၊ နံနက်စာကွေကာ၊ အခွံချွတ်မထားတဲ့ ပေါင်မုန့်ညို၊ ခေါက်ဆွဲညို၊
• ပန်းသီး၊ ဘယ်ရီသီးနဲ့ သစ်တော်သီး စတဲ့ လတ်ဆတ်တဲ့ သစ်သီးတွေ၊ ဆီးသီးခြောက်၊ မက်မွန်သီးခြောက်၊ သဖန်းသီးခြောက် စတဲ့ သစ်သီးခြောက်တွေ၊
• ပန်းဂေါ်ဖီစိမ်း၊ မုန်လာဥနီနဲ့ ပဲတီစိမ်းတို့လို ဟင်းသီးဟင်းရွက်တွေ၊
• ပဲနီလေး၊ ပဲစင်းငုံ စတဲ့ ပဲအမျိုးမျိုး စတာတွေပဲ ဖြစ်ပါတယ်။
ပုံမှန်စားသောက်နေကြ အစားအသောက်ထဲကို ထပ်ထည့်သင့်တဲ့အရာတွေကတော့ အသီးအနှံနဲ့ ဟင်းသီးဟင်းရွက်တွေပဲ ဖြစ်ပါတယ်။ အဲဒီအစာတွေထဲမှာ အမျှင်ဓာတ်သာမက ဗီတာမင်နဲ့ သတ္တုဓာတ်တွေ များစွာပါဝင်နေလို့ပဲ ဖြစ်ပါတယ်။
ကျန်းမာရေးနဲ့ညီညွတ်တဲ့ အလေ့အထကောင်းတွေကို စစချင်းလိုက်နာဖို့ကတော့ နည်းနည်းခက်ခဲပါလိမ့်မယ်။ ဆေးလိပ်၊ အရက် စတဲ့ ခန္ဓာကိုယ်ကို အားနည်းထိခိုက်စေတဲ့ အရာတွေကိုရှောင်ပြီး ကောင်းတဲ့အလေ့အထတွေရအောင် ဖြည်းဖြည်းချင်း ပြောင်းလဲကျင့်ကြံသွားမယ်ဆိုရင် သက်ရှည်ကျန်းမာစွာ နေထိုင်သွားနိုင်ပါလိမ့်မယ်။
