—၊ ဒေါက်တာဒေါ်ဝင်းဝင်းမြင့် (အာဟာရဆိုင်ရာ အထူးကုဆရာဝန်ကြီး)မှ ဖြေကြားပေးပါသည်။ ၊—
Q. ကလေးမွေးပြီး မိခင်နို့တစ်မျိုးတည်း တိုက်တာကြောင့် ဘယ်လိုကျန်းမာရေးကောင်းကျိုးတွေကို ရရှိစေနိုင်ပါသလဲ။
PP (FB)
A. ကလေးမွေးပြီးတဲ့အခါ ကလေးတွေကို ခြောက်လအထိ မိခင်နို့တစ်မျိုးတည်း တိုက်ရပါမယ်။ အမေနို့ရဲ့ ပရိုတင်းမှာ Whey ပရိုတင်းဆိုပြီး ပါပါတယ်။ ပရိုတင်းက နှစ်မျိုးရှိပါတယ်။ Whey ပရိုတင်းနဲ့ Ca-sein ပရိုတင်းပါ။ အမေနို့ကထွက်တဲ့ Whey ပရိုတင်းမှာ ကလေးရဲ့ဦးနှောက်ဖွံ့ဖြိုးမှုနဲ့ ကလေးကို လွယ်လွယ်ကူကူ အိပ်မောကျစေတဲ့ အစွမ်းတွေပါဝင်ပါတယ်။ မိခင်နို့တစ်မျိုးတည်း တိုက်လို့ရရှိမယ့် အကျိုးတွေကို သေချာပြောရရင်-
• မိခင်ကိုယ်တိုင် ရင်သားနဲ့ သားဥအိမ်ကင်ဆာဖြစ်တာမှ ကာကွယ်ပေးပါတယ်။
• ဆီးချိုဖြစ်နှုန်းလျော့စေပြီး နှလုံးရောဂါ ဖြစ်ပွားတာကိုလည်း ကာကွယ်ပေးပါသေးတယ်။
• ကလေးက ကိုယ်ခံစွမ်းအားကောင်းမွန်မှုကို မိခင်ဆီက အပြည့်အ၀ရမှာ ဖြစ်တာကြောင့် ရောဂါဖြစ်တာမှလည်း ကင်းဝေးမှာ ဖြစ်ပါတယ်။
• ကလေးရဲ့ အစာအိမ်နဲ့ အူလမ်းကြောင်းတလျှောက်၊ အသက်ရှူလမ်းကြောင်းတလျှောက်မှာ ဓာတ်မတည့်မှုတွေ ဘယ်တော့မှ မဖြစ်တော့ပါဘူး။
• ကိုယ်ဝန်ဆောင်တဲ့အခါ မိခင်တွေက ကိုယ်အလေးချိန် အနည်းနဲ့အများတော့ တက်ပါတယ်။ ဒါပေမဲ့ ကလေးကို နို့ချိုတိုက်ကျွေးလိုက်တဲ့အခါ မိခင်ရဲ့ ခန္ဓာကိုယ်အဆီ (Body Fat) တွေလည်း ကျစေတာကြောင့် ကိုယ်အလေးချိန်အများကြီး မတက်တော့ပါဘူး။ အဲဒီတော့ ကိုယ်အလေးချိန်တက်နေတဲ့ မိခင်တွေ ပိန်ချင်ရင်တော့ ကလေးကို နို့တိုက်ပေးပါလို့ တိုက်တွန်းချင်ပါတယ်။