—၊ ပါမောက္ခဦးကိုကို (ဆီးချိုနှင့် အထွေထွေရောဂါအထူးကု ဆရာဝန်ကြီး)နှင့် တွေ့ဆုံဆွေးနွေးခြင်း ၊—
Q. တချို့လူတွေက မျိုးရိုးထဲမှာ ၀တဲ့သူမပါဘဲ တစ်ယောက်တည်း ၀နေကြပါတယ်။ အဲဒါ ဘာကြောင့်ပါလဲ ဆရာ။
A. အ၀လွန်တာဟာ မျိုးရိုးဗီဇမရှိဘဲ အ၀လွန်တာမျိုးလည်း ဖြစ်နိုင်ပါတယ်။ တချို့ရောဂါတွေက မျိုးဗီဇမရှိဘဲ ၀နိုင်ပါတယ်။ ဥပမာ- Cushion Syndrome လို့ခေါ်တဲ့ အဒရီနယ်ဂလင်းက ဟော်မုန်းတွေများနေတဲ့ ရောဂါစုကြောင့် ၀နိုင်ပါတယ်။ တချို့ မျိုးရိုးဗီဇဆိုင်ရာ ရောဂါတွေ ဥပမာ-ကလေးတွေမှာ အဖြစ်များတဲ့ Prader Wille Syndrome ကြောင့်လည်း ၀တတ်ပါတယ်။ ဟိုက်ပိုသိုင်းရွိုက်လို့ခေါ်တဲ့ လည်ပင်းကြီးဟော်မုန်းတွေ နည်းတာကြောင့် ၀တတ်ပါတယ်။ နောက်တစ်ခုက စပ်ဆေးတွေ သောက်တာကြောင့် ၀တတ်ပါတယ်။ စပ်ဆေးတွေထဲမှာ Dexamethasone လို့ခေါ်တဲ့ စတီးရွိုက်ဆေးတွေ ပါဝင်တတ်ပါတယ်။ အဲဒီစပ်ဆေးတွေကို ဒူးနာသက်သာချင်လို့ဆိုပြီး သွားဝယ်သောက်ရင်း ၀လာတာပါ။ တချို့မိန်းကလေးတွေက ၀ဆေးဆိုပြီးဝယ်ရင် ဆေးဆိုင်တွေက ဒီစတီးရွိုက်ပါတဲ့ စပ်ဆေးတွေကို ပေးတတ်ပါတယ်။
အဲဒီတော့ ဒီမိန်းကလေးက ပါးလေးချောင်ကျနေရာကနေ တဖြည်းဖြည်း ပါးလေးဖောင်းလာတယ်။ သူ့စိတ်ထဲမှာ ၀လာတယ်ထင်တာ၊ တကယ်တော့ ဖောလာတာပါ။ ဒီလိုဖြစ်ရင်းဖြစ်ရင်း စတီးရွိုက်တွေ လွန်လာပြီး Cushion Syndrome ဖြစ်လာပါတယ်။ ကုပ်ပိုးတွေ တက်လာတယ်။ မျက်နှာက လပြည့်ဝန်းကြီးလို ဖြစ်လာတယ်။ နှုတ်ခမ်းမွှေးတွေ ပေါက်လာတယ်။ အပျိုလေးတန်မဲ့ ဗိုက်ကြောတွေ ပြတ်လာတယ်။ ပိန်တဲ့မိန်းကလေး အတော်များများက ၀ချင်လို့ဆိုပြီး စပ်ဆေးတွေ ၀ယ်သောက်ကြတာကို တွေ့ရပါတယ်။ စပ်ဆေးတွေက သောက်လိုက်ရင် ထမင်းစားလို့ ကောင်းလာတယ်၊ ကိုက်ခဲနာကျင်တာတွေ ပျောက်တယ်။ နောက်ဆက်တွဲအနေနဲ့ ဖောလာပါတယ်။ ဒါကြောင့် စပ်ဆေးတွေကို သတိထားရှောင်ဖို့ လိုပါတယ်။
“ သုတေသန တွေ့ရှိချက်တွေအရ ၀တာကို လျှော့လိုက်ပါ။ ဒါဆိုရင် သွေးတိုးရောဂါဖြစ်နှုန်းလည်း ကျမယ်။ နှလုံးသွေးကြောကျဉ်းရောဂါဖြစ်နှုန်းလည်း ကျမယ်၊ ဒူးနာဝေဒနာလည်း သက်သာမယ်။ ကင်ဆာဖြစ်နှုန်းလည်း လျော့ကျမယ်လို့ တွေ့ရှိလာရတယ်။ ဒါကြောင့် ၀တဲ့သူတွေ ကိုယ်အလေးချိန်လျှော့တာက” . . .
Q. မ၀သေးတဲ့ သူတွေအနေနဲ့လည်း ကိုယ်အလေးချိန်ကို ဘယ်လိုနည်းနဲ့ ထိန်းသင့်ပါသလဲ ဆရာ။
A. မ၀သေးတဲ့သူတွေက ကိုယ့်အလေးချိန်နဲ့ ကိုယ့်ခါးကို အမြဲတိုင်းနေဖို့ လိုပါတယ်။ ကိုယ်အလေးချိန်က မတက်အောင် ထိန်းရတာက ပိုလွယ်ပါတယ်။ ၀ပြီးမှ ပြန်လျှော့ရတာ ခက်ပါတယ်။ အထူးသဖြင့် ကလေးတွေမှာ အဆင်သင့်အစာ (Junk Food)တွေ စားတာများလို့ ကလေးတွေက ငယ်ငယ်ရွယ်ရွယ်နဲ့ အ၀လွန်တဲ့ ကလေးတွေ ဖြစ်လာနေပါတယ်။ ဒါကို ဂရုစိုက်ပေးဖို့ လိုပါတယ်။ ၀တာကို ပိန်အောင်လျှော့တာက လှချင်လို့ မဟုတ်ပါဘူး။ ကျန်းမာအောင် လျှော့တာ၊ ရောဂါတွေ အန္တရာယ်ကနေ ကင်းဝေးချင်လို့ လျှော့တာ ဖြစ်ပါတယ်။
ဝပင်ဝသော်ငြား Metabolically Healthy ဖြစ်အောင် နေရပါမယ်။ ဆိုလိုတာက ၀ရင် ကိုယ်အလေးချိန်ကို ထပ်တက်မလာအောင် ထိန်းရမယ်၊ ခန္ဓာကိုယ်ထဲမှာ အဆီပိုတွေ တက်မလာအောင် ထိန်းရမယ်၊ ခါးအတိုင်းအတာကို လျှော့ချရမယ်။ ဒါဆိုရင် ၀ရင်တောင်မှ အသက်အန္တရာယ်ရှိနိုင်တဲ့ ရောဂါတွေ မဖြစ်အောင် ကာကွယ်နိုင်မှာ ဖြစ်ပါတယ်။
Q. ၀တာကို လျှော့ချတာကြောင့် ဘယ်လိုကျန်းမာရေး ကောင်းကျိုးတွေကို ရရှိစေပါသလဲ ဆရာ။
A. အရင်တုန်းက ၀တဲ့သူ ပိန်အောင်လုပ်တာက လှချင်လို့လို့ သတ်မှတ်ကြပါတယ်။ ပိန်မှလှမယ်ဆိုပြီး ပိန်ဆေးသောက်တာ၊ ကျန်းမာရေးလေ့ကျင့်ခန်းတွေ လုပ်တာတွေ လုပ်ကြတယ်။ အခု အဲဒီအယူအဆ ပြောင်းသွားပါပြီ။ သုတေသန တွေ့ရှိချက်တွေအရ ၀တာကို လျှော့လိုက်ပါ။ ဒါဆိုရင် သွေးတိုးရောဂါဖြစ်နှုန်းလည်း ကျမယ်။ နှလုံးသွေးကြောကျဉ်းရောဂါ ဖြစ်နှုန်းလည်း ကျမယ်၊ ဒူးနာဝေဒနာလည်း သက်သာမယ်။ ကင်ဆာဖြစ်နှုန်းလည်း လျော့ကျမယ်လို့ တွေ့ရှိလာရတယ်။ ဒါကြောင့် ၀တဲ့သူတွေ ကိုယ်အလေးချိန်လျှော့တာက လှချင်လို့ မဟုတ်ပါဘူး။ ကျန်းမာရေးဆိုးကျိုးတွေ မရအောင်၊ အသက်အန္တရာယ် မစိုးရိမ်ရအောင်လို့ ဖြစ်ပါတယ်။
