———၊ စူး(ဆေးဝါးတက္ကသိုလ်) ၊———
လူအနည်းငယ်ကသာ အိပ်ရာထဲလှဲလိုက်တာနဲ့ အိပ်မောကျသွားတတ်တာပါ။ တချို့လူတွေကျတော့ အိပ်ရာဝင်ပြီး လူးလိမ့်ရင်း တော်တော်နဲ့ အိပ်မပျော်နိုင် ဖြစ်နေတတ်ကြပါတယ်။ ဒါပေမဲ့ ကံကောင်းတာက အာရုံကြောစနစ်ကို ငြိမ်သက်စေပြီး စိတ်ဖိစီးမှုကို စက္ကန့်ပိုင်းအတွင်း ပြေလျော့စေတဲ့ လေ့ကျင့်ခန်းအနေအထားတွေ ရှိနေတာပါပဲ။ အောက်ပါရိုးစင်းတဲ့ လေ့ကျင့်ခန်း ၆ ခု ပြုလုပ်ပေးလိုက်ရုံနဲ့ ကလေးလေးတစ်ယောက်လို အိပ်မောကျသွားမှာပါ။
ကိုယ်ဟန်အနေအထား (၁) – နံရံကို ခြေထောက်မြှင့်ခြင်း
နံရံကို မျက်နှာမူပြီး လှဲလျောင်းကာ ခါးအောက်မှာ ခေါင်းအုံးတစ်လုံး ခုထားပါ။ ဖနောင့်နဲ့ ဒူးတွေကို တတန်းတည်းဖြစ်အောင် ခြေထောက်ကို မြှင့်ပေးပါ။ လက်တွေကို ကိုယ်ခန္ဓာဘေး ဆန့်တန်းထားပြီး ခြေထောက်ကို ဆန့်ထုတ်ပေးပါ။ ဒီအနေအထားအတိုင်း အချိန်နှစ်မိနစ်ခန့် နေပေးပါ။
ကိုယ်ဟန်အနေအထား (၂) – ဗိုက်မှောက်ပြီး လက်ဆန့်ထုတ်ခြင်း
ခေါင်းအုံးပေါ်မှာ ဗိုက်မှောက်ပြီး လှဲလျောင်းပါ။ ကျောပြင်နောက်မှာ လက်ချောင်းတွေကို ဆုပ်ကိုင်ပြီးဆွဲဆန့်ပေးပါ။ အဲဒီအချိန်မှာ အသက်ပြင်းပြင်းရှူပြီး ကျောပြင်နဲ့ ခြေချောင်းတွေကို ဆန့်ထုတ်ပေးပါ။ ပြီးရင် ဖြည်းဖြည်းချင်း ပြန်လျှော့ချကာ အသက်ရှူထုတ်ပေးပါ။ ဒီလေ့ကျင့်ခန်းကို ၅-၁၀ ကြိမ်ခန့် ထပ်မံပြုလုပ်ပြီး အနားယူပေးသင့်ပါတယ်။
ကိုယ်ဟန်အနေအထား (၃) – ခြေထောက်ကို ချဲပြီးလှဲခြင်း
ခြေထောက်တွေကို ချဲပြီးထိုင်ပါ။ ခေါင်းအုံးကို သင့်ရှေ့မှာချထားပါ။ ကျောပြင်ဆန့်ထုတ်ပြီး တတ်နိုင်သလောက် အသက်ပြင်းပြင်း ရှူသွင်းပေးပါ။ ပြီးရင် ဖြည်းဖြည်းချင်း အသက်ရှူထုတ်ပြီး လက်မောင်းတွေကို ဆန့်ထုတ်ကာ ခေါင်းအုံးပေါ်မှာ လှဲချလိုက်ပါ။ ဒီအနေအထားအတိုင်း အသက်ရှူလိုက်၊ ထုတ်လိုက် ၁၀ ကြိမ်လုပ်ပေးရပါမယ်။
ကိုယ်ဟန်အနေအထား (၄) – ခြေထောက်ကို ကွေးပြီးလှဲခြင်း
ခေါင်းအုံးပေါ် ပက်လက်လှန်လှဲလျောင်းပြီး ခြေထောက်တွေကို ချိတ်ကာ ဒူးကွေးထားပါ။ လက်တွေကို ဖြေလျှော့ပြီး ကိုယ်ခန္ဓာဘေးမှာ ဆွဲဆန့်လိုက်ပါ။ လက်ဖ၀ါးတွေကို ဖြန့်ထုတ်ထားရင်း အသက်ပြင်းပြင်း ရှူသွင်း/ ရှူထုတ် လုပ်ပေးပါ။ ဒီအနေအထားအတိုင်း အချိန်သုံးမိနစ်ခန့် နေရပါမယ်။
ကိုယ်ဟန်အနေအထား (၅) – လှဲလျောင်းရင်း ဘေးတစောင်းလှည့်ကွေးခြင်း
ပက်လက်လှန်လှဲလျောင်းပြီး ဒူးတွေကိုကွေးကာ ကိုယ်တစ်ဘက်သို့ ဖြည်းဖြည်းချင်း လှဲချလိုက်ပါ။ ဦးခေါင်းကို ဒူးကွေးတဲ့ဘက်နဲ့ ဆန့်ကျင်ဘက်သို့ လှည့်ပေးပါ။ တစ်မိနစ်ခန့်နေပြီး ဘက်ပြောင်းလုပ်ပေးရပါမယ်။
ကိုယ်ဟန်အနေအထား (၆) – ပက်လက်အနေအထားဖြင့် လှဲလျောင်းခြင်း
ခေါင်းအုံးပျော့ပေါ် ကျောတင်ပြီး သက်သောင့်သက်သာ လှဲနေပါ။ ခြေထောက်ကို ဖြည်းဖြည်းချင်း ဆန့်ထုတ်ပြီး လက်နှစ်ဖက်ကို ကိုယ်ခန္ဓာဘေးတစ်ဖက်တစ်ချက်မှာ ချပေးပါ။ ကျောပြင်နဲ့ ဦးခေါင်းက တဖြောင့်တည်းဖြစ်နေဖို့ လိုပြီး အသက်ပြင်းပြင်း သုံးကြိမ်သုံးခါ ရှူသွင်းရှူထုတ် လုပ်ပေးပါ။
ဒီလေ့ကျင့်ခန်းလုပ်ပြီးချိန်မှာ အိပ်ချင်သလို ဖြစ်လာပြီး မကြာခင် အိပ်ရေး၀၀ အိပ်မောကျသွားမှာ ဖြစ်ပါတယ်။