———၊ လရိပ်မေ ၊———
အိပ်ရာမ၀င်ခင် သွားတိုက်ဖို့၊ သန့်ရှင်းတဲ့သွားတွေနဲ့သာ အိပ်စက်အနားယူဖို့ လိုတယ်ဆိုတာ လူတိုင်းသိကြပေမယ့် တစ်ခါတလေမှာ သွားမတိုက်ဘဲ အိပ်ရာဝင်တာမျိုး လုပ်မိတတ်ကြပါတယ်။ စာဖတ်ရင်း၊ တီဗီကြည့်ရင်း အိပ်ချင်စိတ်များလာလို့ သွားမတိုက်ဘဲ အိပ်ရာထဲဝင်အိပ်တာ၊ အိပ်ခါနီး သွားတိုက်ပြီးမှ သရေစာစားမိတာတွေကြောင့် မသန့်ရှင်းတဲ့ သွားတွေနဲ့ အိပ်စက်မိတာမျိုးလည်း ဖြစ်တတ်ပါသေးတယ်။
သွားပိုးပေါက်ဖြစ်ခြင်း
ညဘက်သွားတိုက်ရတဲ့ ရည်ရွယ်ချက်က သွားမျက်နှာပြင်ပေါ်ရှိ စားကြွင်းစားကျန်တွေနဲ့ ဘက်တီးရီးယားတွေ ကင်းစင်ပြီး သွားချေးဖတ်တွေ ကပ်ငြိမှုမရှိအောင် ကာကွယ်ဖို့ဖြစ်ပါတယ်။ ညဘက်သွားတိုက်ပြီးမှ အိပ်ရာဝင်တဲ့အခါ သွားမျက်နှာပြင်ရှိ ဘက်တီးရီးယားတွေ ကင်းစင်ပြီး သွားတွေကို ခိုင်ခံစေပါတယ်။ သွားမတိုက်ဘဲ အိပ်ရာဝင်တဲ့အခါ ဘက်တီးရီးယားအကွက်လွှာတွေ စတင်ကြီးထွားလာပြီး အက်စစ်ထွက်ရှိနှုန်း များလာပါတယ်။ ဒါကြောင့် ကြာလာတဲ့အခါ သွားပိုးစားတာ၊ သွားပိုးပေါက်ဖြစ်တာတွေ ဖြစ်လာတတ်ပါတယ်။
သွားခိုင်ခံ့သန်စွမ်းမှု လျော့နည်းခြင်း
တကယ်လို့ သကြားဓာတ်ပါဝင်တဲ့ အစားအသောက်တွေကိုစားပြီး ညဘက်သွားမတိုက်ဘဲ အိပ်ရာဝင်ရင် တံတွေးထွက်နှုန်းလျော့ကျပြီး သွားကြွေလွှာတွေကို ထိခိုက်စေနိုင်ပါတယ်။ တကယ်တော့ ညအချိန်ဆိုတာ ကိုယ်၊ စိတ်အနားယူဖို့နဲ့ သွားတွေ တစ်နေ့တာ ပျက်စီးမှုကနေ ပြန်လည်ကောင်းမွန်လာဖို့အတွက် အရေးပါတဲ့အချိန်ပါ။ သွားမတိုက်ဘဲ အိပ်ရာဝင်ရင် သွားတွေပြန်လည် သန်စွမ်းကျန်းမာလာဖို့ လိုအပ်တဲ့ ဖလိုရိုက်ဓာတ် မရရှိတဲ့အတွက် သွားတွေရဲ့ခိုင်ခံ့သန်စွမ်းမှု လျော့ကျသွားပါတယ်။
သွားရည်ကျနှုန်း များခြင်း
သွားမတိုက်ဘဲ အိပ်တဲ့သူတွေက ခံတွင်းသန့် ရှင်းမှု မရှိတာကြောင့် ပါးစပ်ဟပြီး အသက်ရှူရတာ များလာပါတယ်။ အဲဒီအခါ ခံတွင်းထဲမှာ တံတွေးဂလင်းအလုပ်လုပ်ပြီး တံတွေးထွက်နှုန်းများကာ ပါးစပ်ကနေ တံတွေးလျှံကျတတ်ပါတယ်။ အထူးသဖြင့် ဘေးတစောင်းအိပ်တတ်တဲ့အခါ သွားရည်ပိုကျတတ်ပါတယ်။ ညဘက် သွားမှန်မှန်တိုက်ပေမယ့် သွားရည်ကျနေရင် သွားအနေအထားကို စစ်ဆေးသင့်ပါတယ်။ သွားခေါနေသူအများစုက သွားရည်ကျနိုင်ခြေ ပိုများတတ်လို့ ဖြစ်ပါတယ်။
ညအိပ်ရာမ၀င်မီ သွားတိုက်မည်ဆိုလျှင်
ညဘက် အိပ်ရာဝင်ခါနီး သွားတိုက်မယ်ဆိုရင် ကိုယ်စားထားတဲ့ အစားအသောက်တွေကို ဂရုစိုက်ပါ။ ဥပမာ အက်စစ်ဓာတ်များတဲ့ အစားအသောက်စားပြီးရင် အနည်းဆုံး မိနစ် ၃၀ ကြာမှ သွားတိုက်သင့်ပါတယ်။
သွားကြားထိုးကြိုးထိုးပြီးမှ သွားတိုက်ပါ။
တစ်နေ့လုံး ခံတွင်းကျန်းမာစေဖို့ ကျန်းမာရေးနဲ့ညီတဲ့ အစားအသောက်စားပြီး သရေစာကို တတ်နိုင်သမျှ လျှော့စားသင့်ပါတယ်။ သွားတိုက်တံကို သုံးလေးလတစ်ကြိမ် အသစ်လဲပါ။ ဒါမှမဟုတ် သွားတိုက်တံအမျှင်တွေဖွာနေရင် အသစ်လဲပါ။
