ငယ်သွားနဲ့ ကြီးသွားဆိုပြီး ပြောဆိုလေ့ရှိကြတဲ့ အထဲမှာ တစ်ခါတလေ ကြီးသွားနုတ်ရတဲ့ အခြေ အနေရှိတတ်ပါတယ်။
ကြီးသွားတွေနုတ်ရတဲ့ အဓိက အကြောင်းရင်းကတော့ လူငယ်တွေမှာ ထိခိုက်ဒဏ်ရာရတာကြောင့် နုတ်ရတာပါ။ မော်တော်ဆိုင်ကယ် မတော်တဆ ထိခိုက်မှုဖြစ်တာ၊ ယာဉ်မတော်တဆ ထိခိုက်တာ၊ ရန်ဖြစ်တာစတဲ့ အကြောင်းရင်းတွေကြောင့် ကြီးသွားကိုနုတ်ရတတ်ပါတယ်။ အရင်တုန်းကတော့ ထိခိုက်ဒဏ်ရာရပြီဆိုတာနဲ့ သွားကို နုတ်လိုက်ရပေမယ့် အခုခေတ်မှာတော့ သွားရဲ့ အစိတ်အပိုင်းမှာ ထိခိုက်ဒဏ်ရာရတဲ့ အဆင့်ကို လိုက်ပြီးတော့ သွားကိုမနုတ်ဘဲ ထိန်းသိမ်းကုသနည်းတွေ ရှိတယ်။
နောက်တစ်ချက်အနေနဲ့ကတော့ သွားပိုးစားရောဂါကြောင့် သွားနုတ်ရတတ်ပါတယ်။ လူကြီးတွေမှာကျတော့ သွားဖုံးတွေ မသန့်ရှင်းလို့ ရေစီးကမ်းပြိုရောဂါကြောင့် သွားနုတ်ရတတ်ပါတယ်။
ဘယ်လိုပဲဖြစ်ဖြစ် လူကြီးသွားတစ်ချောင်းကို နုတ်လိုက်ရပြီဆိုရင် ပြန်မပေါက်တော့ပါဘူး။ ဒါကြောင့် လူကြီးသွားကို မနုတ်ခင်မှာ နားလည်တတ်ကျွမ်းတဲ့ သွားနဲ့ခံတွင်း ဆရာဝန်နဲ့အရင်ဆုံး တိုင်ပင်သင့်ပါတယ်။ မလွဲမရှောင်သာလို့ သွားကိုနုတ်လိုက်ရပြီဆိုရင်လည်း နုတ်ထားတဲ့ သွား နေရာမှာ အစားထိုးပြီး ပြန်စိုက်ဖို့ အရေးကြီးပါတယ်။
သွားကို ပြန်မစိုက်ဘူးဆိုရင် ဘေးကသွားတွေယိုင်လာမယ်၊ သွားတွေခေါလာမယ်၊ သွားတွေ လှုပ်ပြီး ကျွတ်လာမယ် တဖြည်းဖြည်းနဲ့ အဲဒီလို ဖြစ်လာနိုင်ပါတယ်။ ဒါကြောင့် အသက်ငယ်ငယ် ရွယ်ရွယ် လူငယ်တွေဆိုရင် နုတ်ထားတဲ့ သွားကို ပြန်စိုက်ဖို့ လိုပါတယ်။
အကြမ်းဖျဉ်းအားဖြင့် လူကြီးသွားတွေ ခိုင်ခံ့ ကျန်းမာလှပဖို့အတွက် ရောဂါဖြစ်ဖြစ်၊ မဖြစ်ဖြစ် ခြောက်လတစ်ကြိမ်ခန့် သွားဆရာဝန်ထံပြပြီး စစ်ဆေးသင့်ပါတယ်။ တကယ်လို့ မပြဖြစ်ရင်တောင် တစ်နှစ်တစ်ကြိမ်တော့ ပြသင့်ပါတယ်။ လူအများစုက သွားတွေကိုက်မှ၊ နာမှ၊ နုတ်ရခါနီးမှ သွား ဆရာဝန်ဆီကိုလာပြကြတာ များပါတယ်။ အဲဒီလို မလုပ်ဘဲ သွားတွေရဲ့ ကျန်းမာရေးအတွက် အစဉ် ကြိုတင်ကာကွယ် ထိန်းသိမ်းနေသင့်ပါတယ်။
ပြီးတော့ နေ့တိုင်းလိုက်နာသင့်တဲ့ အချက်တွေလည်းရှိပါတယ်။ သွားနဲ့ခံတွင်းကျန်းမာရေး အတွက် ခံတွင်းသန့်ရှင်းရေးကို ဂရုစိုက်ရမယ်။ အဓိကကတော့ အိမ်တွေမှာ အိမ်သားတစ်ဦးစီမှာ ကိုယ်ပိုင် သွားတိုက်တံတစ်ချောင်းစီရှိသင့်ပါတယ်။ တချို့အိမ်တွေက သွားတိုက်တံတစ်ချောင်းတည်း ကိုပဲ တစ်အိမ်သားလုံးမျှပြီး အသုံးပြုတတ်ကြတယ်။ ဒါက လုံးဝမကောင်းပါဘူး။ သွားပိုးစားရောဂါက ကူးစက်တတ်တာကြောင့် သွားတိုက်တံတစ်ချောင်းတည်းကို အတူတူသုံးတဲ့အခါ လူတစ်ဦးမှာ သွားပိုးစား ရောဂါရှိရင် နောက်လူကို ကူးစက်စေနိုင်ပါတယ်။ ဒါကြောင့် သွားပွတ်တံကို တစ်ယောက်မှာ တစ်ချောင်းထားပါ။ သုံးပြီးတာနဲ့ ထောင်ထားပါ။ မသုံးခင်မှာလည်း သွားပွတ်တံကို ပြောင်အောင် ဆေးပြီးမှ သွားတိုက်ဆေးထည့်ပါ။
ပြီးတော့ အရည်ရွှမ်းတဲ့သစ်သီးတွေနဲ့ ဟင်းသီးဟင်းရွက်တွေကို စားပေးရပါမယ်။ ချိုပြီး စေးကပ်တဲ့အစာ တွေကို ရှောင်ရပါမယ်။ အစာစားပြီးတိုင်း ပလုတ်ကျင်းပေးရပါမယ်။ သွားနဲ့ခံတွင်း ကျန်းမာရေးအတွက် သွားဆရာဝန်နဲ့ ခြောက်လတစ်ကြိမ် ပြသစစ်ဆေးမှုကို ခံယူသင့်ပါတယ်။
(Healthy Life ဂျာနယ်မှ စီစဉ်တင်ဆက်သည့် အပတ်စဉ် သောကြာနေ့ထုတ် Healthy Life ဂျာနယ်၊ https://www.facebook.com/healthylifejournalmyanmar/ နှင့် www.healthylifejournalmyanmar.com တို့တွင် ဖော်ပြပါရှိသမျှ ကျန်းမာရေးနှင့် အလှအပဆိုင်ရာ သတင်းများ၊ သတင်းဆောင်းပါးများ၊ အမေးအဖြေများ၊ ဘာသာပြန်ဆောင်းပါးများကို လွတ်လပ်စွာ မျှဝေနိုင်ပါသည်။ သို့ရာတွင် မည်သည့် Facebook စာမျက်နှာ၊ Website များတွင်မဆိုပြန်လည်ကူးယူဖော်ပြခြင်းကို ခွင့်မပြုပါကြောင်း အသိပေး ကြေညာအပ်ပါသည်။)
