Healthy Life Ad
Health Tips

မီးဖွားပြီး မိခင်များအတွက် လေ့ကျင့်ခန်း

၊ ကိုထက် ၊
ကလေးမီးဖွားပြီးတဲ့အခါ မိခင်ရဲ့ခန္ဓာကိုယ်ဟာ အနည်းနဲ့အများတော့ ပြောင်းလဲသွားတတ်ပါတယ်။ ဒီလိုပြောင်းလဲသွားတဲ့ ခန္ဓာကိုယ်ကိုကလေးမမွေးခင်ကပုံစံအတိုင်း ပြန်လည်ကောင်းမွန်ချင်တယ်ဆိုရင်တော့ ကာယလေ့ကျင့်ခန်းတွေနဲ့ ပြန်လည်ပြုပြင်နိုင်ပါတယ်။ ကျွမ်းကျင်သူတွေကတော့ ကလေးမွေးပြီးချိန်ကနေ ရက်ပေါင်း ၄၀ ခန့်အတွင်းဟာ နဂိုခန္ဓာကိုယ်အတိုင်းပြန်ဖြစ်စေရေးအတွက် လေ့ကျင့်ခန်းပြုလုပ်ဖို့ အကောင်းဆုံးအချိန်လို့ ဆိုပါတယ်။ ဒါပေမဲ့ မိမိရဲ့ ကျန်းမာရေးအပေါ်မူတည်ပြီး ဆရာဝန်ရဲ့ အကြံဥာဏ်တွေကို လိုက်နာဖို့ကတော့ ပိုအရေးကြီးပါတယ်။ မီးဖွားပြီးနောက် ပိုထွက်လာတဲ့ အဆီတွေနဲ့ ပုံစံပြောင်းသွားတဲ့ အသားအရေတွေကို ပြန်လည်ကောင်းမွန်စေဖို့ လုပ်သင့်တဲ့ လေ့ကျင့်ခန်းတချို့ကို ဖော်ပြပေးလိုက်ပါတယ်။

1
(၁) အလေးမ လေ့ကျင့်ခန်း
ခုံတန်းရှည်တစ်ခုံပေါ်မှာ ဦးစွာ လှဲလျောင်းလိုက်ပါ။ လက်နှစ်ဖက်ကနေ ၀ိတ်တုံးတစ်ခုစီ ကိုင်ထားပါ။ ၀ိတ်တုံးတစ်တုံးစီဟာ အခါ ၂၀ လောက်မဖို့အတွက် အဆင်ပြေပြီး သင့်အတွက် မလေးလွန်း၊ မပေါ့လွန်းတာဖြစ်သင့်ပါတယ်။ တံတောင်ဆစ်တွေကို အပေါ်သို့ထောင်ထားပြီး ၀ိတ်တုံးကို နားရွက်နား ရောက်နေအောင် လက်ကို ကွေးထားပါ။ လက်တစ်ဖက်ကို အဲဒီအနေအထားအတိုင်းထားပြီး ကျန်တစ်ဖက်ကို အပေါ်ကိုဆန့်ထုတ်လိုက်၊ ပြန်ကွေးလိုက် အကြိမ် ၂၀ ပြုလုပ်ပေးပါ။ ပြီးရင် နောက်လက်တစ်ဖက် ပြောင်းလုပ်ပါ။

2
(၂) တင်ပါးဆုံကွင်းကြွက်သား လေ့ကျင့်ခန်း
တင်ပါးဆုံကွင်းကြွက်သားတွေ သန်မာလာစေမယ့်အပြင် ပိုမိုကြည့်ကောင်းလာစေတဲ့ လေ့ကျင့်ခန်းဖြစ်ပါတယ်။ ထိုင်ခုံတစ်လုံးပေါ်ထိုင်ပြီး ခြေဖ၀ါးကို ကြမ်းပေါ်မှာ သေချာချထားပါ။ တင်ပါးဆုံကွင်း ကြွက်သားတွေကို ကျုံ့လိုက်၊ လျှော့လိုက် အကြိမ် ၂၀ ပြုလုပ်ပေးပါ။ ဆီးသွားတဲ့အခါမှာလည်း ဆီးရပ်သွားအောင် ကြွက်သားတွေကို ကျုံ့လိုက်ကာ ခဏအောင့်ထားပြီးမှ ဆီးဆက်သွားပါ။ ဆီးတစ်ခါသွားရင် ၂ ကြိမ်- ၃ ကြိမ်ခန့် ပြုလုပ်ပေးပါ။

3
(၃) နောက်ကျော လေ့ကျင့်ခန်း
ဦးစွာ မတ်မတ်ရပ်နေပြီး အလေးတုံးကို ကိုင်ထားပါ။ ထို့နောက် ကျောရိုးကိုဖြောင့်ဖြောင့်ထားပြီး လက်ထဲမှအလေးတုံးကို ဒူးအောက်ပိုင်း ရောက်တဲ့အထိ ခါးကိုရှေ့ကိုကိုင်းချလိုက်ပါ။ အဲဒီနောက် ပြန်ပတ်လိုက်ပါ။ ဒီလေ့ကျင့်ခန်းကိုအကြိမ် ၂၀ ပြုလုပ်ပေးပါ။

44ျာကို အားပြုပြီး ခါးကိုအပေါ်သို့ မြှင့်တင်လိုက်ပါ။ တင်ပါးဆုံ ကွင်း ကြွက်သားတွေကို ကျုံ့ထားပြီး အဲဒီအနေအထားအတိုင်း ၃ စက္ကန့်နေပြီးမှ မူလအနေ အထားအတိုင်း ပြန်နေပါ။ အဲဒီလေ့ကျင့်ခန်းကို အကြိမ် ၂၀ ပြုလုပ်ပေးပါ။

5
(၅) အလေးမ လက်လွှဲလေ့ကျင့်ခန်း
ဘယ်ဘက်လက်နဲ့ ဒူးခေါင်းကို ခုံတန်းရှည်ပေါ်မှာ ထောက်ထားပြီး ညာခြေထောက်ကို ကြမ်းပြင်ပေါ်မှာ ထောက်ထားပါ။ ညာလက်ဖြင့် ၀ိတ်တုံးကို ကိုင်ထားပါ။ အဲဒီ့နောက် တံတောင်ဆစ်ကိုကွေးပြီး ၀ိတ်တုံးကို ခန္ဓာကိုယ်အနားရောက်အောင် ဆွဲမလိုက်ပါ။ အဲဒီ့နောက် ပြန်ချပါ။ အကြိမ် ၂၀ ပြုလုပ်ပြီး တစ်ဖက်ပြောင်းလုပ်ပေးပါ။ ဒီလေ့ကျင့်ခန်းက လက်မောင်းကြွက်သား၊ ပခုံးနဲ့ နောက်ကျောကြွက်သားတွေကို ပြန်လည်တင်းရင်း သန်မာစေမှာ ဖြစ်ပါတယ်။
ဒီလေ့ကျင့်ခန်းတွေဟာ ပြုလုပ်ရတာလွယ်ကူပြီး မီးဖွားထားတဲ့ မိခင်တွေအတွက်လည်း သိပ်ပင်ပန်းစေမှာ မဟုတ်ပါဘူး။ ကိုယ်ဝန်ဆောင်ချိန်မှာရှိခဲ့တဲ့ အဆီပိုတွေကိုလည်း ကျစေမှာဖြစ်ပါတယ်။
(Ref; HD)

Most Popular

Healthy Life Ad
To Top