မီမိုး(ဆေးဝါးတက္ကသိုလ်)
ကိုယ်ဝန်ဆောင်ဘ၀မှာ ခန္ဓာကိုယ် ပြောင်းလဲမှု တွေနဲ့အတူ အရေပြား အပြောင်းအလဲတွေလည်း ဖြစ်တတ်ပါတယ်။
– အဖုအပိမ့်ထွက်ခြင်း
ကိုယ်ဝန်ဆောင်ချိန်မှာ တစ်ခါတစ်ရံ ၀မ်းဗိုက်၊ တင်ပါး၊ ပေါင်နဲ့ လက်မောင်းတွေမှာ အနီဖုတွေ ထွက်လာတတ်ပါတယ်။ အဲဒါက ၀က်ခြံအဆံဖုနဲ့ လည်း တူပြီး ကလေးမွေးပြီးချိန်မှာ အလိုလို ပျောက် သွားတတ်ပါတယ်။ ဒီအဖုအပိမ့်ပေါက်တာက သင့်ရင်သွေးကို မထိခိုက်စေနိုင်ပါဘူး။
– ၀က်ခြံထွက်ခြင်း
ဆယ်ကျော်သက်အရွယ်မှာ ၀က်ခြံထွက်ထွက်၊ မထွက်ထွက် ကိုယ်ဝန်ဆောင်စဉ်မှာ ၀က်ခြံ အထွက် များတတ်ပါတယ်။ ကိုယ်ဝန်ဆောင် အမျိုးသမီးတစ်ဦးရဲ့ အသားအရေက အလွန် အထိမခံဖြစ်တဲ့အတွက် ပြင်းထန်တဲ့ ဓာတုပစ္စည်းပါတဲ့ ၀က်ခြံပျောက်ဆေးနဲ့ ကြေးချွတ်ပစ္စည်းတွေ သုံးတာမျိုး မလုပ်သင့်ပါဘူး။ ကလေးမွေးပြီးချိန်မှာ ဟော်မုန်းအဆင့်က ပုံမှန် ပြန်ရောက်သွားပြီး ၀က်ခြံကလည်း တဖြည်းဖြည်း ပျောက်ကွယ်သွားမှာ ဖြစ်ပါတယ်။
– အရေပြား အသားသီးဖြစ်ခြင်း
ကိုယ်ဝန်ဆောင်စဉ် တချို့အမျိုးသမီးတွေဟာ လည်ပင်း၊ လက်မောင်းနဲ့ ရင်ဘတ်နေရာတွေမှာ အသားသီးတွေ ဖြစ်ပေါ်တတ်ပါတယ်။ အရေပြားရဲ့ အပေါ်ယံအလွှာမှာ အသားသီးတွေပေါ်တတ်တာကြောင့် အန္တရာယ်မရှိပါဘူး။ ကလေးမွေးပြီး လအနည်းငယ် အကြာမှာ အလိုလို ပျောက်သွားတတ်ပါတယ်။
– အရေပြားခြောက်သွေ့ ယားယံခြင်း
ကိုယ်ဝန်ဆောင်ချိန် ၀မ်းဗိုက်က ကြီးထွားလာတဲ့အတွက် အရေပြား ဆွဲဆန့်မှု ဖြစ်လာပြီး အရေပြား ခြောက်သွေ့ အက်ကွဲလာတတ်ပါတယ်။ အဲဒီအခါ ယားယံမှုက ၀မ်းဗိုက်တင်မက ပေါင်နဲ့ တင်ပါးနေရာမှာပါ ခြောက်သွေ့ယားယံလာတတ်ပါတယ်။ အဲဒီအရေပြား နေရာတွေကို အစိုဓာတ်ထိန်း လိုးရှင်းလိမ်းပေးတာက တကယ် အထောက်အကူ ဖြစ်စေပါတယ်။
– ၀မ်းဗိုက်ပေါ်က အမည်းလိုင်း ထင်းနေခြင်း
အမျိုးသမီးတွေမှာ သဘာဝအားဖြင့် ချက်ကနေ ဆီးခုံအလယ်လောက်အထိ အလွန်ဖျော့တော့ တဲ့ အဖြူလိုင်း ရှိပါတယ်။ အဲဒါက ကိုယ်ဝန်ဆောင် ကာလ ဒုတိယသုံးလပတ်ကာလအတွင်း သိသိသာသာ မည်းလာတတ်ပါတယ်။ ကလေးမွေးပြီး လအ နည်းငယ်အတွင်း အလိုလို ပျောက်သွားပါလိမ့်မယ်။
– လက်ဖ၀ါး နီမြန်းခြင်း
ကိုယ်ဝန်ဆောင်ကာလ ပထမလအနည်းငယ် အတွင်း လက်ဖ၀ါးနီမြန်းနေတာကို သတိပြုမိပါလိမ့်မယ်။ တစ်ခါတလေ ယားယံတတ်ပါတယ်။ ကိုယ်ဝန် ဆောင်စဉ်အတွင်း ဒီလို အရေပြား ပြောင်းလဲမှုက ယာယီအခြေအနေပဲ ဖြစ်ပါတယ်။
– အရေပြားပေါ်တွင် အညိုရောင် အကွက်ပေါ်ခြင်း
ကိုယ်ဝန်ဆောင်စဉ်မှာ နဖူး၊ နှာခေါင်း၊ရင်ဘတ် အပေါ်ပိုင်းနဲ့ မေးစေ့တွေမှာ အမည်းကွက် ပေါ်လာ တတ်ပါတယ်။ ဒါက ဟော်မုန်းကြောင့် မယ်လနင် အထွက်တိုးလာလို့ ဖြစ်ရတာပါ။ နေဒဏ်ထိတွေ့မှု မရှိအောင် တတ်နိုင်သမျှ ရှောင်သင့်ပါတယ်။
– မည်းနက်သော နေရာတို့ ပိုမည်းလာခြင်း
ဟော်မုန်း အပြောင်းအလဲကြောင့် ခန္ဓာကိုယ်ထဲမှာ မည်းနက်တဲ့ နေရာတွေ (ဥပမာ နို့သီးခေါင်းနဲ့ နို့ သီးခေါင်းတစ်ဝိုက် အရေပြား)တွေက ပိုအရောင့်ရင့် လာတတ်ပါတယ်။ မှဲ့၊ မှဲ့ခြောက်နဲ့ မွေးရာပါအမှတ် တွေလည်း ပိုအရောင်ရင့်လာတတ်ပါတယ်။ ကလေး မွေးပြီး ပုံမှန်အရောင် ပြန်ဖြစ်သွားမှာပါ။
