———၊ ဇွန် ၊———
သင့်အနေနဲ့ ဆီးသွားတဲ့အခါ ပုံမှန်မဟုတ်တဲ့ မသက်မသာဝေဒနာတွေကို ခံစားနေရတာက ဆီးလမ်းကြောင်းပိုးဝင်ခြင်း၊ မျိုးပွားအင်္ဂါတဝိုက် ထိခိုက်ဒဏ်ရာရခြင်း၊ ဆီးလမ်းကြောင်းကျောက်တည်ခြင်း စတဲ့ အကြောင်းတစ်ခုခုကြောင့် ဖြစ်နိုင်ပါတယ်။ ဆီးသွားတဲ့အခါ မသက်မသာဖြစ်စေတဲ့ အဓိကအကြောင်းရင်းကတော့ ဆီးလမ်းကြောင်းပိုးဝင်ခြင်းကြောင့်ပါ။
ခံစားရတတ်သော လက္ခဏာများ
• ဆီးသွားတဲ့အခါ ပူစပ်ပူလောင်ဖြစ်ခြင်း ဒါမှမဟုတ် ဆီးကျဉ်ခြင်း၊
• မကြာခဏ ဆီးသွားလိုခြင်း၊
• ဆီးအနံ့မကောင်းခြင်း၊ ဆီးထဲသွေးပါခြင်းနဲ့ ဆီးအရောင်ပြောင်းလဲခြင်း၊
• ဖျားခြင်း ဒါမှမဟုတ် ချမ်းတုန်ခြင်း၊
• အစာစားချင်စိတ်နည်းခြင်း ဒါမှမဟုတ် အလုပ်လုပ်ချင်စိတ်နည်းခြင်း၊
• ပျို့ချင်အန်ချင်ဖြစ်ခြင်းနဲ့ ပျို့အန်ခြင်း၊
• ခါးအောက်ပိုင်း နာကျင်ခြင်းနဲ့ ဗိုက်နာခြင်း၊
• အိုးနဲ့ရှူးသွားတတ်အောင် လေ့ကျင့်ပေးထားတဲ့ ကလေးတွေမှာ ဘောင်းဘီထဲ မကြာခဏသေးစိုနေခြင်း။
ဘာလုပ်သင့်သလဲ
• ကလေးဟာ ဆီးသွားတိုင်းငိုကြွေးနေရင် ဒါမှမဟုတ် ဆီးမသွားနိုင်ရင် ဆရာဝန်နဲ့ပြပါ။
• ဆရာဝန်ရဲ ့ ညွှန်ကြားချက်အတိုင်း သေချာလိုက်နာပါ။
• ရေများများသောက်ဖို့ လိုအပ်သလို ဆီးလမ်းကြောင်းပိုးသေစေဖို့ သစ်သီးဖျော်ရည်သောက်ပေးပါ။
• လိင်မှတစ်ဆင့် ကူးစက်တ်တဲ့ ရောဂါတွေ ရှိ၊ မရှိ စစ်ဆေးဖို့လိုပါတယ်။
ကာကွယ်မှု
• မျိုးပွားအင်္ဂါတဝိုက်မှာ အနံ့မွှေးတဲ့ဆပ်ပြာ ဒါမှမဟုတ် အမြှုပ်ထတဲ့ ဆပ်ပြာမျိုးကို မသုံးသင့်ပါ။ ပျော့ပျောင်းတဲ့ ဆပ်ပြာ ဒါမှမဟုတ် ကြက်သီးနွေးရေနဲ့သာ ဆေးကြောသင့်ပါတယ်။
• စိုထိုင်းထိုင်းဖြစ်နေတဲ့၊ စိုစွတ်နေတဲ့ ဘောင်းဘီနဲ့ ကလေးသုံးကပ်ခွာဘောင်းဘီတို့ကို ချက်ချင်းလဲပါ။
• ကလေးတွေကို ဆီးသွားချင်စိတ်ပေါ်တိုင်း ဆီးအောင့်မထားဖို့ သတိပေးပါ။
• မိန်းကလေးတွေအနေနဲ့ ဆီး၊ ဝမ်းသွားပြီးတဲ့အခါတိုင်း အရှေ ့ဘက်မှ အနောက်ဘက်သို့ သုတ်ဖို့လိုအပ်ပါတယ်။