———၊ စူး (ဆေးဝါးတက္ကသိုလ်) ၊———
မစ်ဆိုရီမှ ဟန်နာလက်စ်တာအမည်ရှိ အမျိုးသမီးတစ်ဦးက သူရဲ ့ကိုယ်အလေးချိန် အလွန်အမင်း လျော့ကျသွားတဲ့အတွက် အဝတ်အစားအရွယ်အစား ၁၀ ဆိုက် (10 dress sizes)အထိ လျှော့ဝတ်ရပြီလို့ ဆိုပါတယ်။ ကောလိပ်ကျောင်းသူဘဝမှာ အချိန်ပိုင်းအလုပ်အဖြစ် အဆင်သင့်စာ စားသောက်ဆိုင်မှာ အလုပ်လုပ်ခဲ့တဲ့ဟန်နာက အဆင်သင့်စာတွေကို အစားများတာကြောင့် ကိုယ်အလေးချိန်ဟာ ၂၈၅ ပေါင်အထိ မြင့်တက်လာခဲ့သူပါ။ ဟန်နာရဲ ့ အရပ်အမောင်း ၅ ပေ ၆ လက်မနဲ့ယှဉ်ရင် ကိုယ်အလေးချိန်များနေတာကြောင့် လျှော့ချလိုခဲ့ပေမယ့် လေ့ကျင့်ခန်းလုပ်ချိန်မရှိသလောက် နည်းခဲ့ပါတယ်။
ဟန်နာဟာ ကောလိပ်ပြီးချိန်မှာ အလုပ်ရတဲ့အတွက် သူ့လုပ်ဖော်ကိုင်ဖက်တွေနဲ့အတူ ကိုယ်အလေးချိန်လျှော့ချတဲ့ စိန်ခေါ်ချက်တစ်ခုကို ဆက်သွယ်ခဲ့ပါတယ်။ ဟန်နာက ၂၀၁၂ ဇန်နဝါရီလကနေ မေလအထိ ကြိုးစားခဲ့တဲ့အခါ ကိုယ်အလေးချိန် ၃၅ ပေါင် လျော့ကျသွားခဲ့ပါတယ်။ သူရဲ ့နည်းလမ်းတွေကတော့ အခုလို ပြောပြထားပါတယ်။
အစားအသောက်
• ဟန်နာက အဆင်သင့်အစာအားလုံးနဲ့ ဆော်ဒါအချိုရည်တွေကို လုံးဝဖြတ်ချလိုက်ပါတယ်။
• နေ့တိုင်း ရေများများသောက်ပါတယ်။
• ကိုယ်လက်လှုပ်ရှားလေ့ကျင့်ခန်းအတွက် လမ်းများများလျှောက်ပါတယ်။
• ဟန်နာက သူမျှော်မှန်းထားတာထက် ၂ လစောပြီး မတ်လမှာ သူ့ပန်းတိုင်ကို စမြင်ခဲ့ရသူပါ။ ကိုယ်အလေးချိန်လျှော့ချနိုင်ဖို့ မှန်ကန်တဲ့လမ်းကြောင်းပေါ် ခြေချနိုင်ခဲ့ပြီလို့ သဘောပေါက်လာတဲ့ ဟန်နာက တဖြည်းဖြည်း ဆက်လက်ကြိုးစားခဲ့တဲ့အခါ ကိုယ်အလေးချိန်ကို ပေါင် ၅၀ အထိ ဖြည်းဖြည်းချင်း လျှော့ချနိုင်ခဲ့ပါတော့တယ်။
လေ့ကျင့်ခန်း
• ကိုယ်အလေးချိန် ပေါင် ၅၀ လျှော့ချနိုင်ခဲ့တဲ့အချိန်မှာ ဟန်နာက အားကစားခန်းမမှာ နည်းလမ်းတကျ လေ့ကျင့်ခန်းလုပ်ပြီး လမ်းလျှောက်ချိန်ကို တိုးမြှင့်ပြုလုပ်ခဲ့ပါတယ်။
• အိမ်မှာပဲ ချက်ပြုတ်စားသောက်တဲ့နည်းလမ်းနဲ့ ကျန်းမာရေးနဲ့အညီ စားသောက်ဖြစ်ဖို့ ကြိုးစားပါတယ်။
• သုံးနှစ်ကျော်အကြာမှာ ကိုယ်အလေးချိန် ပေါင် ၁၀ဝ လျော့ကျသွားခဲ့ပါတော့တယ်။
အဝတ်အစား
• နောက်ဆုံးမှာတော့ ကိုယ်အလေးချိန်များစဉ်က ဝတ်ခဲ့တဲ့ အဝတ်အစားတွေကို စွန့်ပစ်နိုင်ပြီး အဝတ်အစားအရွယ်အစား ၁၀ ဆိုက်ခန့် လျော့နည်းတဲ့ အဝတ်အစားတွေကိုပဲ ရွေးဝတ်ခဲ့ရပါတော့တယ်။
• ဟန်နာက အခုဆိုရင် ကျန်းမာရေးနဲ့ညီညွတ်တဲ့ နေထိုင်စားသောက်မှုပုံစံအတိုင်း ဆက်လက်လိုက်နာတဲ့နည်းနဲ့ ကိုယ်အလေးချိန်ကို ပုံမှန်ဖြစ်အောင် ဆက်ထိန်းနေသူပါ။
