—–၊ ဒေါက်တာဒေါ်ဝင်းဝင်းမြင့် (အာဟာရဆိုင်ရာ အထူးကုဆရာဝန်ကြီး) ၊—–
Q. ကိုယ်ဝန်ဆောင်ချိန်မှာ ဝမ်းချုပ်တတ်ပါတယ်။ အဲဒီလိုဝမ်းချုပ်ရင် ဘယ်လိုအစားအသောက်တွေ စားသောက်ပြီး ဝမ်းမှန်အောင် လုပ်လို့ရနိုင်ပါသလဲ။
A. ဟုတ်ပါတယ်။ တချို ့ကိုယ်ဝန်ဆောင်တွေ မကြာခဏ ဝမ်းချုပ်တတ်ပါတယ်။ ဒီလိုဝမ်းချုပ်တတ်ရင် ဟင်းသီးဟင်းရွက်၊ သစ်သီး စတာတွေကို တစ်နေ့ ၆-၈ ကြိမ် စားပေးရပါမယ်။ ရေဆိုလည်း တစ်နေ့ခြောက်ခွက်ကနေ ရှစ်ခွက်သောက်ပေးရပါမယ်။ ဝမ်းချုပ်တာကို ပေါ့ပေါ့ဆဆ နေလို့တော့မရပါဘူး။ ဝမ်းချုပ်တာကြာလာတဲ့အခါ Pile လို့ခေါ်တဲ့ လိပ်ခေါင်းဖြစ်လာတတ်ပါတယ်။
ဒါ့အပြင် ကိုယ်ဝန်ဆောင်တဲ့အချိန် သွေးကြောတွေက နည်းနည်းကြီးလာပြီး သွေးခဲပိတ်တာတွေ ဖြစ်တတ်ပါတယ်။ ခြေသလုံးမှာ သွေးကြောလေးတွေ ထုံးသလို စအိုထဲမှာရှိတဲ့ သွေးကြောတွေကလည်း နည်းနည်းဖောင်းကားလာတာကြောင့် ဝမ်းချုပ်တာ ဖြစ်ပါတယ်။ ဒါကြောင့် သတိထားဖို့တော့ လိုပါတယ်။