Healthy Life Ad
Health Tips

သက်ရှည်ကျန်းမာသူတို့၏ ဘဝနေထိုင်မှုပုံစံများ

———၊ စူး (ဆေးဝါးတက္ကသိုလ်) ၊———

အိုမင်းခြင်းကို တားဆီးပြီး အသက် ၁၀ဝ အထိ နေနိုင်ဖို့ရာအတွက် ငွေပိုရှိဖို့ လိုသလား၊ အစားအသောက်ကို ပိုစားဖို့လိုသလား၊ အသက် ၁၀ဝ အထိ ကျန်းကျန်းမာမာ ပျော်ပျော်ရွှင်ရွှင်နေရဖို့အတွက် ဘယ်လိုအချက်တွေနဲ့ ကိုက်ညီဖို့ လိုအပ်နေသလဲဆိုတာကို သိနိုင်အောင် အသက် ၁၀ဝ အထိ သက်ရှည်ကျန်းမာစွာ နေရသူတွေကို လေ့လာပြီး နယူးအင်္ဂလန်က အောက်ပါအတိုင်း ရှင်းပြပေးထားပါတယ်။

ပုံမှန်လေ့ကျင့်ခန်းလုပ်ခြင်းက ပျမ်းမျှ ဘဝသက်တမ်းကို ၇ နှစ်ပိုရှည်စေနိုင်

alignnone size-medium wp-image-59810
တာဝေးပြေးပါ

ဟားဗတ်ဆေးတက္ကသိုလ်ရဲ ့ လေ့လာမှုအရ တစ်နေ့မှာ ၁၅ မိနစ်လောက် ချွေးထွက်အောင် လှုပ်ရှားပေးတာက သွေးလှည့်ပတ်မှုကို ကောင်းမွန်စေပြီး ကိုယ်ခံစွမ်းအားစနစ်ကို မြင့်တက်စေပါတယ်။ ပြေးတာနဲ့ တခြားကိရိယာလွတ် လှုပ်ရှားမှုတွေကို ပူးတွဲပြီး ဆောင်ရွက်ပေးမယ်ဆိုရင် ပိုကောင်းပါတယ်။

အကြောလျှော့ပါ

အထိုင်များနေရင် သွေးလည်ပတ်မှုကောင်းမွန်အောင် ထပြီး လမ်းလျှောက်တာမျိုး၊ အကြောလျှော့ပေးတာမျိုးကို မှန်မှန်ဆောင်ရွက်ပေးပါ။

အစားအသောက်ကို အာဟာရနှင့်အညီ စားသောက်ခြင်းက ပျမ်းမျှဘဝသက်တမ်းကို ၅ နှစ်ပိုရှည်စေနိုင်
လျှာကို အလိုမလိုက်ပါနှင့်

လူအများစုဟာ အငန်၊ အချိုနဲ့ အဆီအအိမ့်တွေကို စားလိုက်ရမှ အရသာရှိတယ်ထင်ပြီး ကျေနပ်တတ်ကြပါတယ်။ တကယ်တော့ ဆား၊ အချိုနဲ့ အဆီအအိမ့်တွေဟာ အသက်မရှည်အောင် တားဆီးပေးနေတာပါ။ ကမ္ဘာပေါ်မှာ အသက်ရာကျော်အထိ နေရသူဦးရေ အများဆုံးနေထိုင်တဲ့ အိုကီနာဝါ ဂျပန်ကျွန်းကို လေ့လာမှုအရ အစားအသောက်ဟာ အသက်ရှည်ရှည်နေရမှုမှာ ဂဝ ရာခိုင်နှုန်း အရေးပါနေပါတယ်။ ရေလုံပြုတ်ထားတဲ့ ဟင်းသီးဟင်းရွက်တွေနဲ့ အဆီနည်း ဘဲသားတွေကို အစားများတဲ့ အိုကီနာဝါကျွန်းနေသူတွေမှာ သွေးတွင်းဟိုမိုစစ္စတင်း ပမာဏ ပုံမှန်အောက်နည်းကြောင်း တွေ့ရပါတယ်။ ဟိုမိုစစ္စတင်းပမာဏများတာဟာ နှလုံးသွေးကြောဆိုင်ရာ ရောဂါတွေနဲ့ ဆက်နွှယ်နေပါတယ်။ ပဲပုပ်စေ့၊ အမည်းရောင်ချောကလက်၊ ဝိုင်နီ၊ လက်ဖက်စိမ်းလက်ဖက်ရည် စတာတွေကို အသင့်အတင့် စားသောက်တာဟာ ကင်ဆာအန္တရာယ်ကို လျှော့ချပေးနိုင်ပါတယ်။

ဆေးလိပ်မသောက်သင့်ပါ

နယူးကက်ဆယ်ရဲ ့ အာဟာရအကြောင်း လေ့လာမှုအရ အသက်ရှည်ဖို့အတွက် အာဟာရအပြင် ဆေးလိပ်လုံးဝမသောက်ဖို့လိုအပ်ကြောင်း သိရပါတယ်။ အရက်ကိုတော့ တစ်ခါတစ်ရံ ဝိုင်တစ်ခွက်၊ ဘီယာတစ်ခွက်သောက်ပေးနိုင်ကြောင်း ဆိုပါတယ်။

alignnone size-medium wp-image-59811
အာဟာရတန်ဖိုးကို ကြည့်ပါ

ကယ်လီဖိုးနီးယား လေ့လာမှုတစ်ရပ်အရ အသီးအနှံနဲ့ ဟင်းသီးဟင်းရွက်စားရာမှာ ပိုပြီး အာဟာရတန်ဖိုးရှိတဲ့အရာကို ရွေးချယ်စားသောက်သင့်ကြောင်း ဆိုပါတယ်။ ဥပမာအနေနဲ့ ကဇွန်းဥအစား မုန်လာနီစားပါ။ မုန်လာဥနီမှာ ကဇွန်းဥထက် ဘီတာကယ်ရိုတင်းပါဝင်မှု နှစ်ဆပိုများပြီး အရိုးပွအန္တရာယ်ကို လျော့ကျစေပါတယ်။ လိမ္မော်သီးအစား သင်္ဘောသီးစားပါ။ သင်္ဘောသီးမှာ ဘီတာခရစ် ပတင်ဇန်သင်း ၁၅ ဆ ပိုပါပြီး ကင်ဆာအန္တရာယ်ကို ၃၀ ရာခိုင်နှုန်းလျော့ကျစေပါတယ်။ ရွက်လိပ်မုန်ညင်းအစား ဟင်းနုနယ်ရွက်ကိုစားပါ။ ဟင်းနုနယ်ရွက်မှာ လူတင်ဓာတ်သုံးဆ ပိုပါဝင်တာကြောင့် အိုမင်းခြင်းကို တားဆီးကာကွယ်ပေးနိုင်ပါတယ်။

သေချာကြေညက်အောင် ဝါးစားပါ

အစားအစာစားတဲ့အခါ ဘာကိုပဲစားစား ခံတွင်းထဲမှာ ညက်ညက်ကြေအောင် ကြိတ်ဝါးပြီးမှ မျိုချတဲ့အကျင့်ကို ဆောင်ရွက်ပေးပါ။

ကျန်းမာရေးနှင့်ညီသော ဘဝနေထိုင်မှုပုံစံအတိုင်းနေခြင်းဖြင့် ဘဝသက်တမ်းကို ၁၀ နှစ် ပိုရှည်စေနိုင်

alignnone size-medium wp-image-59812
ကော်ဖီသောက်ပါ

တစ်နေ့ကို ကော်ဖီနှစ်ခွက်ခန့် သောက်သုံးတာဟာ စိတ်ဓာတ်ကျဆင်းမှုကို လျော့ပါးစေကြောင်း အယ်လ်ဇိုင်းမားရောဂါ လေ့လာမှုတစ်ရပ်က ဆိုပါတယ်။

ဦးနှောက်အတွက် တွက်ချက်ပါ

သင်္ချာနဲ့မဆိုင်တော့ဘူးလို့ မတွေးလိုက်ပါနဲ့။ ဈေးစာရင်းတွေကို ပေါင်းတာ၊ ဆုဒိုကုပဟေဠိ အဖြေရှာတာ၊ သိပ္ပံဘာသာရပ်နဲ့ဆိုင်တဲ့ စာအုပ်တွေ ဖတ်ရှူလေ့လာတာတွေ အားလုံးဟာ ဦးနှောက်ကို အကျိုးပြုနေပါတယ်။

alignnone size-medium wp-image-59813
၁၀ နာရီခန့် မျက်လုံးမှိတ်ပါ

အနားယူချိန်တွေကို ပြည့်ပြည့်ဝ၀ပေးရင် အသက် ၁၀ဝ အထိနေရနိုင်ခြေ ပိုများပါတယ်။ ကောင်းကောင်းအိပ်တာဟာ ဦးနှောက်ရဲ ့ လုပ်ငန်းဆောင်တာတွေကို ကောင်းမွန်စေပြီး စိတ်ဖိစီးမှုလျော့ကျခြင်း၊ နှလုံးရောဂါ၊ ဆီးချိုသွေးချိုရောဂါ စတဲ့ အသက်အရွယ်ကြီးခြင်းနဲ့ ဆက်စပ်နေတဲ့ ရောဂါတွေဖြစ်နှုန်းကို လျော့ကျစေခြင်း စတဲ့ အကျိုးကျေးဇူးတွေကို ရရှိစေပါတယ်။ ဒါကြောင့် တစ်ညကို ရှစ်နာရီအိပ်ပေးတာ၊ နေ့လယ်နေ့ခင်းမှာ တစ်ရေးအိပ်ပေးတာနဲ့ ကွန်ပျူတာသုံးချိန် နာရီဝက်ကြာတိုင်း အချိန်အနည်းငယ်ကြာ မျက်လုံးမှိတ်ကာ အနားယူသင့်ပါတယ်။

Most Popular

Healthy Life Ad
To Top