———၊ ငွေကြယ်စင်ယံ ၊———
ဂျပန်အမျိုးသမီး သုံးရာခိုင်နှုန်းခန့်ကသာ အဝလွန်နေကြပြီး ကျန်တဲ့အမျိုးသမီးတွေက ခန္ဓာကိုယ်သွယ်လျ လှပနေကြကြောင်း လေ့လာမှုတွေအရ သိရပါတယ်။ သူတို့မှာ ဘယ်လိုလျှို့ဝှက်ချက်တွေ ရှိနေလို့ ဒီလိုသွယ်လျ လှပနေရသလဲဆိုတာ လေ့လာကြည့်ရအောင်။
လျှို့ဝှက်ချက် (၁)
သူတို့က ငါး၊ ပဲပိစပ်၊ ထမင်း၊ ဟင်းသီးဟင်းရွက်နဲ့ သစ်သီးတွေကို အဓိက စားကြပါတယ်။ အဆီကို သိပ်စားလေ့မရှိပါဘူး။
လျှို့ဝှက်ချက် (၂)
သေးငယ်တဲ့ ပန်းကန်လုံးတွေနဲ့ ပမာဏငယ်တဲ့ အစာပမာဏကို မကြာခဏ စားတတ်ပါတယ်။ ပန်းကန်လုံးက ပိုသေးငယ်လေ စားတဲ့ပမာဏ လျော့နည်းလေလေလို့ ဂျပန်အမျိုးသမီးတွေက လက်ခံထားကြပါတယ်။
လျှို့ဝှက်ချက် (၃)
သံလွင်ဆီလို အဆီနဲ့ ဟင်းချက်တတ်ပါတယ်။ ပေါင်းတာ၊ ပြုတ်တာ၊ နှပ်တာ စတဲ့ ဟင်းချက်နည်းတွေသုံးပြီး ဟင်းလျာပြင်ဆင် စားသောက်ကြပါတယ်။
လျှို့ဝှက်ချက် (၄)
ပေါင်မုန့်ထက် ထမင်းကို အဓိကစားလေ့ရှိပါတယ်။ ပေါင်မုန့်နဲ့ လုပ်ထားတဲ့ ချိုတဲ့မုန့်တွေကို ရှောင်လေ့ရှိပါတယ်။
လျှို့ဝှက်ချက် (၅)
နံနက်စာကို ပမာဏအများဆုံး စားလေ့ရှိပြီး ပရိုတင်းဓာတ် ထည့်စားပါတယ်။ နေ့လယ်စာအဖြစ် စိတ်ကျေနပ်ရုံသာ စားလေ့ရှိတာကြောင့် အိပ်ငိုက်တာမျိုးလည်း မဖြစ်တော့ဘဲ လန်းဆန်းနေပါတယ်။
လျှို့ဝှက်ချက် (၆)
သရေစာ နည်းနည်းစီစားတာပါ။ သရေစာကို နည်းနည်းချင်းစားပြီး အစာကို အလွန်အမင်း စားချင်စိတ်မဖြစ်အောင် ထိန်းတာက ခန္ဓာကိုယ်ကို သွယ်လျစေတဲ့ လျှို့ဝှက်ချက်တစ်ခုပါ။
လျှို့ဝှက်ချက် (၇)
တစ်နေ့လုံး လှုပ်ရှားမှုလုပ်ဖြစ်အောင် ကြိုးစားနေထိုင်တာပါ။ အလုပ်ကနီးရင် လမ်းလျှောက်သွားတာ၊ အထပ်မြင့်ကို ရိုးရိုးလှေကားနဲ့တက်တာ၊ အလုပ်မှာ မကြာခဏ လမ်းလျှောက်တာတို့ကို လုပ်ဆောင်ကြပါတယ်။